من أشهر الأطباق الرمضانية
اطباق قمر الدين *الخشاف *الحليب بالتمر *الخروب

البلح بالحليب




بلح ناشف – حليب – سكر حسب الرغبة
الطريقة
اكسرى البلح الى نصين والنص الى نصين كمان وضعية فى طبق غويط وعلية حليب يغطيه من بليل لتانى يوم لحد ما حتلاقى البلح طرى وعمل لون بنى فاتح جميل فى الحليب وبالنسبة للسكر ممكن اضافته للحليب وفيه ناس بتفضل التحليه الطبيعية للبلح ويقدم عند الفطور فى كوبايات
وبالهنا والشفا


اطباق قمر الدين



(ملحوظة الصورة من جوجل)
2كوب عصير قمر الدين
2 معلقة كبيرة نشا
معلقة صغيرة فانيليا
زبيب – مكسرات مفرومة – جوز هند
الطريقة
دوبى النشا فى شوية ماء صغيرين
ضعى القمر الدين على النار لحد ما يغلى تروحى ضايفة النشا المزاب مع التقليب السريع وراء بعض
وتوطى النار يعنى تخليها هادية مع التقليب لمدة 5 دقائق ثم ضعى الفانيليا وتطفى النار بلى الاطباق اللى حنصب فيها القمر الدين بالماء الاول اغرفيها فى الاطباق وسيبيها لحد ماتبرد ثم ضعى رشة جوز هند و زبيب ورشة مكسرات او اى نوع مكسرلت لوحدة يعنى الزواق زى ما انتى عاوزة
وبالهنا والشفا

الخشاف


تين- قراصيا – مشمش – بلح – زبيب - سكر للتحلية
الطريقة
نحضر طبق غويط ونضع به كمية متساوية من التين (ممكن ترك التينة زى ماهى وممكن قطعها بالسكينة نصين او اربع) والمشمش (اذا كانت المشمشة كبيرة ممكن قطعها نصين) والقراصيا وكبشة زبيب والبلح (نكسر البلح لاجزاء او انصاص ونرش على وشه كله سكر للتحليه ونضع علية ماء ليغطيه ونقلبهم ونتركه من بليل للصبح حتلاقية نفش وطرى وجاهز للاكل يغرف فى اطباق صغيرة ويقدم عند الفطار او بعد الاكل
وبالهنا والشفا

خشاف الجوافة



كيلو جوافة (مثلا)
سكر للتحلية
نص ليمونة
حليب
الطريقة
اغسلى الجوافة وقشريها وقطعيها زى الصورة واعصرى عليها نص ليمونة علشان ماتسودش
البزر اللى شيلناه من الجوافة والقشر ضعيهم فى الخلاط بتاع العصير وعليهم السكر وحليب
لحد ما يتضربوا تصفيهم علشان البزر وتضعيهم على الجوافة المقطعة وتقلبيهم وتضعيها
فى الثلاجة تسقع وبالهناء والشفا
(ممكن الاستغناء عن الحليب ووضع ماء بداله

الخروب



نص كيلو خروب
3 ليتر ماء
6 معالق كبيرة عصير ليمون (للسهولة بنحط معلقتين عصير ليمون لكل ليترماء)
3 و نص كيلو سكر
الطريقة
نغسل الخروب كويس وننشفة كويس وبعدين ندقة
ننقعة حوالى 12 ساعة فى حوالى لترين ماء وبعدين نصفية
نضع الخروب فى حلة على النار مع شوية ماء ونخلية لحد ما يغلى لمدة ربع ساعة
وبعدين نصفية تانى من الماء ونحط الماء اللى عندنا من التصفية الاولى للماء اللى من التصفية التانيةعلى بعض
شوفى الماء كميتة طلعت اد اية ؟ لو كان ناقص عن ال3 ليتر يبقى تزودية وازا كان مظبوط 3 ليتر خلاص
نضع السكر على الماء ونقلبة كويس وبعدين نحطة على النار لحد ما يغلى حوالى 5 دقائق
وبرضة تشيلى الريم كل ما يظهر بالمعلقة
نضع عصير الليمون ونسيبة يغلى تانى حوالى 5 دقائق
بعد ما يبرد ضعية فى زجاجات نظيفة





