السلام عليكم و رحمه الله و بركاته
نسيت اقولكم هم قبل فترة فكرت انا و وحده من رفيجاتي نصمم دراريع(جلابيات ) لرمضان ونسوي معرض فبيتها او بيتي ونبيع ((هالموضوع وايد وايد منتشر بالكويت)) خاصه اني مبدعه بهالمجال بشهادة رفيجاتي والاهل كل سنه يسألوني عن دراعتي من وين شاريتها؟
بس رفيجتي عقب هالسالفه تزوجت وحملت على طول وانشغلت
فكرت اسويها بروحي بس خفت ما تنجح الفكرة وتطيح الدراريع بجبدي وتروح فلوسي علي !!
وعقبها شنو يفكني من لسان اهلي وتعليقاتهم
16-10-1427 هـ, 02:37 مساءً
 
أولا /
الله يوفق الجميع وعقبال مانصير برضو احنا يالباقين تجار

ثانيا / عندي بعض الردود على بعض الاخوات

((الاخت ليلاس محمد والله خاطري اطب سوق التجار وابتدي معكم من الصفر))

حتى انا نفس الحاله والله اتمنى اصير تاجره خخخخخخخ<<< عندها طموح
===========
((الاخت ssalli2002 انا بدايتي كانت ب100 ريال والحمد الله تطورت خلال 4 سنوات
وتحسن وضعي ودخلت بصفقة بالمبلغ كله كان 40 الف من
تحويشي وخسرت كل المبلغ والحمد الله مازالت اكفاح واحوال اعوض خسارتي ))

الله يعوض عليك يارب وتصير الاربعين الف اللي خسرتيها اربع ميه الف بس ماقلتي

لنا بشنو اشتريتي بالميه؟
============
(( الاخت ريتال22 واناالحمد لله زوجي بخييير ونعمه ومستحيل اطلع السوق بأقل من 1000 ريال))

المشكله ماهي انو الواحد معاه اومو معاه بس المشكله هي في وقت الفراغ ومحاولة قضاءه بشكل

مفيد بعدين ليش ماتنزلين للسوق باقل من 1000؟ بالعكس لو اخذتي على الميك اب 150 والتسريحه

نفس الشئ صدقيني راح تربحي اكثر لانو الكل راح يجيك ويطلبك وبعدين لاتهتمي من كلام الناس

مدام ابو الشباب مأيدك خلاص ماعليك توكلي على الله والله يوفقك
===============
(( الاخت * الفراشة * انا عندي مشاريع صغنونة و***** الله راح اسويها<< يعني هي في مرحلة التفكير))

قولي لنا مشاريعك يمكن نستفيد منها
=============
ويعطيك العافيه اختي على هالموضوع المفيد..

