يا بنات رح اكتب موضوعي عنعلاج وعناية الشعر
انا مستغربة لما كل وحدة بتشتكي من مشكلة بشعرها قاموا البنات بيعطوها النصايح واكتر نصايحهن بتكون خلطات وحنة
وطبعا اللي عندها مشكلة بتاخد بالنصيحة لانها سهلة وهينة وبتروح تحط الحنة والخلطات وبالاخير ما بتلاقي النتيجة اللي انوعدت فيها
طبعا مش لانو البنات غشاشين انما لان كل شعر بيختلف عن شعر التانية
مثلا وحدة بتشكي من شعرها الجاف بتروح وحدة بتنصحها بالحنة
الحنة يا صبايا ما بتناسب الا الشعر الدهني وبسسسسسسسسسس
وغير هيك فهي بتجفف الشعر وبتكسره ومع الوقت بيصير يتساقط
واللي بتحط خلطة مجربة واستفادت عليها يا ريت تشرح عن طبيعة شعرها هو عادي او جاف او دهني لان مش كل الخلطات مناسبة
كل ما وحدة عانت من مشكلة بينصحوها بحمام زيت
وطبعا هالحكي مش مظبوط
لان حمامات الزيوت الطبيعية فهي مش دايما مفيدة للشعر
اولا كل نوع شعر بيحتاج لنوع زيت معين
تانيا الزيوت الطبيعية بترهق الشعر فهي بتعبق لون الشعر وبيميل اللون للغمق زيادة مما يرهقنا بتفتيحه بحال احبت تفتح لونه ولو كان عندك صبغة فاتحة مع الوقت رح يتغير لون الصبغة نتيجة تفاعل الزيت مع اللون غير ارهاق الشعر نتيجة غسيله بقوة كرمال ننظفه بشكل تام غير انو النوم بالزيت ووضعه على الشعر لاكتر من ساعة فهو بيأثر بشكل مباشر على البصيلات وليونتها
وهالشي ملموس بشكل كبير فكتير صبايا محتارين من التساقط رغم مداومتهن على الزيوت:(
اما حمامات الزيت التجارية متل فاشكول وغيره فهو حمام زيت اوكي كعناية للشعر وانما مستحيل يعالج وكتير منكن بتستخدم حمام الزيت الكريمي بعد كل حمام والنتيجة ولا شي
والف سؤال وسؤال بيخطر ببالنا ليش حمامات الزيت مش عم تخلي شعرنا يتحسن وليش؟ وليش؟:09:
متل ما خبرتكن حمامات الزيت هي عبارة عن عناية للشعر الصحي لمنعه من التقصف والجفاف
في حال الشعر المحروق والتالف والجاف نتيجة الصبغات شو لازم نعمل؟
كتير منكم بتسال ليش الفنانات والمذيعات كل يوم بلوك جديد وكل فترة بلون جديد والشعر صحي؟
لانن بيحافظوا على شعرهن بشكل صحي
كيف..؟
اولا لأنهن لو صبغوا ما بيستخدموا الحنة ولو وحدة منهن بتستخدم الحنة فهي ما بتصبغ
اكتر الشهيرات بيتعرضوا لسحب لون نتيجة تغيرهن الدائم للون بس ليش شعرهن دايما حلو وصحي
لانهن بيستخدموا لاينات علاجية
ومع كل صبغة بتتغير بيغيروا الشامبو كرمال يضل اللون محافظ على رونقه
يعني انا مثلا لو بشتكي من تساقط بدور على السبب الرئيسي متل عم تحليل للدم وبراقب غذائي وبنتبه شو الادوية اللي عم استخدمها بفترة التساقط ووقت دخول الموسم الصيفي او الخريفي وهل انا بستخدم ادوية منع الحمل والهرمونات هل مر اكتر من شهرين بدون قص الاطراف لتحفيز الشعر على النمو ؟ هل عم احط البلسم او حمام الزيت على فروة الراس .
لان كل اللي ذكرتهن الهن علاقة بالتساقط
فطبعا بهالحالة ما بروح وبعمل خلطات زيوت واتركها وقت طويل لانها رح تضعف البصلة اكتر ويزيد التساقط
لان وضع الزيت الطبيعي او العادي لاكتر من 45 دقيقة رح يصيب البصيلة بالتعفن
مثلا انتي عندك نبتة زراعية بالبيت بتسقيها كل اسبوع لو حاولتي تسقيها كل يوم شو رح يصير ببصلتها الداخلية .؟ونفس الشي بينطبق على الشعر
الحل؛
هون لازم استخدم شامبو من شركات مضمونة موجودة بالصالونات خصيصا لهامشاكل وبستخدم ماسك مع انبولات خاصة بالفروة لان المشكلة هي من الداخل
في حال وجود قشرة نفس الشي بستخدم شامبو خاص مع ماسك وانبولات للفروة للقضاء على القشرة
للشعر الجاف بستخدم شامبو للشعر الجاف مع ماسك وانبولات وسبراي خاصين لاطراف الشعر ومش للفروة لان المشكلة خارجية
الشعر التالف بستخدم شامبو علاجي مع الماسك والانبولات الخاصة لاعادة بنية الشعر التالف وعلاجها لاطراف الشعر وبس
وللمحافظة على اللون باخد الشامبو للشعر الملون مع الماسك لضمان عدم بهتان اللون بالاضافة للشامبوهات الملونة والخاصة بكل لون لتعزيز لون الصبغة ولمعانها
ممكن عمل جلسات علاجية للشعر بالصالون بحال الشعر كتير تالف لان في بعض مكونات العلاجية لا يسمح بالشغل فها الا داخل الصالون
ويا ريت كل وحدة تهتم بهالموضوع متل اهتمامها بالقص والصبغة
شركات كبيرة وعالمية معروفة متل لوريال ويللا وكادوس وغيرهن اهتموا بهالامور للمحافظة على الشعر عند استخدام صبغاتهن فنصيحة لا تنظري للموضوع على انه موضوع تجاري بس ان لشعرك عليكي حق ولازم يكون عندك الوعي الكافي لعلاج شعرك
واللي عندها حب لتغيير اللوك من شهر لشهر
بنصحها بالصبغات الخالية من الامونيا واللي بتساعد على نزول اللون اللي ما عاد مرغوب فيه من خلال 6 حمامات بهالطريقة ممكن تتنقل من لون للون من غير ما ترهق شعرها وخصوصا للون الاسود او الاحمر او البنفسجي وما بتعود تحتاج لسحب لون
هيدي نصايح حبيت اخصكن فيها نتيجة الأخطاء اللي عم شوفها بعيني بشكل يومي على كتير من السيدات وعم تم بسبب الجهل بكيفية العلاج والعناية والمحافظة على شعرنا اللي هو تاج راسنا
وما ننسى انو جمال الشعر بصحته
والكن تحياتي:26:
@noha@ @noha_3
عضوة نشيطة
يلزم عليك تسجيل الدخول أولًا لكتابة تعليق.
