اقتباس مشاركة
رفيقة الدمعة انا صحفية ويمكن اللى ماقدر اقوله في مهنتى مهنة المتاعب اقدر اقوله هنا

وربي كل ماقرءت رد ارفع بصري للسماء واقول الله يسامحك ياشاعر الخليج ياوزير يابو قلب حجر

الله يسامحك وبذكرك بيجيك يوم وتسال عما فعلته ببناء وطنك بس يوم رجعت لتاريخك لقيت انك ماتعرف شنو الوطنية ويمكن يكون لزواجك من اوربية هو السبب

عارفه بانك ستقرا حروفي وعارفه بانك ستهجوني وعارف بانك ستبحث عن هذه الصحفية وتضغط على اداراتها حتى تنظم لفئة البطالة والا ستحرم جريدتي من الفيز
ولكن بعيده كل البعد عن شنبك عفوي قصدي انفك لان ليس لك شنبا خوفا من الشيب الابيض الذي غزى شعرك وشنبك فحلقته ولكنه غزى رمشك فهل ستحلقه ايضا ايه الشاعر

مازال بجعبتي لك الكثير ايها الوزير علما بانني قابلتك وجها لوجه في وفاة اخيك مع عدد من العلاميين والاعلاميات ولا تنسى ان الانسان كل يوم يصغر ويقترب من قبره ولا تنسى الرقاب المعلقة في رقبتك
اختي صحفيه عجبني كلامك
هي بس واقفه على وزراه العمل حتى وزراه الشؤون الاجتماعيه صدقيني اختي والله العظيم اعرف فقيركبيرفي السن راتبه 2000ريال ونصحناهم يرحون يسجلون في الشؤون الاجتماعيه اللي هو الضمان الاجتماعي تخيلي
شردهم على معامله هذا الفقير انت ماعندك اطفال وانت عندك راتب طيب2000 راحت لايجار
والالف الثاني فيه فواااااااااتيرو ياكثرها جالس المسكين على نفقات الناااس
وظيفه عاامل ايا كانت مومشكله مادام تسد الحاجه المشكله في الراتب سعودي وراتبه 2000 ريال اللي اقوله الله يكون في عون الجميع

اتمنى كلامي يوصل

اسمحيلي اختي صحفيه على كلامي بس موضوعك شدني الله يعطيك العافيه والصحه
ود وشوق اهلا بكي اختي وماقدر اقول الا الشكوى لغير رب العباد مذله

حتى لو رحل القصيبي سيتاي قصيبيا اخر وهلما جرى حتى تقوم الساعه
اجل غازى القصيبي ماهوب طالع الى ان يسعود الوظائف اجل من الوزارة للقبر ماشاء الله
ياحلاة ديرتنا تهبل مافيها واسطة ولاظلم ولاغبن ولااضطهاد
اقتباس مشاركة  (أزهار الخريف)
ويقولون عندنا بطاله

يا ناس .. انا ابي اقول لكم مشكلتي و مشكلة كثير منا .. و ياريت لو احد يرفعها للمقام السامي ..

انا جامعية و لدي خبرة سنة و لدي دورتين حاسب الي .. ملمة بالكثير من المهن .. تدريس + فنون جميلة + خياطة + مصممة جرافكس + لدي دورات في صيانة الحاسبات الالية + فنانة في المكياج + سرعة الطباعه على الكمبيوتر + اجيد الانجليزية بمستوى متوسط

سبع صنايع والبخت ضايع على قولت المصريين .

اكتتبت في شركة الاتصالات موبايلي وانفتحت لي محفظة . و بديت اطقطق وانا في الجامعه بالاسهم بمبالغ صغيره جداً ( مكافئتي الشهرية ) وبديت اطلع ارباح صغيره .و امتلكت عدة اسهم في عدة شركات

تخرجت و بحثت عن وظيفة ووجدتها في روضة اطفال بدون عقد ولا بند ولا شر المديرة وظفتني على وظيفة كاتبه حاسب الي . و غربلوني كل يوم لي وظيفة وهمه عندهم . جاء التجديد و لا جددولي برغم كل خدماتي .

بس ليه ما ججدو لي ..

لانه فيه عجايز من عام 1403 موظفات وللحين ماسكات بالوظيفه بسنونهن .و المشكلة انهن إما معهد معلمات - او معهد متوسط من الرس وغيره حتى ليته من مدن إلا من قرى .

تركت الوظيفة وجلست بالبيت و تفرغت للتداول ... جيت اجدد التداول عن طريق النت .. رفضو التجديد .. بحكم ان المبالغ اللي فيها اقل من 100 الف ريال ..


و اغلقت المحفظة

و تزوجت

تزوجت شاب معه ثانوية و دبلوم شبكات موظف في جهه حكومية .. وينتظر الترسيم .. راتبه الشهري 2000 ريال ... هذا راتب سواق .ولكن اذا ترسم يصير 4000 ريال ...... و موت يا حمار لين يجيك الربيع ..البلديات في كل المملكة نزل ترسيمها إلا اللي عندنا .

ادور على وظيفة من جديد ... ما فيه امل ...

اقدم على الديوان .. ما وظفوني ..

اقدم على محو الامية .... ما وظفوني ...

اقدم على المعهد التقني للبنات الجديد .... ما وظفوني ..



فكرت اعمل مشروع ... ابي راس مال .......... ما لقيت ... اروح المجمعية لمساعدة الناشطات لبداية اعمال صغيره ... لازم كفيل غارم وما ادري ايش ...


ويقولون عندنا بطاله ....


ياناس خافوا الله فينا والله احياناً يمر يوم ما الاقي في جيب زوجي إلا ثمن حليب ابني ..

و غيرنا كثير مثل مشاكلنا ..

ياناس قاعدوا الشياب والعواجيز خلونا نشوف رزقنا .. والله العظيم ان خالي ابو زوجي إلى الان معلم في مدرسة ابتدائية ..


يعني ان جينا نسوي اي شي طلعتوا علينا عقبات ..

وظايف ... ما تبون توظفننا .

ارزاق وسكرتوها علينا و تحسبون ان حنا صغار المساهمين نخرب السوق .. اللي يخربها ابو مليار ومليارين لما يحوس اقتصادكم بوايا طمع .

مشاريع تطلعون لنا الف مقده وعقده عشان ما نبدأ

وش تبوننا نسوي عشان نعيش زي بقيت الناس ...


نشحت ... او نبيع مخدرات .
حبيبتي الحال من بعضه

الا انا اردى منك بشوي . . .

لانه قضت مكافاتي وما استفدت ولا ساهمت. . . ده اولا

تالتا . . . جمعت شهادات مثل الهم على القلب . . . وما حصلت وظيفه

لا رسميه

ولا على بند

ولا تعاقد

حتى المدارس الخاصه مكتفيين يالله لك الحمد

تانيا . . . ما بعد تزوجت . . . وقد بلغت من الكبر عتيا

فقولي الحمد لله الذي عافاك مما ابتلاني به
الله يصبرنا على ماابتلانا ويعوضنا بجنات الخلد

ويرزقنا واياكم يارب العالمين..

ومشكوووره اختي صحفيه في الشرقيه


الساعة الآن 05:37 .