عجينةالقطابف



http://forum.hawaaworld.com/showthre...60783&page=155
كوب دقيق
كوب ماء
معلقة كبيرة خميرة جافة اوفورية
معلقة ضغيرة ممسوحة سكر
ملح
الطريقة
ضعى كل المقادير كلها فى الخلاط (بتاع العصير) واضربيهم كويس
هاتى مقلاية تيفال وامسحيها بالفرشاة بالزيت
ضعى العجينة فى كوب او بالكبشة (المغرفة ) نزلى يا دوب
شوية مقاس القطايف حتلاقيها بتفقفق يعنى تعمل كور وبتبقى شكل
القطايف اللى بتشتريها بالظبط بس بشررررررررط ماتبيهاش على النار
تنشف من تحت يعنى اول ماتلاقيها بتعمل الدوائر المفرغة من فوق و
العجينة البيضاء اختفت تروحى شايلة القطايف وتكررى العملية لحد
ما العجينة تخلص وبعدين تحشيها بكل الطرق اللى قلناها فى الملف
سواء مكسرات او قشطة او كريمة او جبنة رومى
وبالهنا والشفا
ملحوظة
انا مش بسيبها تخمر فى الاول علشان لو خمرت فى الاول بتتخن قوى
اثناء السوى واثناء ما انتى بتعمليها لو لاحظتى انها بتخمر وتتخن تذودى
شوية ماء صغيرين قوى يعنى حوالى معلقة ماء وتقلبى العجينة وتكملى
عادى خالص


القطايف بالجبنة
المقادير:
1/2 كيلو قطايف حجم متوسط ( ولا كبيرة ولا عصافيرى )+جبنة رومى مبشورة حوالى 1/4 كيلو +زيت للتحمير
الطريقة
هاتى القطايف واحدة واحدة و احشيها بالجبنة المبشورة بالمعلقة الصغيرة و امليها سخنى الزيت فى المقلاية و حمرى فيها القطايف عادى خالص حتبقى لونها زهبى شيليها على الورق الماص للدهون و تؤكل وهى ساخنة

ملحوظة : لطول شهر رمضان كونى جايبة مثلا كيلو جبنة رومى و اضربية فى الكبة مرة واحدة و حطية فى علبة بلاستيك فى الثلاجة و كل يوم يا دوب فى 5 دقائق تكونى حشيتى القطايف قبل المغرب على طول وكل ما تخلص الجبنة تجيبى غيرها وهكذا

بيتزا بالقطايف

المقادير:
نص كيلو قطايف كبيرة الحجم طااااازة+صلصة طماطم+جبنة موزاريلا+زيت زيتون+فلفل رومى حلقات +بصل حلقات +زيتون اسود+وممكن تونة
الطريقة
اخلطى الصلصة بمعلقتين كبار زيت زيتون وادهنى بيها القطايف ضعى شريحة بصل وعليها شريحة فلفل وعليها زيتون منزوع النوى واضع عليها طبقة من الجبنة الموزاريلا اضعها فى صينية مدهونة بجانب بعض وادخلها الفرن حوالى 10 دقايق لحد ما تستوى والجبنة تسيح وتحمر

قطايف بالكريمة

المقادير:
1 كيلو قطايف+عسل (شربات)+مكسرات مفرومة (اى نوع)+زيت للقلى,+كريم شانتى.+كريمة الخفق(اختيارى)
الطريقة
نجيب القطايف ونبرمة زى القرطاس من تحت وبعد كدة نقليها فى الزيت وتطلعيها من الزيت تحطيها فى الشربات بعد كدة تصفيها من الشربات وتضربى الكريم شانتى مع الكريمة وتحشى بيها قرطاس القطايف اللى عملناة وتحطى على وش الكريم شاتنى مكسرات مفرومة


