السلااااااااااا ام عليكم ورحمة الله وبركاته

أنا عندي استفسار اتمنى تفيدوني الله يجزاكم خير


أنا عندي حساب في الراجحي وأكتتبت عن طريق الهاتف باأسهم سبكيم وأذا الله كتب باكتتب في اسهم الحكير

بس اللحين اللي ابي اعرفه هل صار لي اللحين محفظه أولا يعني اشترك في تداول الراجحي عن طريق النت

بدون مايكون في حسابي ذااك المبلغ اللي وقدره 100000 ريال

أنا في حسابي مبلغ محترم مايوصل للمية ألف


تكفون ردو علي الله يجزاكم خير وشكراَ

حبيت اقولك ان محفظة الاكتتاب تختلف عت محفظة التداول يعنى لما تكتتبين محفظه الاكتتاب موقته ماتقدرين تستخدمينها بيع وشراء اسهم...
ثانى شى انا انصحك ابعدى عن الراجحى وتداول الراجحى كل الناس تشتكى منه ان يسحب فلوسهم او ماينفد اوامر بيع او شراء ومشاكل لما ينزل السوق وتبين تبيعين يعلق الجهاز وماتقدرين تسوين شى
انا بالنسبه ليه عندى محفظة بالبنك العربى فاتحتها من زمان ومبلغ بسيط مايوصل 5000 الاف ريال ولما جيت ابيع وشترى سويت اشتراك تداول انترنت ولازم يكون برصيدك 50.000 الف ريال يعنى تسلفيهن ولما تشتركين بتداول العربى بيعى واشترى عن طريق النت مثل ما انا مسويه للمعلوميه انا فى دوله اوربيه ادرس والتداول سريع عندى وابيع واشتر ولله الحمد ماجتنى مشاكل مثل العالم الثانيه ومرتاحة لى اكثر من سنتين بينما الناس الى فى الراجحى او سامبا او الاهلى دائماً يشتكون وتنخصم من ارصدتهم فلوس والبعض مايقدر يبيع او ان حسابه يكون بالسالب بدون سبب

انصحك بالعربى
اتمنى انى فدتك المسئلة بسيطة.. لاتتعبين نفسك
مشكوررررررررررر ه أختي الدمعه الحائره على الرد

طيب وشرايك بأسهم فواز الحكير زينه ولالا وطلعت لها فتوى ولا لسى
فواز الحكير غالية اكثر من اللازم وله لو هي سابك

وبعدين هي ماهي شركة منتجة هي مجرد مؤسسة لديها وكالات

يعني لو يجي قرار استثمار الاجنبي بياكل هوا
لان الشركات الاجنبية بتدخل المملكة بدون وكيل

وخل ينقع وكالة بالمي ويشربها

على العموم هو شاري الوكالة ويجيب بضاعة باسم الوكالة من نوع ابو ربع


الساعة الآن 08:22 .