يديكم العافيه

اه اه اه قلبتي المواجع اختي انا زيك اخر العنقود وكنت مدلعه بس
في رمضان كنت انا ادخل المطبخ وبطبخ وكان مفيش احسن من كدا
يوم تزوجت مهما طبخت ما يزبط معايه
عندي جارتي ايش عليه طبخ دايم زوجي يمدح في طبخها ويقولي روحي تعلمي منها ماشاء الله عليها
مره سزت عجينهوقالت لي احشيها جبنه وكوريها سويت الي قالت لي عليه
بس ما زبط معايه انا اقول صارحه النفس له دور
12-12-1423 هـ, 06:54 مساءً
 
الاخت كويتيه صغيره.....

انصحك بكتاب الطبخ فاطمه حسين ...بصراحه فضيع طبخ كويتى على اصوله بطريقه مبسطه

واعرف بنات وايد تعلمو الطبخ منه والحين اهم مسكتين.....

وانا بصراحه ما استغنى عنه

وكذلك كتب المطاحن الكويتيه تعطيك افكار حلوه وسهله...

ولا تنسينى بالدعاء
13-12-1423 هـ, 06:52 صباحاً
 
رفرف وينج
قلت ابي استفتح فيك
جربت طبقك الأول اللي فيه دجاج مع صلصة كريمة قلت أعمله على العشاء
وأبي أمي تذوقه قبل زوجي علشان تعطي رأيها بصراحة قلتهم اليوم عشاكم علي ( طالعة فيها يعني )
اهو بصراحة لذيذ و عجبني حيل
بس تدرين أمي أول ما شافته شنو قالت " يابنيتي هذا مبين من ريحته أنه زفر انتي شنو مسوية الله يهداك شكلك مو مغسلة الدجاج عدل "
بس خلاص ، ترى آنا حيل حيل حيل محبطة و نفسيتي تعبت
17-12-1423 هـ, 09:58 صباحاً
 
وي كويتية صج كسرتي خاطري عاد هاذي تضبط مع الكل عمري ما عطيتها احد وما ضبطت معاه ..... لأن الدجاج مستحيل مستحيل يكون زفر لأني لما اسويه اتبله مدة وادخله الفرن مع تتبيلته يعني اخليه يطبخ فيها لين يقول بس وطعمه وريحته كلش مافيهم زفر تكون ريحة ليمون ... اصلا اتصدقين ان الطريقة الاصليه انج تحمسين الدجاج على الجولة بدون ليمون ولا شي وانا غيرت فيها لأني حسيته يصير زفر انا اوسوس من ريحة الدجاج كله اخاف يكون زفر.....

مرة ثانية ....

الدجاج تغسلينه عدددددل وتقطعينه بعدين نقعيه بليمون وااايد وخل وثوم كويتيه فركي الدجاج بالثوم حيييييل وممكن تستعملين طحين شوية تفركينه فيه عن الزفر وحطي بعد بصل وبهارات مو مشكله بس مو وايد لأن الدجاج بالكريمييييييييييية لازم يكون ابييييييييييض لا تحمسين البصل قطعيه كبار وحطيه مثل ما اهوه وخليهم فترة وبعدين دخليهم الفرن ...... ****لله تضبط جذي وماتكون زفرة ....
17-12-1423 هـ, 10:26 صباحاً
 
حبيبتي رفرف
بس خلاص، لا تتعبين نفسك معاي
ترى آنا من جد كرهت المطبخ حيل و مابي أدخله كلش لأن سبب لي عقد نفسية
كل مرة لازم يطلع بالطبخة عيب و بعدين محد ياكلها إلا أنا ، شاللي حادني ،آنا بروحي حساسة و موناقصة كل مرة أسمع كلمة موزينة من أحد
17-12-1423 هـ, 10:40 صباحاً
 


الساعة الآن 03:40 .