بنات أبي فزعتكم وجهي اخترب من الجامعة والحر

الموضوع مبين من عنوانه أنا عاد قلت ما بستنجد إلا ببنات حواء يبنات انا صار لي 6 سنين أتعالج عند دكتور جلدية من حب الشباب اللي طلع في وجهي بسبب بنت الله يهديها قالت لي سوي خميرة في وجهك وماء ورد وبيصير مورد قلت يله كل شي متوفر بسوي هالخلطة شو يعني!! ومن سويتها انا وجهي صار كله حب وأحمر ومنتفخ رحت عند إخصائي للجلدية وتعالجت لمدة 6 سنين وصار الحمد الله أوكيه وعلى فكرة انا بشرتي حساسة والحين من سنه دخلت الجامعة والجامعة مفتوحة وحر والمسافات اللي نمشيها بعيدة وجهي صار يطلعله حب ومكان الحب بعد ما يروح يصير اللون بني يعني بقع شوهت وجهي وبالرغم من إني قبل ما أطلع من البيت أحط كريم مرطب وواقي من الشمس وصفه لي الدكتور وبعد وجهي صار جاف وهالات سودة ورقبة سودة وأيادي سودة كل شي فيني صار أسمر من قبل وخصوصا إني بعد داومت في الفصل الصيفي يعني بعز الحر وانتوا تعرفون جو الخليج حبيباتي بنات حواء أنا ابي مساعدتكم وش وتنصحوني فيه بسويه بس لا تقولولي أراجع دكتور لأنه قالي استخدمي ريتنA عشان الحب والبقع في آخر مرة رحت له والحين صار ما عندي وقت إني أراجع مستشفيات.
أبي ردودكم يبنات وجزاكم الله ألف خير مقدما