القطايف الطائرة

المقادير:
نص كيلو قطايف عصافيرى+جوز هند+زبيب + قرفة ناعمة+زيت وسمنة للقلى +شراب
الطريقة
نضع الجوز الهند على القرفة على الزبيب ونخلطهم بالمعلقة هاتى واحدة قطايف حطيها على ايدك وضعى عليها معلقة من الحشو هاتى واحدة تانية قطايف وضعيها فوق الحشو يعنى كأنك بتغطيه بيها واقفلى القطايف بصوابعك كويس بالضغط على طرفى القطايف داير ما يدور (يعنى شكلها النهائى مش حيبقى زى نص الدايرة.لأ حيكون شكلها زى الدايرة الكاملة او زى الطبق الطاير حمريها وبعدين ضعيها فى العسل
الدونات


http://forum.hawaaworld.com/showthre...460783&page=52


3/4 كوب زبده
نص كوب سكر
4 بيضات
2كوب حليب
2معلقة صغيرة خميره جافه
ربع كوب ماء دافىء
معلقة صغيرة فانيليا
دقيق (نبدء من 4 كوب)
الطريقة
نضرب الزبده مع السكر كويس ثم نضع البيض والفانيليا
ثم نضع الحليب ندوب الخميره فى الماء دافيء
ونضعها على كوب دقيق ثم نضعها على المقدار
ونخلط كله ثم نضع باقى الدقيق تدريجيا حتى الحصول على عجينه
طريه ومتماسكه
نسيبها تخمر فى مكان دافى ساعتين ثم نفردها ونقطعها دوائر بكوب
او بقطاعة الدونات ثم نقطعها من النص بقطاعة اصغر ونتركها تخمر تانى
لمدة ساعة نضع الزيت على النار ونحمر الدونات ثم نتركه يبرد
ونزوقة حسب الرغبة اما نرش علية سكر بودرة او
شيكولاتة خام سايحة او حلوى الماء
وبالهنا والشفا


بلح الشام

http://forum.hawaaworld.com/showthre...page=127&pp=10


2 كوب دقيق
1 كوب ماء
1 كوب ذبدة و زيت (يعنى نص ذبدة و نص ذيت )
من 5 ل 6 بيضات
معلقة صغيرة فانيليا.زرة ملح.
معلقة اكل خل ابيض
( وعلى فكرة انا كنت فكرة ان الخل لزفارة البيض لكن اتضح انه بيخلى البلح الشام ماسك نفسه )
الطريقة:
حطى الماء فى حلة على النار لما يادوب حيدفى حطى الذبدة والزيت على الماء
و لما يغلى حطى الدقيق كله مرة واحدة وقلبى بسرعة و النار واطية
لحد ما حتلاقى العجينة لفت معاكى و بقيت زى الكرة
روحى شايلة الحلة من على النار لحد ما تبرد خالص .
ابتدى حطى البيض على العجينة بس بشرط تحطى بيضة و تضربيها فى العجينة
لحد ما تختفى و بعدين تروحى حطة اللى بعدها بنفس الطريقة و هكذا
بس توقفى وضع البيض لما تلاقى العجينة عاملة خط نازل
من المضرب متماسك مثل منقار الحمامة تروحى حطة معلقة الخل و تقلبى كويس قوى .
هاتى بقى الكيس بالقمع المخصوص بتاع بلح الشام و اقلبية الاول على ضهرة
و بليه بالفرشاة بالذيت و ارجعى اعدلية تانى .
حطى العجينة فى الكيس و انزلة فى الزيت صوابع طولها زى ماانتى عوزة
و تقصيها بمقص المطبخ على الزيت الغزير الساخن
اقلى أصابع بلح الشام و تكون النار واطية أثناء التحمير
ثم اخرجه واضعه على ورق شفاف ماص حتى يتخلص من الزيت
ولما يبرد خالص احطة فى الشراب البارد علشان ما يطراش منك
ولما تطلعية ممكن تحطى على طرف الصباع فستق مفروم او مكسرات
و بالهنا و الشفا.
ملحوظة ممكن وضع المقدار كله زيت
وممكن وضع قالب ذبدة قلم ال 113 جرام


