الله يعطيج الف عافيه والله جهد واضح ونبي اكثر يالغلالالالالا

وكل عام وانتم بخير
الطماطم






اما تغسليها وتقطعيها وتضربيها فى الخلاط وتصفيها من القشر و تحطيها فى برطمانات او اكياس نايلون
او تضعيها على النار تتشوح وعلشان تعرفى انها استوت وبقيت جاهزة حتلاقيها تخنت وكميتها قلت النص


السمبوسك والسبرينج رول


بعد ما تحشيهم ترصصيهم فى الطبق الفيبر وتطلعيهم على التحمير

الكبيبة الشامى



بعد ما تكوريها ترصصيهم فى الطبق جنب بعض وتحطيهم الاول لحد ما يجمدوا فى الفريزروتحطى الطبق فى كيس نايلون

الكبيبة الصينية :

تعمليها فى صوانى المونيوم وتحطيها فى كيس وعلى الفريزر

الخرشوف:



بعد ما تحشية اما تحطية فى صينية فويل بجانب بعض ولما تيجى تستخدمية تحطى على وش كل واحدة ملعقة بشاميل
او تخلصيها للاخر وتحطيها الاول فى الفريزر لحد البشاميل ما يجمد وبعدين نغطيها بالفويل وندخلها الفريزر

البشاميل



اعملى البشاميل ولما يبرد تعبية فى علب بلاستيك وتحطية فى الفريزر

فراخ مسلوقة.




اسلقى فرخة عادى ولما تبرد لفيها فى ورقة فويل وتطلعيها عالاستخدام على طول و تكونى حاطة الشوربة بتاعتها فى برطمان معاها

الحواوشى




نتبل اللحمة بتاعتنا عادى ونحشى العيش ونلفه فى ورق فويل وندخله الفريز


البصل




يقشر و يخرط او يفرم صغير ونضعة فى طبق فيبر ويجمد ولما تعوزى تستخدمية .تخدى بالسكينة الحته اللى انتى عوزاها وتسيبى الباقى مجمد زى ماهو

الثوم




تقشرية ولسهوله التقشير حطية فى طبق بة ماء حتلاقى القشرة طلعت بسهولة تروحى فرماة كلة فى الكبة و تحطية فى ورق فويل على هيئة رولات (يعنى زى الهوهوز[/color]





الكرنب




يسلق ورق الكرنب عادى فى ماء وملح وكمون وتقطفية مربعات جاهزة للحشو و ترصصيهم فوق بعض فى كيس نايلون او طبق فيبر

الورق العنب

تشترية وتشيلية زى ما هو فى اكياس نايلون ولما تيجى تستخدمية تضعية فى الماء المغلى على طول

شوربة العدس


تسلقى العدس وتصفية بالمصفاة ولما يبرد تحطية فى اكياس نايلون ولما تيجى تستخدمية تفضى الكيس فى حلة وتزودية بماء مغلى و تتبلية وتعملى التقلية وبقيت شوربة عدس سريعة

الكوردن بلو


برضة بعد ما تحشية وتعملية بيض وبقسماط وترصصيهم فى طبق فايبر بجانب بعض

الشبت والبقدونس والكسبرة الخضراء




تخرطيهم بالسكينة زى ماهما ومن غير غسيل وتحطى كل نوع فى كيس لوحدة و تعقدية وتخلية تحت فى الثلاجة عادى


خلطة المحشى





احنا مش متعودين نضع المحشى جاهز فى الفريزر لان الارز بيبوش والمحشى وهو طازة بيبقى احلى علشان كدة احنا بنجهز الخلطة كلها ماعادا الارز ( شبت وبقدونس وبصل وسمنة وزيت والصلصة )ونضعها فى كيس نايلون لحد مانيجى نعمل المحشى بنضع عليها الارز ونحشى المحشى ونسوية





البطاطس المحشية








: تجيبى البطاطس المدورة الصغيرة وتقشريها وتقوريها و تحمريها يعنى يا دوب تلفيها فى الزيت او السمن و تطلعيها من المقلاية وتحشيها بالعصاج وترصصيهم فى صينية المونيوم وعند الاستخدام بتطلعيها زى ماهى على الفرن على طول بس بتحطى الصلصة فى الصينية الاول
2- او بعد ما تحمريها تشيليها زى ما هى فى الاطباق بدون حشو

صينية الكوسة بالبشاميل



تعملى الصينية عادى لحد طبقة البشاميل تدخليها الفريزر شوية لحد ما البشاميل يجمد وبعدين تحطيها فى كيس نايلون وعلى الفريزر







الساعة الآن 09:39 .