السلام عليكم .................الله يعطيكم العافية علي تجاربكم ولله استفدت كثير وعطتني حافز قوي علي ان ابدا بمشروع....... بقولكم تجربتي وانا في صف اولى ابتدائي او اصغر والله ماادري......كانو اخواني يلعبون كورة مع اعيال الجيران وكانو كل واحد منهم يطلب مني كأس ماء وتعبت من المشاوير وقلت في نفسي لية ماابيع عليهم الكأس بريال وفعلن بعت وحصلت 100 ريال وكنت فرحانة فيها ومن شدة فرحتي ضيعتها ههههههههه...... والي الان وانا افكرفي مشاريع كثيرة وعندي مهرات مثل اقدر اسوي اعمال فنية للمدارس وغيرها والمستفيد منها اعيالي ولله الحمد وبعد انا شاطرة بعمل الحلويات مثل الكنافات بأنواعها وغيرها بس من يغسل المواعين بعدي ولله تعبت من التفكير وبعد فية مشكلة مالى اصدقاء او جيران والي اعرفهم من الاهل محدودين من اهل زوجي ..... زوجي ديماً يقولي ان مخي تجاري وافكاري خطيرة وتنفع الواحد يبداء فيها مشاريع صغيرة بس ماعندي ثقة وزيادة خجولة وماعندي اسلوب في الطرح ياليت فية دورات تحضرالوحدة للعمل في التجارة مثل حالتي <<<<<<<<<<<< طولت عليكم بس حبت افضفض لكم
حساب استثماري انت من وين؟ وابغى استفسر عن تجربتك الرابعة على الخاص؟
الصراحه المضوع أكثر من رائع وبحكيلكم تجربتي اللي ما أقولكم فاشله لا بس مشكلتي اذا بديت ما أكمل لعدة أسباب ... أولها اني أسمع كلمه مب حلوه في حقي تجرحني فأبطل شغل ... او اني اصرف كل كل اللي عندي ما اجمع فاحس انه هالشغله مامنها فايده ...
المهم اول شغله بديت فيها اني اشتركت كمندوبه في شركه من الشركات وبديت ابيع لاهلي وجيراننا من خلال النت والحمدلله كان مكسبي حلو منها بس مثل ماقلتلكم ما كنت اجمع شي ... لين قررت اني ابيع برا حدود الفريج والنت لقيت وحده اعرفها تروح كل مكان وماتستحي مثلي استحي اجابل الناس ويه بويه ... المهم طلبت منها تبيعلي ولها نص الربح بس اكتشفت انها كانت تزيد فوق السعر اللي حاطته فمحد كان يشتري ... وعقب وقفت شغل مع انهم صاروا وايد يتصلوبي من الشركه لاني صج كنت شغوله ...
الشغله الثانيه وهذي شجعني عليها ابويه واخواني هي الوساطه في بيع الاراضي والعقارات والاسهم والحمدلله كان مربحي حلو منها وقدرت اجمع مبلغ لانه ربحها كبير ماينصرف بسرعه والحين بفتح فيه صالون ان شاء الله .. ومابقولكم اني بطلت هالشغله لا مستمره بس صرت اشتغل بحذر يعني ما ادش موضوع او صفقه الا اكون واثقه من اطرافها حتى لو ماتمت ... والحين صارلي فتره ماطلعت شي بس عسى خير ان شاء الله ...
ومن فتره قريبه عني صارلي اسبوع تقريبا قريت عن شي اسمه تجارة الدمينات قلت ليش ما أجرب المهم حجزت دومينين ب 120 درهم الواحد ب60 درهم ... هالسالفه من يومين واليوم بعت واحد منهم ب 200 درهم يعني ربحت فيه 140 درهم وبعد قالولي انه هالمبلغ شويه فيه بس الحمدلله حسيت انه فعلا مشروع حلو بالذات انه ماصارلي فيه الا يومين ...
واللي قاعده أفكر فيه الحين تجارة الجمله يعني اشوف تاجرات اوتجار من برا الإمارات وأوفرلهم بضاعة من هني بسعر الجملة عاد مادري شرايكم في هالموضوع ... وسمحولي طولت عليكم
( الدمينات ) وش معناها ممكن تشرحين حبيبتي
الدومينات اهي النطاقات أو عناوين المواقع ... تشوفيلج نطاقات مميزه تستأجرينها من خلال مواقع الاستضافه وتبيعينها ...
مادري اذا هني في عالم حواء مسموح بعرض الدومينات أو لا بس آنا عرضتهم في مواقع ثانيه ...


الساعة الآن 04:59 .