تحياتي دودو
17-10-1427 هـ, 01:19 صباحاً
 
اقتباس مشاركة  (,,,وجــــــــود,,,)
الصراحه المضوع أكثر من رائع وبحكيلكم تجربتي اللي ما أقولكم فاشله لا بس مشكلتي اذا بديت ما أكمل لعدة أسباب ... أولها اني أسمع كلمه مب حلوه في حقي تجرحني فأبطل شغل ... او اني اصرف كل كل اللي عندي ما اجمع فاحس انه هالشغله مامنها فايده ...
المهم اول شغله بديت فيها اني اشتركت كمندوبه في شركه من الشركات وبديت ابيع لاهلي وجيراننا من خلال النت والحمدلله كان مكسبي حلو منها بس مثل ماقلتلكم ما كنت اجمع شي ... لين قررت اني ابيع برا حدود الفريج والنت لقيت وحده اعرفها تروح كل مكان وماتستحي مثلي استحي اجابل الناس ويه بويه ... المهم طلبت منها تبيعلي ولها نص الربح بس اكتشفت انها كانت تزيد فوق السعر اللي حاطته فمحد كان يشتري ... وعقب وقفت شغل مع انهم صاروا وايد يتصلوبي من الشركه لاني صج كنت شغوله ...
الشغله الثانيه وهذي شجعني عليها ابويه واخواني هي الوساطه في بيع الاراضي والعقارات والاسهم والحمدلله كان مربحي حلو منها وقدرت اجمع مبلغ لانه ربحها كبير ماينصرف بسرعه والحين بفتح فيه صالون ان شاء الله .. ومابقولكم اني بطلت هالشغله لا مستمره بس صرت اشتغل بحذر يعني ما ادش موضوع او صفقه الا اكون واثقه من اطرافها حتى لو ماتمت ... والحين صارلي فتره ماطلعت شي بس عسى خير ان شاء الله ...
ومن فتره قريبه عني صارلي اسبوع تقريبا قريت عن شي اسمه تجارة الدمينات قلت ليش ما أجرب المهم حجزت دومينين ب 120 درهم الواحد ب60 درهم ... هالسالفه من يومين واليوم بعت واحد منهم ب 200 درهم يعني ربحت فيه 140 درهم وبعد قالولي انه هالمبلغ شويه فيه بس الحمدلله حسيت انه فعلا مشروع حلو بالذات انه ماصارلي فيه الا يومين ...
واللي قاعده أفكر فيه الحين تجارة الجمله يعني اشوف تاجرات اوتجار من برا الإمارات وأوفرلهم بضاعة من هني بسعر الجملة عاد مادري شرايكم في هالموضوع ... وسمحولي طولت عليكم
اختى ....ابقى اعرف اشلون تتعاملين مع العقارات....و حيث الطريقة و المعاملة و انتى فى البيت

و بعدين شنوا معنى دومنيك....اذا ممكن تراسلينى على الخاص و تحطين لى الموقع و تشرحين كيفية التعامل معاهم.....ينوبك اجر و ثواب

و الله يوفقك فى حياتك
17-10-1427 هـ, 08:09 صباحاً
 
موضوع اكـــــــــــــــــثر من رائع يعجبني فيكم يابنات حواء تهتمون ببعض كأننا اخوه
اتمنى اني الاقي شغله تفيدني وتقضي وقت فراغي والاهم تساعدنا ماديا لان ظروف زوجي صعبه شوي واتمنى اساعده مشكلتى حاولت اشتغل فكان طفلي العايق الوحيد اللي خلاني اشيل الفكره بعد كذا بعت كريمات طبيعيه اسويها واستخدمها انا فبعت منها مجموعه استفدت بمبلغ بسيط وماصار فيه طلبيه فتركتها ومااحس فيه شي شجعني افكر بصراحه نفسي اساعد زوجي بس مافي اليد حيـــــــــــــله فاللي عندها فكره لي ياليت ترسلي على الخاص لأني ماادخل دايم واضيع الموضوع
18-10-1427 هـ, 06:08 صباحاً
 
اقتباس مشاركة  (حبيبة بدوري)
موضوع اكـــــــــــــــــثر من رائع يعجبني فيكم يابنات حواء تهتمون ببعض كأننا اخوه
اتمنى اني الاقي شغله تفيدني وتقضي وقت فراغي والاهم تساعدنا ماديا لان ظروف زوجي صعبه شوي واتمنى اساعده مشكلتى حاولت اشتغل فكان طفلي العايق الوحيد اللي خلاني اشيل الفكره بعد كذا بعت كريمات طبيعيه اسويها واستخدمها انا فبعت منها مجموعه استفدت بمبلغ بسيط وماصار فيه طلبيه فتركتها ومااحس فيه شي شجعني افكر بصراحه نفسي اساعد زوجي بس مافي اليد حيـــــــــــــله فاللي عندها فكره لي ياليت ترسلي على الخاص لأني ماادخل دايم واضيع الموضوع
انتى من وين حبيبتى؟
18-10-1427 هـ, 10:54 صباحاً
 


الساعة الآن 01:14 .