كلبيزو
•
كلامك منطقى جدا ومشكوورة
@noha@
•
كلبيزو.. مرسي على مرورك وردك كلك ذوق يا عسل
a4nhs
العفو حبيبتي مرسي على المرور والرد والدعوة الحلوة متلك
a4nhs
العفو حبيبتي مرسي على المرور والرد والدعوة الحلوة متلك
شكراً عالنصيحة :)
لكن اسمحيلي أقولج إنه شعري جاااااااااف بشكل مب طبيعي ومع ذلك احط حنة على شعري
وما شاء الله شعري تغير من حيث الطول والكثافة واللمعة وصار طري وناعم
مرات احط فيها ملعقة زيت وأعشاب وشغلات مفيدة للشعر
ومرات ما احط معاه شيء لوحدها ومع ذلك تعطيني نتيجة فورية رهيبة والفروة منتعشة
يعني هي مب بس للشعر الدهني تنفع لكل أنواع الشعر حسب تقبل الشعر له
صح الشعر يختلف من وحدة لثانية لكن الحمد لله شعري تقبل كل الزيوت إللي حطيتها
وخاصة الحــنــة مع إنه شعري جاف لكن أبداً ما نشفت شعري
ويا عزيزتي أمهاتنا وجداتنا على أيامهم كانوا يستخدمون الزيوت والحنة
وما شاء الله شعورهم كانت حلوة أحلى من شعورنا :42:
عالعموم شكراً لج :26:
لكن اسمحيلي أقولج إنه شعري جاااااااااف بشكل مب طبيعي ومع ذلك احط حنة على شعري
وما شاء الله شعري تغير من حيث الطول والكثافة واللمعة وصار طري وناعم
مرات احط فيها ملعقة زيت وأعشاب وشغلات مفيدة للشعر
ومرات ما احط معاه شيء لوحدها ومع ذلك تعطيني نتيجة فورية رهيبة والفروة منتعشة
يعني هي مب بس للشعر الدهني تنفع لكل أنواع الشعر حسب تقبل الشعر له
صح الشعر يختلف من وحدة لثانية لكن الحمد لله شعري تقبل كل الزيوت إللي حطيتها
وخاصة الحــنــة مع إنه شعري جاف لكن أبداً ما نشفت شعري
ويا عزيزتي أمهاتنا وجداتنا على أيامهم كانوا يستخدمون الزيوت والحنة
وما شاء الله شعورهم كانت حلوة أحلى من شعورنا :42:
عالعموم شكراً لج :26:
@noha@
•
UAE Fashion
مرسي لمداخلتك وحط تجربتك
هلأا اكيد لكل قاعدة شواذ بس اللي استنتجتوا من كلامك انك ما بتحطي غير الحنة يعني ما بتصبغي وبتحني مع بعض لان هيدي مشكلة كبيرة وبتحرق وبتجفف الشعر
ومعك حق كل النسوان القديمين بيستخدموا الحنة بس مش كلهم شعرهم منيح منهم بتلاقي شعرها ما شالله ولا شعر الصبايا ومنهن بتلاقيها مصلعة صح؟؟ انا ام زوجي ما بتستغني عن الحنة والزيوت والصلع واضح فيها
بس هيدا مش معناه انو نترك حالنا للتجارب
كتير حلو تعرفي نوع شعرك وطريقة علاجه وتحافظي عليه
مرسي لمداخلتك وحط تجربتك
هلأا اكيد لكل قاعدة شواذ بس اللي استنتجتوا من كلامك انك ما بتحطي غير الحنة يعني ما بتصبغي وبتحني مع بعض لان هيدي مشكلة كبيرة وبتحرق وبتجفف الشعر
ومعك حق كل النسوان القديمين بيستخدموا الحنة بس مش كلهم شعرهم منيح منهم بتلاقي شعرها ما شالله ولا شعر الصبايا ومنهن بتلاقيها مصلعة صح؟؟ انا ام زوجي ما بتستغني عن الحنة والزيوت والصلع واضح فيها
بس هيدا مش معناه انو نترك حالنا للتجارب
كتير حلو تعرفي نوع شعرك وطريقة علاجه وتحافظي عليه
الصفحة الأخيرة