حياكم الله واسعدتوني بمروركم الحلو
ومشكوره ام علاء على التميز


تفضلوا طريقة اجار الليمون

كيلو ليمون اصفر مقطع ارباع او ثمان قطع
فلفل احمر حار ( مدور)
حبة البركه
ثوم 4 فصوص مدقوقه خشن
ملح ورشة كركم
ماء مغلي
نص كوب زيت عادي
نص كوب خل

الطريقه

حطي الليمون والثوم والفلفل وحبة البركه والكركم بالمرطبان
صبي عليه الخل والزيت ثم الماء حتى يتغطى ورشي عليه ملح حسب الرغبه
وخليه بالشمس لمدة اسبوع حتى ينضج ويطرى

ويصير معاج مثل الي بالصوره
وصحتييييييييييي ين وهناااااااا
المعمول كان رهييييييييييييي ييييييييييييييي يييييييب ما برضى الا بصينيه لي بروحي منه هههههههه
حيا الله اختي سندويج جبن
ما يصير خاطرج الا طيب
****اااااااء الله هاليومين اسويلج بعد شتبين
تسلم ايدينج والله شكلج فنانه بهالحركات لو تفضلين وتعطينا الطريقه الله يعافيج وبغيت طريقة الباف باستري وايد حلوه بالاكلتين الله يعافيج ويزيدج جمال بالاكل
يا حيا الله الماسه الذهبيه

عيونك الاحلى حبيبتي

والباف باستر طريقته سهله

طلعي الباف باستري من الفريزر قبل العمل
واحسن واسرع طريقه لاستخدام الباف باستر انج تطلعينه من الفريزر وتخلينه برع خمس دقايق وبعدين تفتحينه بالسكين وتصفين القطع على صينيه مرشوشه طحين وتخلينه ربع ساعه وراح يفك الثلج عنه بسررررررعه

تحضرين الحشوه الي تبغينها
جبن وزعتر او جبن وزيتون وممكن جبن وسجق ( تسلقي السجق وتبشريه ببشارة الجبن وتخلطينه مع جبن شيدر )
وممكن جبن وبيض مسلوق ( مبشور)

قبل الحشو فتحي الفرن حتى يسخن

تبتدين بتقطيع الباف باستري مثلثات ( وممكن تخلينها كبيره ) وتحشين كل قطعه وتسكرينها بالشوكه وتدهنينهم حليب او بيض وترشي عليه ذرة ملح
وتدخلينه الفرن في الرف الوسطي وتخلينه حتى ينضج وبعدين تشغلين عليه الشوايه من فوق وتحمرين الوجه

ولما يستوي سكري الفرن وخليه بالفرن الحامي شويه وبعدين قدميه

وصحتييييييييييي ن وهنااااااا


الساعة الآن 01:28 .