السلام عليكم و رحمة الله و بركاته
موضوع روعه خليتوني جد افكر اتلحلح و اشوف لي شغله
انا عن نفسي شاطرة بالخلطات مالت الشعر و الجسم ومرة فكرت اسوي وابيع على رفيجاتي بسعر مناسب جدا بس بدون ما اقول انهم مني كنت مفكرة اقول ان الخلطات حق وحدة اعرفها قالتلي اساعدها في بيعهم بس خفت انه يبين علي انهم لي وعقب تتغير نظرة رفيجاتي لي خاصه اني ابدا مو محتاجه معاشي راهي و اغلب رفيجاتي من الطبقه الي عشتو يسمونها هااااااااي !!!!!
و هم ما ودي ابدأ تجارتي بكذبه واقول ان الخلطات مو لي ؟!؟!؟
بس انا احب هالسالفه وما ادري اغامر ولا لا؟
اقتباس مشاركة  (,,,وجــــــــود,,,)
الصراحه المضوع أكثر من رائع وبحكيلكم تجربتي اللي ما أقولكم فاشله لا بس مشكلتي اذا بديت ما أكمل لعدة أسباب ... أولها اني أسمع كلمه مب حلوه في حقي تجرحني فأبطل شغل ... او اني اصرف كل كل اللي عندي ما اجمع فاحس انه هالشغله مامنها فايده ...
المهم اول شغله بديت فيها اني اشتركت كمندوبه في شركه من الشركات وبديت ابيع لاهلي وجيراننا من خلال النت والحمدلله كان مكسبي حلو منها بس مثل ماقلتلكم ما كنت اجمع شي ... لين قررت اني ابيع برا حدود الفريج والنت لقيت وحده اعرفها تروح كل مكان وماتستحي مثلي استحي اجابل الناس ويه بويه ... المهم طلبت منها تبيعلي ولها نص الربح بس اكتشفت انها كانت تزيد فوق السعر اللي حاطته فمحد كان يشتري ... وعقب وقفت شغل مع انهم صاروا وايد يتصلوبي من الشركه لاني صج كنت شغوله ...
الشغله الثانيه وهذي شجعني عليها ابويه واخواني هي الوساطه في بيع الاراضي والعقارات والاسهم والحمدلله كان مربحي حلو منها وقدرت اجمع مبلغ لانه ربحها كبير ماينصرف بسرعه والحين بفتح فيه صالون ان شاء الله .. ومابقولكم اني بطلت هالشغله لا مستمره بس صرت اشتغل بحذر يعني ما ادش موضوع او صفقه الا اكون واثقه من اطرافها حتى لو ماتمت ... والحين صارلي فتره ماطلعت شي بس عسى خير ان شاء الله ...
ومن فتره قريبه عني صارلي اسبوع تقريبا قريت عن شي اسمه تجارة الدمينات قلت ليش ما أجرب المهم حجزت دومينين ب 120 درهم الواحد ب60 درهم ... هالسالفه من يومين واليوم بعت واحد منهم ب 200 درهم يعني ربحت فيه 140 درهم وبعد قالولي انه هالمبلغ شويه فيه بس الحمدلله حسيت انه فعلا مشروع حلو بالذات انه ماصارلي فيه الا يومين ...
واللي قاعده أفكر فيه الحين تجارة الجمله يعني اشوف تاجرات اوتجار من برا الإمارات وأوفرلهم بضاعة من هني بسعر الجملة عاد مادري شرايكم في هالموضوع ... وسمحولي طولت عليكم
اختى روعة تجاربكى واريد استفيد من شغلك فى العقار اريد اعرف كيف تسوقى لها وللاسهم
واشكر الاخوات الاخريات على تجاربهم التى افادتنا اكيد
اقتباس مشاركة  (لاميته)
ماشاء الله الله يوفقنا واياكن ويزيدكن من نعيمه يارب
بنات انا ودي اشتغل بالعقارات من عندها نصائح وخطوات للبدء
هالحين اللي يشوفون الناس باستحقار وعايشين بالهاي كيف صاروا هاي مو من هالتجارة ؟؟؟ سبحان الله والله انقهرت على العموم انا اعرف وحده من بنات الهاي وفجاتني انها تسوي اشغال وحركات للمواليد مره حبيتها ومره عجبتني يوم قالتلي حسيتها عندها موهبه وطموح بغض النظر ايش الفلوس


الساعة الآن 07:53 .