بيتزا عالطاير

أعتقد انكم مثلي احيانا يطب عليكم ضيوف فجأة ، شنو تسوون ما تقدرين تسوين اي شي حتى الكيكة تاخذ وقت، إليكم هذي الوصفة اللي ما راح تفشلكم عند ضيوفكم.

المقادير:
توست أبيض ( خبز شرائح مستطيلة)
جبن شدر سلايس
جبن موزاريلا مبشور
كاتشاب
فلفل بارد مفروم صغير جدا
زيتون أخضر اللي محشى فلفل أحمر او اي زيتون( مشي نفسك باي شي) يفرم قليلا
مشروم (فطر) شرائح

الطريقة
احضري صينية مستطيلة، ادهنيها بالزيت
صفي التوست بعد ازالة حوافه البنيه،طبقة واحده.
ضعي فوق كل شريحة توست شريحة جبن شدر.
صفي طبقة ثانية من التوست.
امسحي الوجه بالكاتشاب ورشي شوي زعتر( زعتر بدون سمسم) ثم ضعي الحشوة ( الفلفل، المشروم، الزيتون، اي شي تحبينه)
رشي الوجه بالجبن المبشور.
ادخليها الفرن حتي يسيح الجبن ( تقريبا 10 دقائق)

بالهناء والعافية

ملاحظة : الكميات للمواد تعتمد على حجم الصينية كم تاخذ من التوست.
كذلك بدلا عن الكاتشاب يمكن استعمال صلصة انتي تسوينها للبيتزا ( للي ما عنده شغل!!!!) وهي كما يلي :
تحمر بصلة مفرومة ناعم بالزيت الزيتون حتى تذبل.
ويضاف لها الثوم و معجون الطماطم وقليل من السكر والملح وماء قليل جدا يحرك الخليط حتى يتجانس ويستعمل بدل الكاتشاب
انشاء الله تعجبكم،




<div dir=rtl align=left><FONT COLOR="#800080" SIZE="1" FACE="Arial"></font></div>