كنافة بالجبنة



http://forum.hawaaworld.com/showthre...60783&page=169
نص كيلو كنافة
ربع كيلو جبنة ركوتا
سمنة
معلقة كبيرة سكر
معلقة كبيرة قشطة
عسل (شيرة) 2 كوب سكر / كوب ماء / نص ليمونة .
الطريقة:
نقصص الكنافة صغير بالمقص او بالكبة او نقطعها قطع صغيرة باليد
نفركها بالسمن السائح لحد ماتحسى بأيدك ان الكنافة كلها مبلولة بالسمن
نهرس الجبنة بالشوكة ونضع عليها السكر والقشطة ونفركهم ببعض
ندهن الصينية بالسمن ونضع نص كمية الكنافة ثم نضع الجبنة على الكنافة
بس لاتصل الى الاطراف علشان متتحرقش وتسود
نضع نص الكنافة التانى ونضغط الاول على اطراف الصينية داير مايدور
ثم نضغط بالراحة على باقى الصينية ونضع معلقة سمن سائح على الوش
ندخلها فرن متوسط الى ان تحمر (بس مش قوى ) ونخرجها من الفرن ونسقيها
بالشيرة وبالهنا والشفا
اقتباس مشاركة  (don)
الدونات


http://forum.hawaaworld.com/showthre...460783&page=52


3/4 كوب زبده
نص كوب سكر
4 بيضات
2كوب حليب
2معلقة صغيرة خميره جافه
ربع كوب ماء دافىء
معلقة صغيرة فانيليا
دقيق (نبدء من 4 كوب)
الطريقة
نضرب الزبده مع السكر كويس ثم نضع البيض والفانيليا
ثم نضع الحليب ندوب الخميره فى الماء دافيء
ونضعها على كوب دقيق ثم نضعها على المقدار
ونخلط كله ثم نضع باقى الدقيق تدريجيا حتى الحصول على عجينه
طريه ومتماسكه
نسيبها تخمر فى مكان دافى ساعتين ثم نفردها ونقطعها دوائر بكوب
او بقطاعة الدونات ثم نقطعها من النص بقطاعة اصغر ونتركها تخمر تانى
لمدة ساعة نضع الزيت على النار ونحمر الدونات ثم نتركه يبرد
ونزوقة حسب الرغبة اما نرش علية سكر بودرة او
شيكولاتة خام سايحة او حلوى الماء
وبالهنا والشفا
تسلم ايدك يا قمر
مكن تقوليلي نفردها بسمك اد ايه ؟؟؟ يعنيي ارتفاعها بيكون ايه
البــسبوسة


المقادير:
نص علبة جوز هند __1.5 علبة سكر _ 2 علبة قشطة _ 3 علبة سميد بسبوسة _ 1 علبة سمن _ 1م ص بيكنج بودر
الطريقة:
حطى المقادير كلها على بعض و بالملعقة الخشب افضلى ادعكى فيها لحد ما تلاقيها نعمت ،ادهنى صينية البسبوسة (اللى ملهاش حفة عالية اللى زى بتاعة البيتزا) بالسمن بالفرشاة ثم ضعى المقدار فى الصينية و بلى ملعقة و امسحى و جة البسبوية عشان تساويها و تدخليها فى الفرن وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص على وش البسبوسة او ممكن انصاص بندق برضة و دخليها الفرن اول ما لونها يبقى ذهبى طلعيها و اسقيها بالعسل الساخن و غطيها على طول ..كل المقدار بنفس العلبة بتاعة القشطة مش بالكوب قشطة المراعى او بوك او نستلة
ملحوظة : بعد خروج البسبوسة مباشرة من الفرن تسقى بالعسل الساخن وتتغطى على طول .وسيبى الغطاء
عليها طول ما بتاكلوا منه السر فى طراوة البسبوسه هوانالشر بات ساخن على الصينيه وهىكمان ساحنه ولما تبرد قطعيها وماتشليش الغطاء من عليها الا لما تهدا خالص او تبرد لانها لما بتعرق و هى سخنة بتطرى اكتر


