اقتباس مشاركة  (ملح الخرج 1)
الوحده خاصه حنا يالحريم اذامادعمها رجل نفسيا ومعنويا ومااديا ماراح تنتج ابد


كلامك صح ميه ميه

والله انا يابنات انا احب المكياج والتجميل

خذت لي دورات لين تعلمت المكياج وتفننت فيه

بعدين تعبت وانا ادور لي على مشغل عشان اشتغل فيه

واهلي الله يسامحهم اللي تبي ببلاش واللي تقولي انتي مبتدئه

تخيلو والله اتعب على المكياج عشان يضبط ويصير حلو

وفي النهايه بس آخذ 50 ريال

او مايعطوني شي يعني مسوين من الأهل

انا طفشت وتركت هالشغله

وبديت بتجاره الأكسسوارات من مبلغ بسيط 400 ريال بس

وصرت ابيعهم على اقاربي واهلي وصديقاتي في المسن

ولي الحين يطلبون مني اكسسوارات لمناسباتهم او اكسسوارات ناعمه للزيارات والطلعات البسيطه

والحمد لله انـا الحين ابيع على صاحبات المشاغل بكميات بالجمله

وامنيتي افتح لي محل اكسسوارات >> اموت في الكشخات خخخخ

مع ان زوجي كـان مو مساعدني وضد فكرتي بس لما شافني وصلت للي وصلت له

صـار مأيدني 100% خخخخ

لازم بتمرين في فترات تندمين فيها انك فكرتي تتاجرين وبتجيك حالات نفسيه من القهر هع

بس لاتستسلمين بسهوله

وقصتي هذي تبين لكم ان لايأس مع الحياه مثل ماقالو الأخوات

ادعو لي يابنات بالتوفيق ^_^
15-02-1430 هـ, 12:24 مساءً
 
الله يوفقكم
15-02-1430 هـ, 01:55 مساءً
 
اقتباس مشاركة  (ريتال22)
انا عندي هواية التجميل النسائي

بس ماكنت دارسه المهنه كدراسه على اصوول

ودرست بأكاديميه لمدة سنه وزوجي شجعني وكان حريص على اني ما اغيب ولايوم واجيب احسن الدرجات بالإمتحانات والحمد لله تخرجت م 3 شهور وصرت اشتغل داخل محيط العايله على خواتي واقاربي

بس المشكله ان الكل يتعامل معاي على اني مبتدئه والمفروض ما آخذ فلوس على شغلي رغم ان شغلي روووعه بشهادة الكل حتى قبل الدراسه لأني كنت امارسها من مرحلة المتوسطه.. والله اني اشيل عدتي واروح لأي وحده تبي مكياج او تسريحه او تنظيف بشره

وبالأخير بكل وقاحه تقول لي انتي ماعندك مشغل المفروض يكون شغلك ببلاش!!

والله اتحطم يابنات وانا اغراضي كلها من الماركات الزينه الي سعرها يكسر الظهر

زوجي الحين مصمم يفتح لي مشروع ويكون على مستوى عالي من كل النواحي لأن شاف شغلي ومعجب فيه جداا رغم ان الرجال بشكل عام مو اي شي يعجبهم

وان شاء الله بفضل الله ينجح مشروعي وارجع اكتب لكم عن تجربتي ونجاحي ياااارب

نسيت اقول لكم..

اول وحده سويت لها مكياج وتسريحه عطتني 200 ريال

واناالحمد لله زوجي بخييير ونعمه ومستحيل اطلع السوق بأقل من 1000 ريال

لكن الــ 200 هذي خشيتها عندي لأنها عزيزه علي ومن عرق جبيني >>> حلوه عرق جبيني خخخخ

حالتك نفس حالة صديقتي ..
يا قلبي عليها ،، شغلها مره روعه بالمكياج
واقاربها كارفينها كرف معها .. ومكياجها تجيبه معها .. ولا يفكرون يعطونها حتى حق كريماتها الغاليه

الله يوفقك بمشروعك .. ويزيدك
16-02-1430 هـ, 02:52 صباحاً
 
اقتباس مشاركة
الوحده خاصه حنا يالحريم اذامادعمها رجل نفسيا ومعنويا ومااديا ماراح تنتج ابد
مع احترامي الشديد لك

فكرتك خاطئه ..

واللي بتفكر تشغل عمرها بشي ينفعها << صدقيني الرجال هو اللي بيجي يقول لها ابي اشتغل معك ..


وفيه امثله كثيرهـ بالمجتمع

بس اللي بتجلس وتقول منيب متحركه الين يدعمني رجال ما فيه امل تتغير ..
16-02-1430 هـ, 04:05 صباحاً
 
موضوع جدا مهم..
16-02-1430 هـ, 05:53 صباحاً
 


الساعة الآن 05:05 .