مهم ,, بنات مين تعرف شركات تقسيط لبناء بيت المستقبل ,, او أي أفضل طريقة ولكن دعوة

السلام عليكم ورحمة الله وبركاته

الله يفرجها عليكم يابنات ,,, رفيقتي دار عليها الزمن ومايحتاج أدخل بالتفاصيل ,,,
الله يعينها ماحولها أحد تثق فيه يساعدها وبالأحرى ماحولها رجال أوأحد يعتمد عليه ,,
وعندها أرض صغيرة وودها تبنيها للزمن الله يرحم حالها هي وعيالها تطلقت وعندها ثلاثة وأبوهم ولا سائل ,,,,
بس تبي مشورتكم وأنتم ماتقصرون ووعدتها باللي أقدر عليه أساعدها عن طريق النت بسؤالكم ,,

مين جربت منكم شركات أو بنك تقسيط ويبني لك البيت ؟
والا في مهندسين تعرفونهم شخصيا ويخافون الله وتقدر تعتمد عليهم ؟
أو أي جهة تتكفل بالبناء بأمانة ؟ وكم التقسيط وماهي شروطها ؟
يابنات لا تقولون خليها تسأل ولازم رجال وووو
أنا ماكتبت لكم بالأخير ألا من شدة معاناتها حرمة ضعيفة وبناتها صغار وأخوها شوي ويستغلها ويساومها ,,,,المهم اللي عندها نصيحة وتجربة الله يجزاها بالخير تدلنا
أو لا تتركونها وأياي من دعواتكم في هالشهر الفضيل وأن الله يفرج عليها وعلينا
وماأنساكم من الدعاء