اقتباس مشاركة  (الوداعيه3)
صباح الخير
الله يوفقك اختي ويبارك لنا ولك واعتقد عادي تقدرين تفتحين بالبيت ولكن اناللاسف ماعندي خلفية عن هذه الامور.
هلا بالغاليه

الف شكر لك على المرور
واللهم امين الله يرزقنا بالرزق الحلال يارب
اقتباس مشاركة  (الـــحـ دبدوب ــب)
هلا ياقلبى
جم حاطة فى بالج تدفعين للخياطة؟؟

انا اعرف وحدة عندها خياطه بتتنازل عنها

وعادى اختى تحطينها عندج بالبيت

اللى عندهم خياطيات بالبيت يايبنها خياطة شخصيه اومبدلين مسمى شغلتها(تلاعب على القانون يعنى)

يعنى مافيه مشاكل اذا يبتيها لج بالبيت بدون مشغل
حيك الله اختي

انا بشوف هي كم تبي فيها واشوف على حسب اذا معقول خذيتها
اذا مو معقول مااقدر
طيب هي من وين انا بالرياض ساكنه ؟؟
الله يعافيك شوفي هي كم تبي فيها وارسلي على الخاص
والله ي عطيك العافيه على المعلومات
اقتباس مشاركة  (أزهار الخريف)
شوفي حبيبتي

الموضوع عادي تستقدمين خياطة او المكتب نفسه يكتب لك على العقد خياطة بفيزة خدامة .. و ياخذ منك كل الشروط ..

اما خياطة للتنازل ما اظن تلاقين إلا نادر ..

لان اللي فيه خير ما عافه الطير

و اكيد انها صاحبة مشاكل


على كل حال .. انا لي سبع شهور مقدمة على خياطة و إلى الان ما شفت شي الله لا يحلله صاحب المكتب .
هلا والله
يالله حييها ايه صادقه بس يمكن انها ماارتاحت مع كفيلتها الاولى علشان كذا تعاند ولا تشتغل زين
ولو كان فيه زياده في الراتب وتحفيزات راح تنتج اكثر وبصوره احلى

وعلى قولتك مدري وش فيهم هالمكاتب انهبلوا
انا مره قدمت شغاله وجلست ثمانيه شهور وسحبت فلوسي يقهرون الله لايحوجنا لهم
اقتباس مشاركة  (بحر الزين1)
مشكلة المشغل اللي بالبيت
أكثر الخياطات اللي موجودات بالسعودية
يعني نقل كفالة ما تبي البيت
ليه؟؟
لأنها تبي تلعب بالمشغل على كيفها وما يكون فيه رقيب
يعني تقدر تسرق الزباين لبيتها
على سبيل المثال الزبونه لو بتخيط لها بالمشغل بيكون الفستان ب 400 ريال
تغريها الزبونه بانها تدفع لها 200 ريال وتخيطه في بيتها وبدون فاتورة
بس بالبيت بتكون تحت الرقابة
(هذا الكلام من تجربة)

والجديدة أفضل لك
بالذات اللي ما قد اشتغلت بالسعودية
هلا والله وغلا
والله انك صادقه الطمع في كل مكان
بس لو قالت لها انا ابي كل شهر مثلا مبلغ وقدره .... والباقي لك
بتجتهد الخياطه تجمع الزباين وتخيط مضبوط هذا اللي بالمشاغل

صادقه والله الجديد زين بس ماتضمنين شغلها مره هي تجيك متعلمه زين ولا بس توها
مبتدئه

والله يكتب اللي فيه الصالح يارب
حبيبتي .. لازم يكون عندك خلفيه انتي بالخياطة ...

وهذا اهم اساس في استقدام خياطة ... عشان ما تحوس عليك الموديلات ..

غير كذا ..

ترى ما انصحك تستقدمين وتحطينها في بيتك ان ما كنتي شديدة وشخصيتك قوية .. مش بالتنزير و الهوش والضرب .. ما يجلس ابنك معك مو خدامة او خياطة ...

بس اهم شي تحس انك فطينه و حريصة وما تخلينها على كيفها .. ترى بتجيب لك مشاكل و بلاوي .. عسانا نتحمل خداماتنا شلون لو خياطة وتبي تتعامل مع الناس بشكل مباشر ..

ترى قريبتي عندها خياطة ممتازة مررره .. و خلت الخياطة تتعامل مباشرة مع الزبونات .. و هذا احسن لها لانه الحريم يبدون يكاسرون و بتستحين منهن وتقولين لهم ببلاش .. بعض احريم ثقيلات دم .. بس الخياطة ما تقدر عليها .. بتقول لها .. المدام تقول السعر كذا .. تبين او بكيفك .. بس المشكلة انه لما يكون لك زبونه دائمة .. يمكن انها تغريها و تقول خذي الفرق لك و تبدا تخيط لها بدون فواتير و انتي ما تدرين وتاخذ الفلوس كلها لها .

مشاكل الله يكفينا الشر .
موفقه ان شاءالله

ان كنتي في القصيم .. قدمي عند المسحل في عنيزة .. يجيب بسرعه للي يعرفهم .خلال 24 يوم .


الساعة الآن 12:15 .