ابغي طريقة عصيدة البوبر(اليقطين ) باسرع وقت تراني ذقتها في عزيمة ومو قادرة انسا طعمها...
26-11-1423 هـ, 04:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أسماء...برد عليك بكرة
وتحياتي
26-11-1423 هـ, 08:43 مساءً
 
أهلين يا أسماء...
شوفي يا حلوة تاخذين البوبر وتقشرينه وتقطعينه وتفورينه لين ما يستوي وبعدين تخلطينه في الخلاط مع شوية ماء (من ماء التفوير) وبعدين تحطينه في قدر على النار +السكر+الزعفران+الهيل+رشة ماء ورد بعدين تضيفين له طحين مقلي لين ما تغلظ شوي وبالأخير تضيفين سمن عربي (مو مال الدكاكين) وتحركين العصيدة على طول وبعد ما تضيفين السمن بثلث ساعة تشيلينها من النار
وعليك بالعافية
وإذا سألتيني عن المقادير المضبوطة بقولك أنا أسويها على البركة...
27-11-1423 هـ, 08:08 صباحاً
 
عزيزتي واحة أمل.....مشكوووووووووووووووووووره الغاليه بس عندي سؤال صغير السكر ما ينطبخ روحه حتى يصبح لونه بني مثل طريقة العصيده العاديه ؟؟؟؟؟؟؟

انتظر ردك عزيزتي.......:20:
27-11-1423 هـ, 04:10 مساءً
 
مو ضروري عزيزتي ...
لأنه في الطريق العادية الغرض من قلي السكر أولا إكساب العصيدة اللون البني الشهي لأن لون الطحين مو لذاك الزود وأنا كنت أعمل العصيدة العادية بحرق السكر بس الحين أعملها بدون حرق السكر لأنه يعطيه شوية مرورة ..
وعلى فكرة بنفس الطريقة ممكن تسوين عصيدة الجزر...
وتحياتي.............
27-11-1423 هـ, 07:05 مساءً
 


الساعة الآن 02:47 .