أكلات خفيفة جدا للفطار (دايت)

تورلى خفيف

من غير ولا نقطة زيت ولا سمنة


خضروات منوعه حسب الرغبة
قطع فراخ او لحمة
2 طماطماية كبيرة
بصلة متوسطة
ملح وفلفل
الطريقة
نقشر الخضار ونقطعه . نشيل دهن الفراخ تماما ونغسلها . نعصر الطماطم وممكن نعصر واحدة ونبشر التانية
نقطع البصلة او نقطعها شرائح . نضع الفراخ ثم الخضار ثم عصير الطماطم فى طبق فرن ونرصص شرائح الطماطم على الوش ونغطى الصينية بورقة فويل حوالى نص ساعة وبعدين نشيل الورقة لحد ما الصينية تكمل
السوى وبالهنا والشفا



الملوخية ( الدايت)
خفييييفة بدون دهون خالص


نص كيلو ملوخية
مكعب مرق ماجى (خضروات)
معلقة متوسطة ثوم مهروس
معلقة متوسطة كزبرة ناشفة
الطريقة
نجهز الملوخية ونخرطها . نفكها فى طبق بشوية ماء . نضع الحلة فاضية على النار لحد ماتسخن ثم نضع فيها الثوم المهروس واقلبة فى الحلة واروح وضعه علية الكزبرة الناشفة واقلبهم مع بعض بس من غير الكزبرة ما تتحرق يعنى يا دوب ريحة الكزبرة حيطلع تروحى صبة كوب ماء او المرقة لحد ماتغلى كويس تروحى وضعه الملوخية وتقلبيها تقليبة وتصبيها فى الطبق وبالهنا والشفا
ملحوظة بالنسبة الملوخية الخالية الدسم: احنا كأننا بنعمل الملوخية بالعكس يعنى العادية بنعمل الملوخية الاول وبعدين بنعمل التقلية ونطشها على الملوخية لكن اللى عملناها النهاردة بنعمل التقلية الاول بدون سمن خالص
بنعتمد بس على تسخين الحلة علشان لما نضع الثوم والكزبرة يتحمصوا بفعل حرارة الحلة ووبعدين الشوربة او الماء .طعمها خفيف ومش حتفرقيها عن العادية ولو عملتيها بنفس الطريقة بالماء بيبقى طعمها حلو برضه
معلومة : عند عمل الخضار اثناء الدايت (الريجيم)طبعا الدكاترة بتمنع مرقة ماجى بالدجاج او اللحمة لكن ممكن تستخدمى مرقة الخضروات من ماجى برضه


صينية بطاطس خفييييييفة



نص كيلو بطاطس
دجاج او لحمة مسلوقة
عصير طماطم فرش
طمطماية مبشورة خشن
بصلة شرائح
ملح وفلفل
الطريقة
نقشر البطاطس ونقطعها شرائح ونضعها فى صينية فيها ماء لحد ماتتسلق نص سلق ثم نرمى الماء ونشطف البطاطس بماء عادى ثم نضع البطاطس والدجاج المسلوق او اللحمة المسلوقة او ممكن من غير لحوم خالص ونضع عليها الطماطم المبشورة وعصير الطماطم و شرائح البصل وملح وفلفل يادوب حتغلى وحتلاقيها استوت على طول وبالهنا واشفا
ملحوظة . 1- حتلاقى طعمها خفيف جدا وجميلة ومش حتتخن خالص
2- ولو مش عايزة تعمليها بعصير طماطم يبقى تدوبى قالب شوربة ماجى خضروات فى ماء وتضعيها على البطاطس فى الصينية لحد ما تستوى ومش حتاخد وقت خاااااااالص
3- ممكن طبعا تعمليها بدل الخضار المسلوق

ارز خفيف (بدل المسلوق)


ارز
شبت وبقدونس
طماطم طازة معصورة
ملح وفلفل
بصلة مبشورة
قالب شوربة خضروات
الطريقة
تخرطى البصل والشبت والبقدونس تخين بالسكينة وتضعيهم على الارز بعد غسلة مع الملح والفلفل وتخلطيهم زى المحشى بالضبط. ضعى الارز على النار وعلية الشوربة المزابة فى الماء او ممكن تستبدلى الشوربة بالماء فقط ولما تغلى توطى النار زى ما بتعملى الارز العادى بالظبط ولما يستوى وتطفى علية وتغرفية وتاكلية مع السلطة او الخضار او اللحوم وطعمة فى منتهى الجمال واحلى او تغيير عن الارز المسلوق


المحشى الخفيف (دايت)


مثلا كوب ارز
حزمة شبت
حزمة بقدونس
بصله كبيرة
طماطم طازجة
ملح وفلفل
شوربة خضروات
الطريقة
بتعملية زى العادى بالضبط بس قطعى الشبت والبقدونس والبصل كبير مع عصير الطماطم (مش صلصة) والملح والفلفل وتخلطيهم وتحشى بيهم اى حاجة سواء بزنجان سواء فلفل او كرنب او حتى ورق عنب. تغلى الشوربة وتحطيها علية لحد مايستوى بيبقى طعمه خفيف جدا بدون ولا سمنة ولا زيت خااالص وبالهنا والشفا


