الأخت
هذه طريقتي بين يديك شامية دمشقية
الطريقة يا حلوات والمقادير كالتالي..
عدس بني , 2 بصل,{جوانح }
1كزبرة خضراء ,2سن ثوم
زيت قلي
رشة ملح
رشة كزبرة يابسة
وشوية كمون ناعم4/1ملعقة صغيرة
قطعة صغيرة تمر هندي
ملعقة دبس رمان..
العجينة:2
كاس طحين ,ملعقة ونصف ;صغيرة; ملح ,ملعقة صغيرة خميرة,
ملعقتين سكر صغار ,فنجان زيت زيتون/غنجان القهوة العربي/
يعني مو التركية لأنو اصغر،
نصف كاسة ماء.
الطريقة;
نترك قطعة التمر هندي منقوعة بقليل من الماء
تعجن كل المقادير/ تبع العجين/
تترك قليلا... نحمي الفرن من فوق ...بعدين ناخذ العجينة نقسمها قسمين ,,4/ 1 والثاني 4/3 ناخذ القسم الكبير نفردها منيح على شكل مربع ثم نقطعها معينات مثل البقلاوة بس
قطع صغيرة وهي سهلة كتير وبهالوقت بنرشها طحين بعدين بنحطها بصينية ونتركها بالفرن شوي حتى تنشف ..نطفي الفرن لأنو مالو داعي هلأ وتترك المعينات على جنب..
ولبين ماتصير مناخد القسم الصغير بنفرده وهلأ بيتقطع دوائر صغيرة/عادة بنستعمل غطاء قنينة/زجاجة/دواء السعلة /نضيف/ أو الكشتبان/يلي بتستعملو الخياطة لتمنع غز الاصبع بالابرة/
ولما نخلص نرشها بالطحين وبعدين تقلى بالزيت الحار ومنظرها رائع جداكرات صغيرة منفوشة وهشة وطعمها أروع عادة بخلص نصها قبل ما كمل طبختي بس مشان دوء الطعم
وتترك على جنب ..
نقلي شرائح البصل حتى تصبح ذهبية وبعضها بني .. نضع نقات من
الزيت ويحمر الثوم مع الكزبرة بشرط ان تبقى خضراءلاستخدامها في نهاية التزين تترك على جنب
هلأ بنغسل العدس منيح وبنسلقه حتى يستوي بس ما يصير شوربة يعني كل حبة جنب اختها وبنخلي المرقة تكون زيادة عليه شوي نحط الملح والكمون نضيف منقوع التمر هندي بعد ماصفيناه وخلينا بس الحمض ونحطوه هو والدبس رمان واذا كان الحمض قليل نضيف ملح الليمون /عادة بيكون دبس الرمان شوي
لأنوه بيغمق لون المرقة /مشان هيك في ناس بتستغني عنه..أذواق نضع شوية كزبرة بالثوم
هلأ بنضيف معينات العجين ونتركها تغلي غلوة وحدة
وبعدين بنسكبها في صحون وتزين بالكزبرة نضع البصل الجوانح وفقاعات
العجين المقلي المقرمش /يمي يمي / كمان في ناس بيزينوها بحبات الرمان الحمراء الحامضة او الحلوة ..ومربعات خبز مقلي يعني حسب المتوفر والذوق.وشكلها بيكون بيهوس الوان رائعة تفتح الشهية وريحة تجنن..واو جوعتوني ..وتقدم ساخنة أو باردة وصحة وهنا... سهلة صح
يمكن اسلوبي المفصل بينها صعبة..
بس صدقوني اذا جربتوها رح تحبوهاومارح تندموا

منقول من منتدى لك
13-10-1423 هـ, 07:16 مساءً
 
شكرآ جزيلآ لك عزيزتي و يسلمووووو هالإيدين على سرعة التلبية و على الطريقة المطلوبة
13-10-1423 هـ, 08:04 مساءً
 
العفو نور خانم بيكفي انك من ريحة الحبايب
جربيها وصحتين على قلبك وبعدين لاتنسي تدعيلي... :20:
13-10-1423 هـ, 10:45 مساءً
 
هذه طريقة الحراق أصبعه إن شاء الله تعجبك:
المقادير:
عصير تمر هندي
- 1 ك كبيرة زيت زيتون
- خبز مقطع قطع صغيرة
- 2 جرزة كزبرة
- 1 ك عدس كبير
- بصلة مفرومة ناعمة
- رأس ثوم مدقوق
- 4 بصلات مفرومين قروش

الطريقة:
يسلق العدس و بعد أن ينضج يصفى و يوضع فوقه 2 ك كبيرة ماء و 2 ك كبيرة عصير تمر هندي و تترك حتى الغليان
- تقلى البصلة المفرومة بمقدار ك شاي زيت مع 1/4 م.ص ملح و من ثم توضع فوق العدس بعد الغليان و من ثم يوضع 4 فصوص ثوم و جرزة كزبرة مفرومة ثم يوضع الخبز المقطع (يجب أن يكون الخبز مغمور بالمرقة) و إذا لاحظت أن المرقة قليلة ضعي تقريبا 1 ك كبيرة ماء مغلي فوقها
ثم ضعي ملعقة ملح و بعد أن يغلي يذاق فاذا كان يحتاج حمض ضعي له القليل من عصير الليمون و كذلك الملح ثم اسكبيه في زبدية التقديم
** اقلي خبز مقطع بزيت مازولا و اقلي بصل قروش بزيت زيتون و اقلي جرزة كزبرة مفرومة مع تتمة رأس الثوم (و المدقوقين معا) بمقدار 2 م.ك زيت زيتون لمدة 5 دقائق
للتزيين ضعي البصل المقلي أولا ثم الكزبرة المدقوقة مع الثوم و المقلية معه ثم أخيرا الخبز المقلي

**ممكن وضع كوسا مقطعة مع العدس حسب الرغبة

و صحتين و عافية
14-10-1423 هـ, 08:40 صباحاً
 
أم البنين :
الفتاة الشامية :
شكرآ جزيلآ لكما على هاتين الطريقتين المتميزتين
وبالفعل هذا الطبق من ألذ أطباق المقبلات على السفرة الشامية
فشكرآ جزيلآ و جزاكما الله خير الجزاء
14-10-1423 هـ, 01:47 مساءً
 


الساعة الآن 02:46 .