السلام عليكم ......:)
اخواتي العزيزات ....ودي افيدكم ببعض الامور يغير الحياة الزوجيه الى الاحسن ،
يعني حياة هادئ وبدون تعقيد وهذا شئ صار لي وسبحان الله اشكر ربي اني سعيده وانقل لكم بعض من تجارب حياتي عسى ان يفيدكم
قبل يا أخواتي العزيزات كنت كثيره الغضب والعصبيه لاتفه الاسباب سواء على العيال او على زوجي وخاصه لاني انانيه وايد ما افكر الى في نفسي ،
يعني كل ما اشوف زوجي جدامي اطالبه واراقبه واشتكي وايد واثرثر وايد ، مع الايام النتيجه بعده عني واهماله لي وفي يوم من الايام حدث جدال بيني وبين زوجي وما اجد حل لمشكلتي وهو طبعا ما عنده غير اللوم والعتاب .....
وبستغربون ان النقاش اللي يدور لحظه الجدال هو الصح قصدي بتعرفين شو مطلوب والرياييل وخاصه زوجي غير واضح وصرت استفيد منه وقت الجدال وتعرفون يا أخوات اني استفد وايد من حضور دورات في فترات الاخيرة لاحسن وضعي
واذا كنتي من نوع الي اتحبين زوجك مثلي واتموتين عليه عليك بالتالي :
(1 )سيطري على نفسك وكوني هادئ لحظه الغضب يعني يا اخوات مافي داعي للعصبيه وتذكري ان رسولنا عليه الصلاة والسلام اوصى (لا تغضب لان الغضب من الشيطان يعني برمجي نفسك بأن تكوني ريلاكس وايد وبعطيك مثال عني قبل كنت اغضب وايد وازعل بس عند جدال مع زوجي استفد منه نقطه قال لي وقت الجدال انتي وايد عصبيه وزعلانه كيف تبغين اقعد في البيت ؟مثل ما قلت لكم استفيدي من زوجك وقت الجدال وطبعا خذيت كلامه وقررت كيف اغير من سلوكي للاحسن والاحين تغير ت وايد عن قبل بهدوءي.
(2)_ تذكري اذا المرأة صلت خمسها وحفظت فرجها واطاعت زوجها دخلت جنه .....وانا عن نفسي تأثرت وايد من هذة الحديث النبوي الشريف...يعني التزمي بصلاتك في وقته ولا اتخلين الشيطان يدخل بينكم وواضبي عليها واذا عندك اي الدعاء او شكوى فما عندك الا ربك (لان الشكوى لغير الله مذله ) وان عن نفسي قبل كل ما يمر مشكله اشكي وايد سواء لزوجي او لاهلي بس الحين صرت احب اشكي لربي واشكره على النعمة واطلب من ربي ان يهدي زوجي ..
في امور كنت اجادل وياه مثل عدم سماع الاغاني او الصلاه لوقتها بس في يوم من الايام حدث جدال وهو قال لي انتي مو ابوي او امي علشان اتراقبيني واتحاسبين وطبعا يا اخوات مثل ما قلت لكم استفيدي من زوجك وقت الجدال ..صرت اصبر على تصرفاته وبهدوء مع مواظبه على صلاتي والدعاء لربي ان يهديه.
(3)_تقليل من كلام وعدم الثرثرة قال رسول الله عليه وسلم (قل خيرا او اصمت)يعني يا أخوات خليك حكيمه قبل ما تنطقين بكلمه فكري اذا كان خير قولي ...فمثلا قبل كنت كل ما اشوف زوجي اكلم معاه عن فلان قال وفلان سواوفي مره من الايام صار موقف من زوجه اخي وكيف تصرفت معانا واساءة وانا ما قصرت قلت لزوجي وهو طبعا عصب علي وقال انتوا حريم ما وراكم الا المشاكل ومثل ما قلت لكم استفيدي وقت جدال ....حاولت ان ااضبط اعصابي ومااثرثر وايد وما انطق بكلمه يزعل لان اهم شئ رضا الزوج يعني حتىاذا صادف مشكله مع اهله اسكت واصبر واصلي واطلب الفرج والهدايه من ربي .
(4)_ ولا تنسون الابتسامه والتزيين للزوج وحبيت اضيف شئ مهم خليكي رومانسيه لان المرأه مليئه بالمشاعر والعواطف والله وهبها ذلك لكي تكون ام حنونه وعطوفه ولا تبخلين بذلك والرياييل بحكم طبيعه الصحراوي ما يعرفون كيف يتصرفون انتي بالرومانسيه والرقه يتعلم ويستانس وايد هذا اذا تبغين رضاه وتبغين الجنه .
(5)_ الرياييل خلقوا للحركه والانتاجيه يعني يعمل لتوفير لقمه العيش وهذا ابسط شئ كدليل انه يحبك وانا عن نفسي بهدوئي واابتسامه والتزيين صار زوجي ولله الحمد يوفر لي كل شئ حتى لو ما أطلب ويحب يجلس معاي وصرنا انسولف مثل ايام الخطوبه وكل ما اشوفه مستانس وفرحان اضمن دخولي الجنه ...وشكرا لكم انشاء الله بنقل لكم مره ثانية من تجاربي