مساء الخير للجميع
كانت أمنية حياتي أسوي مركز نموذجي تعليمي ترفيهي للنساء والأطفال بأسعار مخفضة
شبيه بالمناهل في السفارات
وكونها بعيدة فكرت أسوي في شرق الرياض هالمركزأو قريب من مخرج 10 بحيث يكون قريب من الأماكن هذي
زوجي وافق يسويه لي بس بشرط أعمل له دراسة كاملة للمشروع من أجهزة ونشاطات وموظفات والمبنى وكشكات البيع والمطاعم وكيفية تكوينه كل شيء يعني
ممكن تساعدوني الله يسعدكم
04-08-1427 هـ, 04:21 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
على حد علمي هناك مشروع مطبق على طريق الملك عبدالله تقاطع علي بن أبي طالب على ما اضن ،،، اقترح عليك تمرين لك كذا مركز وتشوفين العيوب والمميزات والافكار وتشوفين مدى الاقبال وتقدرين التكاليف وتسألين اذا امكن.
04-08-1427 هـ, 07:49 مساءً
 
فكرتك حلوة وخصوصا انو مافيه مراكز بشرق الرياض وركزي على الروضه والنهضة هذولا ما فيهم
وحطي نادي والي اخره من الاشياء الى تدور عليها الناس بس مكانها يكون بعيد وركزي على خصوصية المكان حتى ان شاء الله يجونك االناس
من انحاء العالم
واذا تبين افكار ممكن تنجح ومطلوبه ومو موجودة خبريني خاص
05-08-1427 هـ, 12:35 صباحاً
 
مشكورااات ياقلبي
الله لايحرمني منكم
شوفوا حبيباتي
أنا هدفي وربي اللي خلقني مو ربح مادي بقدر ماأنا أحب الأطفال واجتماعية بدرجة كبيرة
ونفسي أختلط بالناس

من فترة كنت أدور لبناتي وعيالي على مراكز تعلمهم السباحة والكاراتيه لكن فيها خصوصية لبناتي رغم إنهم صغار بس أخاف عليهم مهما كان

اكتشفت إن ماعندنا إلا مركز واحد أوإثنين في كل الرياض يعلمون كاراتيه وبعيدااااااااات مرررررة
والمستوصفات هي الغالبة في تعليم السباحة وهذي مانضمنها كثير كون اللي يدخلونها رجال وحريم وأطباء وطبيبات والعمالة كلها أجنبية
فحبيت أسوي هالمركز بأسعار رمزية خصوصاً وزوجي ماعنده مانع يمولني بأي مبلغ بس احقق هالأمنية بإذن الله
05-08-1427 هـ, 03:13 صباحاً
 
حبيبتي أم نينا تقصدين عالم وناسة
رحت له مرة وبعدها تبت أسعاره غالية جداً
يعني تخيلي تلاعبين الطفل الساعة بثلاثين ريال
يع أربع أطفال الساعة بـ 120 ريال

تتوقعين كم أدفع كل مارحت لهم 600 ريال
وتوووبة منهم
الأسعار عندنا خيالية والساعة تخلص بنص دقيقة
والأطفال مايشبعون والحسابة بتحسب
مأساة
أنا الله رازقني وأقدر ..طيب واللي ماعنده ؟
05-08-1427 هـ, 03:16 صباحاً
 


الساعة الآن 02:12 .