غرشوب رعبوب @ghrshob_raabob

محررة برونزية

حريم اخوانكم مثل حريم اخواني والا...؟؟؟؟؟؟؟؟

السلام عليكم ورحمة الله وبركاته :)

كل سنه وانتو طيبين وحلوين وبنحبكن :22: :26: :26:

شحالكن بنات عساكن بخير صار لي كم يوم ابغي اكتب هالموضوع بس ماكان عندي وقت واليوم الحمدلله فاضيه كالعاده في الدوام قلت خلني اتسلى واكتبه :42:

بنات سؤالي ليش بعض الاخوان اللي يتزوجون تتغير معاملتهم لخواتهم ولاهلهم بشكل عام ؟؟؟؟؟؟؟؟ يعني افهموني من حق كل واحد يحب زوجته ويغار عليها بس في رجال فضيعين الصراحه يعني يكرهونك في حريمهم !!!! :angry2:

كله ولا تجيبين طاري زوجته لا بخير ولا بشر تمدحينها تنفخينها لو مافيها شي وتقولين انها ملاك وكامله مكمله عادي بس تعالي لو بتعلقين عليها بكلمه او حتى بتمزحين وشوفي كيف يحمل سيف حامي الحمى ويهببببببببببببببببببببببببب بيدافع عن زوجته ضد الاعداء اللي هم اهله او اخته !!! :024:
وحتى لو كان متأكد ميه بالميه ان هالعيب او هالشي في زوجته مايرضى اي حد مهما كان يتكلم عنها حتى لو ينصحها يعني مب قصده شي وممكن انه يثور ويدافع عنها وينفي ان هالشي فيها !!!

بنات ترى والله اتكلم جد في اخوان كريهين جدا يعني من كم يوم اكلم اخوي عادي واقوله ماتجيني ولا تزورني مع ان بيت اهل زوجتك جمب بيتي وكل يوم انت هناك ولا حتى فكرت في العيد او في اي يوم تمر علي تخيلو ثار وهاج وماج وعصصصصصصصصصصصب خصوصا لما قالت له امي صح انت حتى انا ما شفتك الا اول يوم العيد سلمت ورحت على طول وعيالك وزوجتك ماشفتهم راحو على طول ولا جيتوني من ذاك اليوم يا خواتي عصب بشكل مب معقول وقالي لا تعاتبين وحرمتي مالج دخل فيها ولا تجيبين طاريها !!!! :eek: <<<< اصلا منو جاب طاريها

وسوا له سالفه وبعدين راح قلت له خلاص لا تعصب ماتبغي تجيني لا تجيني مب لازم وزوجتك ماجبت طاريها وتم يعلق على رجلي قلت له مالك دخل فيه انا اعاتبك اختك مب وحده غريبه ولا زوجي انا واذا زعلت خلاص لا تجيني مب لازم !!!

يعني ساعات تلقين زوجة الاخو طيبه وحبوبه اول ماتعرس وبعدين من كثر هالحركات تحسين بتبدين تكرهينها والسبب اخوك !!! وتعامله الزفت معاكم ومع امه !!! طيب ليش !!

احنا متزوجين وزوجي عمره ما قاطع اهله او خواته عشاني مع انه كذا مره غلطو علي وقدامه بعد ووالله مايقاطعهم يقولي لا تروحين لهم معليه مقدر شعورك وازعلي عليهم بس هاذيلا اهلي ماقدر اقاطعهم وعمري ماحرضته عليهم اصلا لو بحرضه هو مايرضى فيهم ومثل ماحب اخوي يعامل خواتي وحريم اخواني يعاملون امي وخواتي احب زوجي يعامل خواته وامه
وزوجي يحبني ويموووت فيني وانا مثله واكثر يعني مادري يمكن يعتقدون انه مافي غيرهم او مافي مثل حبهم او عيالهم او او !!!!!!!!!!!!! يا بنات شي عجيب غريب مادري هالشي عندنا في بيت اهلي والا عند غيرنا بعد ؟؟؟؟؟؟؟؟؟ :(

طيب وشو مقفهن هن من هالشي يعني ليش يرضون بهالشي ؟؟؟ عيب والله عيب معقول في وحده تفرح على حساب ظلم غيرها ؟؟؟ وهي تحب هالشي يصير لخواتها او امها والا هم غير وبنات الناس غير ؟؟؟؟؟؟؟؟

