كل عام وانتم بخير والله يجعله شهر مبارك علينا وعليكم
بنات رحت امس ابسحب راتبي لقيت بحسابي 5 الاف ريال زيادة على الراتب ؟؟مدري ايش قصتهم وكلمت البنك قالو لازم تراجعين الفرع عاد ماشاء الله حنا بالقصيم ماعندنا فرع نسائي لسامبا الله يعين بروح للفرع حق الرجال << جابت قصت حياته
المهم احد صار معه زي هالموقف وكيف تصرف ؟؟

أهم شي لاتسحبين المبلغ الا بعد ماتتأكدين من البنك
والا يلبسونك قضية بعدين
انا انسحب مرة من حسابي 5000 ريال
ولما راجعتهم قالوا لي انتي عندك امر مستديم بسحب 5000 ريال من حسابي لحساب وحده بالرياض
وانا عاد ماأعرف هذه الحرمة
وقلت لهم انا ماأعرفها وبعدين شيكوا على حسابي وقالوا لي عفوا رقم العميل عندك زي رقمها بس الفرق اني عندي اثنين وهيه رقم اربعه
قلت يالله بأمشي هذا الكلام اهم شي فلوسي رجعوها
والحمدلله رجعت بعد التعديل
سديم مشكوره على مرورك والمفروض ينتبهون مو يورطوننا ويبلشوننا وروحو وتعالو
الحمد لله يوم رجعت لك فلوسك
تصير هذي ،،،

بما ان الحاجه لهم فلا تضربين مشاوير عشانهم وتشغلين نفسك، كلميهم ومن مصدر قوة نبهيهم انك راح ترفعين هذا الامر لمؤسسة النقد او راح تنشرين هذا الشيء في احد الصحف. صدقيني راح يتحركون ويسحبون هذا المبلغ.


الساعة الآن 12:40 .