بنات الامارات لحقووووووووووووووووووووني وخصوصا بوظبي

صالون عروس الخليج حلو ومعروف و أنا جربت الصلون اللبناني فعرس أخوي سويت مكياج وتسريحه سبيشل عندهم ب500 درهم وكانت أول مره أروح عندهم يعني جازفت بس عجبني مره ممكن تروحين عندهم و تشوفين الكتالوج مالهم ، هذا رايي والبنات بيساعدوكي
في صالون هلن بعد يمدحونه بس ماجربته اسألي الصالونات إذا عندهم كتالوج وعالأسعار وروحي شوفي أفضل عشان تكوني متأكده من شغلهم ز

بالنسبه للبوكيه فملكتي سويت بوكيه بسيط بس كان فصاله يعني مادري إذا العرس قريب ماعتقد يحتاج عشان متكوني سويتي كل شي فالملكه وتطلعي فالعرس عاديه و إن شاء الله البنات يساعدوكي

ميره غناتي الف مبروك على الملجة وعقبال العرس ان شاء الله

بخصوص المكياج فانصحج روحي مركز جويل كردي صراحه اكثر من روعة

واتسوي لج تنظيف بشره وتوحيد لون الجسم واتسوي لج صبغه او اي شي تقترحه عليج
تراها ممتازة وبروفشنال بس اسعارها غاليه شوي لكن بتطلعين قمر نصيحه روحي لها

بالنسبة للبوكيه حلوه حركة البوكيه بس خليه خفيف عسب ما يخرب على بوكيه العرس
وحلو في التصوير خليهم يسوونه قريب من الوان فستانج وممكن تروحين السفير للزهور راقي
واذا تبين شغل مرتب ورخيص سيري عند زهور الريحان عند واحد هندي اسمه عبدالله اشرحي له
وهو بيسوي لج كل شي مرتب

واذا كنتي تبين حنى سيري صالون ام داليا تراها روعه وخليها تسوي لج نفس نقشة الفستان وترا عند ام داليا وحده اسمها آمنه حناها في مستوى ام داليا وسريعه ونفس يوم الملجة خلي جويل تحط لج
لمعه واكسسوار على الحنا

واي شي ثاني نحن حاضرين بس ان بغيتي اي شي يخص الزهبة او التجهيز وغيره ادخلي ملف بنات زايد وحملي الملف تراه وايد مفيد

وهذا الرابط http://forum.hawaaworld.com/showthread.php?p=9083499&posted=1#post9083499

موفقه ياغلا

ام مهوري
احلى بسمة
روضة مشكورين وايد حبيباتي وما قصرتو
انشاء الله اردها لكم في الافراح

بس حبيبتي روضة شو اسم صالون ام داليا ووين مكانه؟

وعلى كم الحنه عندهم؟

واذا اتحنيت الحين بيمدي الحنه تروح لين اخر عشرة لان عرسي ان شاء الله بيكون في 25/10/2006