لحقوا علي ياهل الخبره ابنتى لا تنام

السلام عليكم
خواتي بنات حواء خاصة اللي عندهم أطفال الله يحفضهم لكم إن شاء الله
أكيد إنكم يوم قريتو العنوان قلتو وش مسويه فيها بنوتتها :hahaha:
ما راح أطول عليكم بقولكم السالفه عندي بنة عمرها سنه ونص (العمر كله إن شاء الله)
بنتي وبإختصار ماتخليني اتهنى في نومتي يمكن بعضكم بيقول إني مكبره السالفه لكن تخيلو والله إنها ماتخليني أنام نص ساعه متواصله:( واللي مخليني استغرب إن هالشي جديد عليها صار لها على هالحال تقريبا شهر
أقولكم نومتها بالظبط أنومها الساعه 12في الليل طبعا انا قاصده أأخرنومتها عشان ماتقوم علي في الليل لكن مافيه فاااااااااااايده تصحى الساعه ثلاث أخر الليل طبعا نطلع اناوياها حتى ماتصحي ابوها وتجلس تلعب مروقه تحسب إن الساعه ثلاث العصر وانا عاد تعالو شوفوني معصبه ومالي خلق شي ولاتقولون لي زيني شغلك في هالوقت لأني الحمد لله ماأنام وفيه أي شي مو مرتب في البيت فأتوضى واتسنن وبعدها أجلس طفشااااااااانه :30: عاد تجي حزة قومة أبوها وتعالو شوفو يصحى على صياح وتصريخ لأنها ماترضى أحطها في سريرها تحسب إني أبغاها تنام وماتفهم علي عاد يصحى أبوها عاى نكد وتزعجنا طول ماحنا جالسين نفطر ويطلع أبوها شغله وندخل أناوياها الساعه 7الصباح وبرضوه ماترضى تنام وتصيح وتصارخ تبغاني أتركها تروح تلعب وانا مايطاوعني قلبي اتركها وانام ولاانا اصير طايحه من التعب وماتدوخ ؟إلا الساعه9وتنام ومااصدق خبر إلاوانام على طول بس مايمديني أغط في نومتي إلاوجايه حزة الغداء أصحى الساعه11ونص وهي أصحيها12الظهر حتى ماتشبع نوم وتسهر علي لكنها ماتتحمل وتنام وهي جالسه:hahaha: تقريبا أخرالعصر عادأنا أرحمها واخليها نص ساعه بعدين أصحيها وعليها إلى الساعه12في الليل وكل يوم على نفس الموال ................
توته توته خلصة الحتوته إنتهت ماساتي مع بنتي تكفون لاتبخلون علي بإقتراحاتكم ودعواتكم.