ابي آرائكم بصالون تجميل نسائيي

:( بل محد رد علي ماتوقعت تخيبووون ظني وينكم

البلد مليانة صالونات

بس ما في صالون زين

فكري اول بالمحل اللي تبين تفتحينه وين .. لان اجارات المحلات غالية تصل الى الثلاثين الف ريال

وابتدي جيبي معدات للصالون و ديكور ... ومعدات الصالونات موجودة في النزيه في شارع سلوى و يوجد محل اخر في شارع النصر ويوجد ايضا محلات اخرى .. ويفضل الاستعانه بمصمم ديكور

واستقدام عاملات ..للمكياج و للشعر من لبنان والحف من الهند والبديكير من الفلبين ..

ويفضل تجيبينلج وحدة او ثنتين اجنبيات لان هل قطر يفضلون الاوربيات

ولازم يكون عندك محاسبة امينة او اكثر للتعامل

والعاملات لهم راتب ونسبة .. واسئلي مثلا محلات الكوفيرات عن رواتبهم ونسبتهم

اولا كم تقدرين تدفعين؟
بعد كذا تجيبين ورقة و تبدين تكتبين الاشياء المهمة مثل
الموقع
سعر الايجار
تكلفة تصليح
المحل ( تقسيم المحل لغرف و حمام و مخزن خاص ...الخ)
اثاث المحل و الادوات الكهربائية
وضع افياش الكهرب في اماكن مناسبة
ادوات المكياج و الشعر
غرف لسكن العاملات
كمبيوتر او دفتر فواتير
و غير كثييير
شوفي حبيبتي انا كنت مع خالتي لما فتحت مشغلها قبل سنتين
و ساعدتها في اشياء كثيرة و انشالله اقدر اساعدك
في البداية جابت عاملتين فلبينيات و حدة تعمل شعر و مكياج و الثانية تعمل حلاوة و فتلة وحواجب و بدكير و مناكير كبداية يمشون الحال بس كنا نخليهم يجربوا علينا اول قبل ما يفتح الصالون و نعلمهم و غير كذا وزعنا الارقام عالاقارب و شوي وي لما بدا يزيد الشغل سألنا الكوافيرات اللي عندنا اذا يعرفوا احد كويس عندهم ببلدهم و يعرفونهم علشان يشتغلون بالمحل
و كنا نشتري لهم مجلات مكياج و تسريحات عشان يعرفون ايش نحب
و البداية كانواهما الثنتين ينظفوا المحل و الادوات بس الحين بعد ما كبر جبنا وحدة خاصة للنظافة
و خالتي تقولك ان اول سنة حتهشي ذبان و تقعدين تصرفين عالمحل و تتعبين بس بعدينهو حيربحك باذن ربي


ملاحظة ثانية: لازم تكونين بالمحل يوميا علشان تقابلين حلالك و مافي احد يخاف عالحلال كثر صاحبة و كمان احسن شيء للحساب الحبشيات جيبيلك وحدة قوية عليهم ترى الفلبينيات يسرقوا لو بنسات الشعر
ترى كل كلامي عن تجربة عشتها مع خالتي
لاحظت عندنا بالرياض صاروا يجيبوا بالمشاغل وحدة لبنانية و الباقين كلهم حبوش عشان يتعلمون من اللبنانيات و شغلهم ماشاء الله حلو و مرتب
فبداية خليه فلبينيات و لما يشتهر جيبي لبنانية وحدة شعر و الثاية مكياج و شوي شوي دخلي الحبشيات و طلعي الفلبينيات
و اذا كان عندك ارض او لقيتي ايجار ارسليلي المقاسات و انا اصلحلك الديكور الداخلي
بالتوفيق

اقترح تاجرين ركن صغير كوفي شوب ووجبات خفيفه وعصائر


او محل للهدايا بس يكوون شيك


واهم شي الاسعار والشكل المرتب

والعاملات لازم بين فتره وفتره تعطينهم دورات للتطوير ولازم يكون بالمشغل كل جديد


واهم شي النظافه وحاولي يكون فيه شي يعقم الجو من ريحه الاستشواروالصبغ

قسمي المشغل الى اقسام شي للميك اب وشي للصبغ والقص وشي للبدي كير ...الخ

ابعدي عن المحرماااات


لازم يكون فيه دور لكل وحده رقم عشان تبعدين عن المشاكل


وفري جلسات مريحه مع جرايد وكتيبات وتلفزيون بس السعوديه والمجد لا تاخذين اثم كل وحده



تصدقي مع كل ربح عشان تتبارك




وبس ..هذا اللي يحضرني

واتمنى لك التوفيق

يعطيكم العاافيه خواتي ماقصرتو فيكم البركه والله يجزاكم خير واردها لكم انشاء الله اذا احتجتو والله يبعدنا لاعن المحرمااات وانشاء الله صالوني مافيه لا حف حواجب ولاتوصيل وغيره والارزاق بيد الله واتمنى كل من يقراء الموضوع يشارك ويفيدني