Analysis Services
ربي كريم الله يرزقنا الوظيفة ان شاء الله
12-10-1427 هـ, 11:04 صباحاً
 
بسم الله الرحمن الرحيم

السلام عليكم ورحمة الله وبركاته،،،

خواتي عندي لكم نقطتين :

الاولى : البنك الاهلي فرع طريق الملك فهد المقابل لاسواق طيبة محتاج موظفات في قسم الاسهم ...

الثانية : بنات ترى البنوك فيها كاميرات تصور الفرع حتى النسائي و يقدرون في قسم الرجال أنه يفتحون الكاميرات في اي وقت .. بل و هناك اوقات محددة لازم تفتح فيها الكاميرا .. انا عندي قريب في البنك الاهلي و قال لي مرة خلال كلامه "..... قمت و قلت لهم افتحوا الكاميرات اللي عند القسم النسائي " طبعاً هذا كان خلال سالفة معينة .. المهم عرفت ان الكاميرات تحت رقابة الرجال و فيه كمان تسجيل متواصل للي يصير طوال اليوم ...
انا كنت احب اشتغل في البنك بعد ان تركت العمل في المستشفى .. لانني مليت من الحجاب .. ابغى اتكشخ و اروح الدوام .. بس لما عرفت الكاميرات قلت ماله داعي .. ديني اهم ... و الله يعوضني
تخيلوا يا بنات كل ما قدمت على وظيفة ايش يقولون لي ... : " أنتي over qualified " ( اظن انها بالعربي تعني انك اعلى من الوظيفة ) تخيلوا ادرس دورات و عندي لغة عالية و مع كذا يقولون ان مستواي اعلى من الوظيفة .. المكان المناسب لي هو البنك بس مع ذلك ارفض ... الله يعوضني ...

انا ما اشكي بس مجرد فضفضة ..


تحيتي ...
12-10-1427 هـ, 10:51 مساءً
 
مشكورين على الردود وهذا حنا نستنى احد يعطينا وجه ويوظفنا
13-10-1427 هـ, 05:47 صباحاً
 
انا احس ان اشاعات معينه تخرب عالناس شغلها
زي ماتوصم اللي تشتغل بمستشفى انها ((قليله ادب)) والله استحي اقول اللفظه العاميه
الحين ياكثر مانسمع ول انشوف شي

يقولون الموظفين الرجال يدخلون على الموظفات باي وقت
ويقولون ان المقابلات عن طريق الرجال
ويقولون المعاملات تتسلم من الرجال للموظفات يدا بيد((مع اني اشوف صناديق مخصصه شفتها بالراجحي وشفتها بالبلاد وبالامريكي بعدددددددددد))


اللي اقوله ان كل واحد يتقي الله ببنات الناس لان الكلام كذا قــــــــذف علني
... على كذا ولا واحد بيتزوج وحده ببنك
ولا واحد بيتقدم لوحده بمستشفى او مستوصف ويللللله هلم جرا
اي مراه سعوديه خارج بيتها فهي بايعه شرفها وطهارتها((هذا اللي ناقص يقولونه))
اذا الدكتورة ماتنفع والمحاميه ماتنفع والمهندسه ماتنفع يبغون مدرسه ولا ربة منزل؟؟؟؟؟والله شي يقهر ساعات استحي انتمي لهالمجتمع وهالشريحه من الناس تحاصرنا
وان نقدتيهم استعنا بالله قالوا علمانيه
وهذا احنا السعوديين عايشين على يقولون وسمعت
15-10-1427 هـ, 12:55 صباحاً
 
انوار العمر كلامك في الصميم
للاسف المجتمع مسلم وسوء الظن بالناس اول مايخطر على بالهم
15-10-1427 هـ, 01:16 صباحاً
 


الساعة الآن 08:14 .