Analysis Services
افكار حلوه
23-12-1429 هـ, 05:19 مساءً
 
اقتباس مشاركة  (اسومة الحلوة)
تصدقون انا يوم قريت الموضوع كنت جايه ابكي من التأثر
انا وايد احس بالملل بالرغم اني اشتغل لكني ما اروح الشغل كل يوم ، اشتغل 15 يوم واخذ اجازة 15 يوم
يوم كنت في المدراس كنت ايب بسكويتات وحلويات العرض الخاص وابيعها في البيت للاخواني الصغار
وكنت اكسب فيهم وارجع راس المال ونصف راس المال كربح صافي وبعد ما كنت ابخل على نفسي
وكنت اكل من بضاعتي بعد واهلي كانو وايد يشجعوني
بس الحين بطلت هذا لانو عيب انا اللي اخذ معاش ابيع للعيال وكمان الحين الربح مومستهال وجع الراس
بس المشكلة انا معاشي بيد الوالد لانو احنا اسرة ذو دخل محدود، وانا في يوم الدوام ايي تعبانة وايد
ولكن ايام الاجازة اموت من الملل واقضي كل وقتي افكر واتفرج على مسلسلات تافهة وسخيفة ومثل ما قالت الاخت انو اليد الباطلة نجسة مو بس شذي اليد الباطلة تقود الى الجنون وانا حاسة اني بتجنن من كثرة التفكير والملل وانا بنية وما وراي لاعيل ولا تيل ونفسي ادخل التجارة واستفيد من وقتي وابطل تفكير وارفع من دخل اهلي
حبيت بس اشارك وياكم في هذا الموضوع لانو وايد عجبني وهو اساسا حط ايديه على الجرح


موضوع احلى من رائع.................شكرا لكاتبة الموضوع و شكرا لكل الاخوات اللي كتبوا تجاربهم حمستونا كثير و عطيتونا افكار حلوه


و اختي اسومه...........حبيت اشد على ايدك
انتي فعلا شخصية رائعة .....اعجبني كثيرا انك تسلمين راتبك الى ابوك ....الله يخليه لك و يرزقك من حيث لا تحتسبين....انا فعلا كنت اتمنى اني موظفة عشان اعطي ابوي فلوس ....شعور حلو حتى لو ماكان محتاج...فكيف لو كنتي تفرجين عليه كربه!!!!!!
اهنيك و الله على انك شايله هم اهلك....و ان شاء الله تقدرين تبدعين و ربي يوفقك يارب
24-12-1429 هـ, 06:40 صباحاً
 
ومنكم نستفيد
24-12-1429 هـ, 06:59 صباحاً
 
روووووووووووووووووووعه
24-12-1429 هـ, 09:04 صباحاً
 
كيفكم بنات الله يزيدكم من فضله....
انا اتمنى اوصل لما وصلتم اليه..
انا سبع صنايع والبخت ضايع,,
انا عندي طموووووووووووووووووووح بشكل غير طبيعي للتجاره وفي كل شي بس زوجي رافض التجاره جمله وتفصيل...يقول نحن مب محتاجين..وماعليك قاصر ابد((وهو الديون راكبته من راسه لرجوله))
لاراضي اشغل وقتي ولا راضي ابيع شي
واصحابه كل واحد عنده محلات ماشاء الله تبارك الله الله يزيدهم
بس نفسي اقنعه..انه يعطيني فرصه ادخل عالم البزنس
مشاريعي..نفسي افتح محل عصاير طازجه..
محل بيع التمورالمحشيه بالمكسرات والبسكويت..........الخ
بس من يمسك..يدي..للامام
والله يوفق الجميع لمافيه الخير
24-12-1429 هـ, 07:54 مساءً
 


الساعة الآن 08:51 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