صينية الكنافة بالمكسرات

المقادير:
كيلو الا ربع كنافة _ كوب سمن او حسب ماتاخد _ مكسرات مضاف لها ملعقة كبيرة سكراو جبنة راكوتا او مهلبية او كستر _ ( الشربات ) 2 كوب سكر _ 1كوب ماء _ نص ليمونة
الطريقة :
اما تقطعى الكنافة صغير بأيدك قطع صغيرة .او بالمقص تقصقصيها صغير خالص و دى طريقتى المفضلة . او فى الكبة .سيحى السمن على النار يعنى يادوب تسيح .وحطى على الكنافة شوية شوية وتدعكيها بأديكى الاتنين لحد ما تحسى ان الكنافة كلها بقيت مبلولة سمنة كدة خلاص ماتحطيش تانى .ادهنى صينية بالسمن و حطى نص الكنافة ثم ضعى طبقة المكسرات المرغوبة ثم ضعى باقى الكنافة و اهم حاجة بقى تضغطى بايدك عليها كويس او بغطاء حلة او بطبق ثم وزعى معلقة سمن على الوش على درجة حرارة متوسطة فى الرف الوسط ضعى الصينية فى الفرن حتى تستوى و يحمر الوجة بعدخروجها من الفرن تسقى بالشراب البارد


كنافة بالقشطة

المقادير:
نص كيلو كنافة – تقريبا 3/4 كوب سمن +القشطة : كوبيتين ونص حليب – سكر للتحلية – نص كوباية نشا- علبة قشطة +شربات
الطريقة:
نعمل القشطة :ندوب الاول النشا فى الحليب على البارد لحد ما تدوب النشا ثم نضعهم على النار مع التقليب و نحلى بالسكر لحد ما تغلى نقلب تقليبتين ونطفى النار وبعدين نحط عليها علبة القشطة ونقلبها معاهم نعمل الكنافة : نقطع الكنافة قطع صغيرة ممكن بايدك وممكن بالمقص وممكن بالكبة نسخن السمنة بس يعنى تسيح وتدفى على النار وبعدين نصبها على الكنافة ونقلبها كويس لحد ما تحسى بأيدك ان الكنافة كلها شربت سمنة او اتبلت كويس بالسمنة تروحى حاطة نصها فى صينية وتروحى حاطة عليها القشطة وتفرديها كويس على الكنافة لكن ضرورى ما تخليش القشطة توصل لاطراف الصينية علشان ما تتحرقش و تسود وبعدين تروحى حاطة نص مقدار الكنافة التانى فوق القشطة وتغطيها كويس وتحطى حوالى معلقة سمن سايحة على الوش وتدخليها الفرن المتوسط الحرارة لحد ما تستوى ووشها يحمر حوالى من تلت لنص ساعة وبعد ما تخرج من الفرن وهى ساخنة نسقيها بالشرابات

كنافة جاهزة (بالمكسرات)
المقادير:
كنافة برما حتكون عبارة عن خصلات طويلة _ مكسرات مفرومة او فستق صحيح _ شربات _سمن سائح.
الطريقة:
شيلى بالراحة خصلة رفيعة و حطيها امامك مفرودة . بالفرشاة ادهنى الخصلة بالسمن السائح بطول الخصلة . ثم ضعى صباعك الكبير التخين على اول الخصلة و ابدئى ليفى الخصلة على صباعك بمساعدة الصبعين اللى جنبه لحد ما حتتكون عندك دائرة بشكل عش العصفور و هكذا حتى تعملى العدد اللى انتى عوزاة مع مراعاة ان الخصلة اذا كانت طويلة قوى تقطعيها بالسكينة ثم ارص وحدات العش فى صينية مدهونة بالسمن و بايدى اضع داخل كل عش كام واحدة فستق او شوية مكسرات امسح بالفرشاة بالسمن على كل وحدات العش و ادخلها الفرن لحد ماتحمر اخرجها و اسقيهم بالشراب البارد


الساعة الآن 12:08 .