ايي .. المسااج كل يوم .. يعني خفيف خفيف .. كثير من اطبا الاطفال والاختصاصين ينصحون فيه . . لأن يخلي البيبي مسترخي ويساعده عالنوم ..
الصراحة انا شفت منه فايدة .. والبنوته تنام من 11- 10 ونص متواصل . . ومرات تنش الصبح 7 ونص .. بس تكمل نوم عندي ..
بقولج الطريقة ..
خذي الكريم مال جونسن ماقبل النوم ..
دفيه في ايدج ..
مسحي الظهر والكتف .. بعدين ظغط خفيف عاليد وانتي نازله للأطراف .. و دندني لها شوي ..

اذا كان الريال البالغ يسترخي وينام عدل بعد المساج.. فما بالج البيبي..

هلاوين كاجو
الباودر بس تحت الاباط علشان ماتحتك ويحس براحه ونعومه وهو يتحرك
والظهر علشان تبرد عليه وهو نايم على ظهره

بخصوص الكريم الاخضر غطاه اسود من بالمرز .. كريم مغذي لشعر
غني بفيتامين أ , د , هـ , والبروتين
يغذي ويلطف الشعر وفروة الراس

شارينه من توه شهرين وللحين الي يشوف العلبه يقول تونا شارينه لاننا نحط بس قطعه صغطوطه مرره نتفه وندهنها بينين راحة اليد الين تحسينه دفى وحركيه بشعره يعني كنك تسوين مساج لفروة راسه طبعا هذا بعد مايتحمم

سعره 15 ريال

وسلامتك :26:

بصراحه موضــوع رااااااااائع ومفيد ..

أنا كنت أسبح ولدي بــسيباميد .. والشامبو من جونسون .. لكن من فتره رحت لدكتور لانه كان عنده منطقه صغيره في ايده متشققه وصابها جفاف فظيع ويوم شافها عطاني كريم وقالي هذا من الصابون لانه بعض الاطفال يتحسسون من الصابون العطري .. و وصفلي صابون موستيلا ومستمره عليه حاليا .. والحمدالله احس الجفاف بدأ يروح عنه .. والله نفسي أشوفه مثل كل طفل ناعم و بشرته حلوه ..
فديته والله من انولد وهو يا حبوب يا حساسيه يا جفاف .. ربي يحفظه
وبعد الاستحمام أدهن جسمه بزيت البابونج من جونسون أو بلوشن همالايا و وجهه وخلف الاذن المرافق بكريم سيباميد أو كريم همالايا ... وأحط بودره تحت الابط بس .. و أنظف أذنه طبعا بأعواد الاذن .. و أمشط له شعره الحلو ... و أسويله مساج ع الخفيف مرات .. لانه يقولون انه المساج ينشط الطفل ويساعده على الاسترخاء وينمي ذكاء الطفل ويزيد من العاطفه بيني وبينه .. و بخصوص العطر ..
أنا ما أعطره هو شخصيا لاني أخاف عليه يتحسس او يلتهب صدره الله لا قال .. أعطر ملابس قبل لا يلبسها بس ..


وتســلمين أختي على الموضوع الهادف و أشكر كل من ساهم في الرد بتجاربه القيــّــمه ..

موضوع اكثر من روعه
بالنسبه لي

لولتي عمرها سنه وشهر
قبل مااحمها ادهن شعرها <<<من طول هالشعر عاد
ولما احممها استخدم شامبوا نونو للاطفال لشعرها احب ريحته
وجسمها استخدم صابون جونسون للاطفال لان ريحته تدووووووووووووووووخ كلها نظافه
واذا خلصت من الحمام انشفها اول كنت استخدم بودره جونسون بس الدكتور لما تعبت قال لي لاتحاولين تحطين لها بودره باستمرار لانها تلهب الصدر وتسبب حساسيه
فصرت استعمل لها كريم جونسون للاطفال اللي لونه زهري مره مرطب وحلو وريحته حلوه بعد
انا عموما احب مجموعه جونسون لاطفال (((انا احيناا لما اتحمم استخدم صابون جونسون))))

كل الاخولت الكريمات الي ردوا الف شكر والف محبه لكم ولعيالكم ....

تحياتي وبانتظار البقيه