مرحبا ,
اختي انا لي سنتين تقريبا اشتري من النت بإستمرار ..........
أولا : يجب أن تكون لديك بطاقة إئتمانية للشرا ( بالنسبة لي أنا عندي ماستر كارد من البنك الاهلي سعرها 200 ريال في سنتين هذه البطاقة تشحنيها بالمبلغ الي تبغيه يعني مثلا انا عندي شيء بأشتريه ب 10 دولار احسب السعر بالريال =37,5 و أعمل إيداع على نفس البطاقةو أشتري )

و هناك بطاقات كثيره يمكنك الإشتراك بها .......... ولكن انا مرتاحة مع الأهلي ..
انواع البطاقت في هذا الرابط : http://www.arab-shopping.com/php/viewtopic.php?t=36
ثانيا : إذا كنت تشتري من مواقع امريكية أو أوروبية أفضل لو يكون لديك صندوق بريد هناك من شركة ارامكس ...............تقريبا سعره 250 لا أذكر بالتحديد و هذا يوفر عليك التأكد من العنوان ....


و إذا اشتريتي بطاقة انا ممكن أساعدك أكثر في الشراء من النت
يابنات هذي فوشيا الله يجزاها خير..يعني انحلت المشكله..بإذن الله


الله يجزاك خير يافوشيا

بس معليش بثقل عليك

الحين انا اروح البنك وطلب نهم هالبطاقه؟؟


شيء ثاني...
لازم عند الدي اتش ال ولا
ينفع على صندوق بريدي السعودي العادي؟؟



انا اقصد التعامل مع مواقع اجنبيه

هل تولك البضاعه بسرعه وكيف جودتها

يعني تسين ان الشراء من مواقع اجنبيه اوفر واحسن وتجيك البضاعه فعلا زي ماتتوقعين؟؟



وشااااكره لك من كل قلبي
هلا حبيت افيدكم لأني صار لي أشتري من مواقع مختلفه من أكثر من 5 سنين وبالأخص من أمريكا

اولا بالنسبه للتوفير فهذا اعتقاد خاطئ لان سعر الشحن يوازي سعر البضاعه الشبيهه عندنا الا اذا كنت عايشه في نفس البلد اللي بتشترين منه البضاعه

بخصوص الجوده هي نفس ما تشوفينها بالصور في الموقع او حسب التفاصيل اللي يكتبونها تحت البضاعه

الصندوق البريد في بلدك مهم في كل الاحوال.. لكن لابد يكون لج عنوان في البلد المراد الشراء منه
مثلا عن طريق وضع عنوان صديقه تتفقين معاها وهي بدورها لما تستلم البضاعه ترجع تبعثها لج على عنوانج في السعوديه بس الغالب الطرود وخاصه الكبيره توصل لعنوان البيت فقط وليش صندوق البريد

من الافضل ان يكون لج حساب مع ارامكس مثل ما تفضلت الأخت قبلي وذكرتهم لانهم يوفرون خدمة سنويه لتوصيل البضاعه لج من اي بلد عن طريقم.. يعني تسجلين معاهم ويعطونج عنوان في امريكا مثلا ومعاه عنوان تابع فيه اسمج علشان أول ما يوصل الطلب على العنوان الأول(الأمريكي) يميزون صاحبه(العنوان السعودي) ويبعثونه لج في السعوديه بعد ما تدفعين لهم سعر الشحن الثاني واللي ينحسب بحساب وزن البضاعه بالكيلو..


وبخصوص الأمان فهو معاي لين الحين ولله ألف حمد أمن سواء على رقم بطاقتي أو الجوده
المشكله الوحيده هي التوقيت.. فاذا لقيتي مع الموقع شحن مجاني فهذا ياخذ وقت أطول (طبعا المقصود بالمجاني بمعنى لنفس البلد اللي اشتريتي البضاعه منه فقط مش شحن دولي)
تحياتي
up
اللهم اجمعني بوالدي في الفردوس الاعلى من الجنه..


الساعة الآن 01:09 .