المسقعة الدايت للرجيم

كيلو بزنجان اسود
ربع كيلو لحمة مفرومة
ملح وفلفل
بصلة متوسطة
عصير طماطم طازج
الطريقة
قشرى البزنجان وقطعية عادى شرائح وضعية على الشوابة من الناحيتين . اعملى العصاج خرطى البصلة فى المقلاية بدون زيوت ثم ضعى اللحمة المفرومة وقلبى قلبى مع الملح والفلفل لحد ماتستوى . رصصى شرائح البزنجان المشوية فى صينية ثم ضعى عليها العصاج ثم ضعى عصير طماطم ودخليها الفرن لحد ماتستوى حتلاقى طعمها جميل وخفيفة وبدون زيوت خالص واخف من المسقعه العادية وبالهنا والشفا

البطاطس المحمرة للريجيم



بطاطس حسب رغبتك
ملح
وممكن كارى
وممكن بودرة ثوم
رشة خفيفة زيت
الطريقة
نقشر البطاطس ونقطعها اصابع او شيبس. نغلى ماء على النار كويس ثم نضع فيها البطاطس حتلاحظى ان الماء وقفت الغليان . اتركى فيها البطاطس لحد ماتغلى تانى وبعد ماتغلى ب5 او عشر دقائق فقط حسب كمية البطاطس تشيلى البطاطس من الماء وتضعيها فى المصفاة . افرشيها على صينية او صاجة الفرن ورشى عليها ملح وانا برش رشة كارى ورشة بودرة ثوم بتديها طعم جميل وممكن رشة صغيرة زيت وقلبى كله ببعض ودخليها الفرن يادوب لحد ماتلاقيها اصفرت واخدت نفس لون البطاطس المحمرة العادية وبالهنا والشفا
يسلموووووووووووووا يعطيك الف عافيه

السلام عليكم
الف حمد الله على السلامه يا دون يا قمر
والف شكرا على تعبك معنا
اكيد ملف رمضان هيكون تحفه
كل سنه وانتم طيبين
اللهم بلغنا رمضان واعتقنا من النار
الزيتون المخلل



2 كيلو زيتون اخضر(تفاحى)
نص كيلو فلفل حامى
ليمون
نص حزمة كرفس
زيت
كيس ملح
الطريقة
نغسل الزيتون وندشه بأى حاجة جامدة
نرش على الزيتون رشة ملح ونخلطه كويس قوى بايدنا ثم نتركه لتانى يوم
حتلاحظلى ان الزيتون نزل ماء لونه اسود ارميه على طول
قطعى كام ليمونة الى ارباع ويا اما تقطعى الفلفل نصين او تتركيه سليم زى ماهو بس شيلى الكاس الاخضر بتاعه
ضعى فى البرطمان شوية ليمون مقطع وفوقه شوية فلفل وفوقه شوية زيتون وهكذا بشرط انك توقفى وضع لقبل فوهه البرطمان بحوالى 4 سم اغسلى الكرفس وقطعيه وحطيه فى البرطمان
ضعى 1/3 البرطمان عصير ليمون و1/3 البرطمان التانى ماء بملح و 1/3 البرطمان الاخبر زيت
وبعدبن ضعى على وش البرطمان كام واحدة من قشر الليمون وغطى البرطمان كويس قوى بقطعة كيس نايلون ثم غطاء محكم
كل يوم لازم تهزى البرطمان هزة من تحت لفوق لحد مايستوى
وبالف هنا وشفا

ملحوظة ( الماء بالملح)

ضعى ماء فى طبق غويط وضعى فيه بيضة نية سليمة بس تكونى غسلاها كويس طبعا وابتدى نزلى الملح من الكيس فى الماء لحد ماتلاقى البيضة ابتديت تعوم فى الماء وتطلع لفوق
كدة خلاص تبقى دى كمية الملح المناسبة للمخلل ولا زيادة ولا ناقصة










































الله يعطيك العافية حبيبتي وتسلم الايادي بس ياليت يالغالية تحطين لنا طريقة الطبخات الحلوة

[quote]
أَلَمْ نَشْرَحْ لَكَ صَدْرَكَ (1) وَوَضَعْنَا عَنكَ وِزْرَكَ (2) الَّذِي أَنقَضَ ظَهْرَكَ (3) وَرَفَعْنَا لَكَ ذِكْرَكَ (4) فَإِنَّ مَعَ الْعُسْرِ يُسْراً (5) إِنَّ مَعَ الْعُسْرِ يُسْراً (6) فَإِذَا فَرَغْتَ فَانصَبْ (7) وَإِلَى رَبِّكَ فَارْغَبْ (8)
[IMG]http://[/IMG]]


الساعة الآن 01:42 .