أعرفكم بالأكلات الإماراتية

المحمر بالدبس : عبارة عن ارز يطبخ ويا الدبس ويصير لونه احمر وطعمه حلو
المرقوقه : عبارة عن خبو أو عجين مجفف ويقطع قطع صغيرة ويوضع في مرقة اللحم بحيث يفور مع المرق.
القرص الفروك : وهو عجين يصنع كالقرص ويدفن في الأرض ثم ينفض عنه التراب ثم يفرك مع السكر والسمن .
الساقو : وهو من خلاصة البر وحبيبات صغيرة ويضع كالحلوى ويخلط بالسمن والسكر والهال.
الفرني : وهو بعد من خلاصة البر مع الحليب والسكر شرات المهلبية .
الخنفروش : وهو طحين الارز أو البر معجون بالبيض والزعفران والما ورد والسكر في السمن .
جبن عومه : تسوي بالعومه صالونه وعقب تعجن وتسوى قريصات صغار وتعجن في الجدر لين ينضين والحين صاروا يسونه بالدياي واللحو بعد.
عرسيه أو عكسيه : عيش شيلاني معصود ويا حلا والأكثر ويا الدياي ويا حلاته تصب عليه السمن يظهر مثل الهريس.
السحنه : هي من سمك القاشع مدقوق ينهفش ويا خبز طوبي مع حماض وسمن ويا حلاتها ويا الخل
مزروته : عوال مودن في الما والحامض يناكل ويا عيش شيلاني ويا السمن .
مدلوج : بس هذي مب طبخه هذا رطب عقب ما يهمد يتلقى وينغسل ويتقشر وبعدين يدلجونه الين يستوي مثل الحلوى ويتخلى لين الشتا يناكل في البرد


تعبت
لكم تحياتي
شكرا عيوني على الاكلات االلي افتخر فيها لانها من بلادي ولو اني ماعرفت بعضها (ياللعاااار)
ماعليه محد انولد هو يعرف أو متعلم كل شي

لك ألف تحياتي ماريجولد
مشكورة حبيبتي اميرة الوجدان

بس ما تقدرين تسوينهم في ملف وتكتبين كل طبخة ومقاديرها

بس الرجاء التوضيح الكامل وتسلمين
الفرني



2\3 كوب أرز مغسول ومنقوع

6 كوب حليب

1 كوب سكر




يوضع الأرز في الخلاط الكهربائي مع 1\2 كوب من الماء و يخلط جيدا.

يوضع الحليب و السكر على النار حتى يسخن ثم يضاف عليه الأرز المطحون.

حركي الخليط حتى يسمك قوامة, ويصبح جاهزاً.

يوزع على أطباق التقديم و يقدم و هو بارد.


الساعة الآن 05:41 .