اللحين تصدقون ان زوجته والله حتى حق العيد ماشفتها وكنت متفقه معاها تجي هاليومين عشان نشوفهم في بيت اهلي هي وعيالها بس ماجت ماتتخيلون شكثر متضايقه من اللي صار :(

يعني شي تافه وتكبر وخذ حجم اكبر من حجمه وسوى منه سالفه يعني صار لي كم يوم افكر اقول شو الكلام اللي وصله لازوجته ؟؟؟؟ شو قالها عني ؟؟؟ يعلم الله ماقلت عنها شي ولا جبت طاريها قدامه !!! وحتى لو تكلمت عنها عمري ماتكلمت عنها قدامه الا بالخير ولو تكلمت وجبت طاريها لا تكون هي من الاسرار العسكريه اللي ممنوع علينا نتكلم عنها ؟؟؟؟؟؟؟؟؟

مقهوره وواصله عندي ومادري شو اسوي لا هو اتصل ولا راح بيت اهلي من كم يوم ولا انا اتصلت ولا بتصل فيه ولا عارفه شو بسوي ؟؟؟؟

10K

يلزم عليك تسجيل الدخول أولًا لكتابة تعليق.

تسجيل دخول

الماسة السوداء • 17 سنة

غرشوب حبيبتي عادي اخذي وخلي ياما شفنا وحنشوووف

المراه السنعه اهي الي تخلي ريلها يتواصل مع كل فرد في عيلته وتنصحه اذا شافت الغلط حتى لو احد غلط عليها
لكن شتقولين يالغلا الي صاير الحين كل وحده تسحب ريلها صوبها وتخليه ينسى هله وطوايفه بعد
لكن شتقولين غير حسبي الله ونعم الوكيل ربج يمهل ولا يهمل وبتشوفين مثل مافرقت بينكم بيي اليوم الله ربج يراوييها هاليوم فيها وفي عيالها

حبيبتي نصيحه بعدي عن الشر وغنيله واذا اخوج كفؤ بيعرف ان الي سواه غلط وبيي يعتذر
لكن اذا كان خاتم في صبع مرته فانا اقول احسن لج فراقهم

هيفاء نجد • 17 سنة

الحرمه اللي تبعد رجلها عن اهله واخواته هذي مافيها خير وناقصه تبيه يكون لحالها بس
وماتدري انها تسبب في قطيعة رحـم

يـمكن اخوك شاحنته زوجته ومعبيه راسه عليكم وتقول اهلك يتكلمون فيني عشان كذا يوم تكلمتي
هااج عليـــك

بكرا الحرمه هذي بتكير وبيكبرون عيالها ويتزوجون بتتحسر على اللي كانت تسويه
والشرهه بعد مو على الحرمه وبس

على الرجال الرخمه اللي مايعامل اهله معامله حسنه لا تضر حرمته ولا تضر اهله

ام الخمائل • 17 سنة

عزيزتي : بعض الناس عنده حساسية ناحية زوجته وبعضهم ناحية أهله والبلاء ترى مولازم في الزوجة ولا في الأهل أحيانا يكون في الرجال نفسه!!
وزوجة أخوك تقولين انكم حبوبين مع بعض ونصيحتي انك تكلمينها وتعايدينها وتحكين عليها الموقف اللي حصل بالضبط وانتي تضحكين وتشوفين ردة فعلها...
أما ان الرجل يقاطع أخلها عشان زوجته فاسمحي لي هذا مافيه خير وبيجي عليه يوم يقاطع زوجته عشان غيرها..لآنه إنسان غير وفي ...
لموا الموضوع لأنه صلة رحم وليس علاقة عابرة نقول اسفهيهم وطنشيهم لا يالغالية صليهم واحتسبي الأجر وعليك بالهدية فهي تقرب القلوب....
الله ييسر أمرك ويسخرهم لك...ويوفق بينكم بخير...

غرشوب رعبوب • 17 سنة

مس مس حبيبتي شحالج من زمان ماشفتج

تصدقين في خاطري اقول نفس الكلام بس مقهوره منها ومنه يعني ناسي اهله ومنسيته اهله والله قاعده افكر واقول يعني هو مافيه خير لاهله يزورني وانا اخته جنب بيت اهل زوجته هي حتى ماخطر في بالها تتصل فيني تهنيني بالعيد او تسأل عني وعن عيالي وبيني وبينهم خطوات بسسسسسسسسسسسس

هالزمن صدقيني غيييييييييييييييييير سبحان الله الحرمه الصالحه نادره في هالزمن وين حريم اول يوصلون الرحم واهل الزوج ويحثون ازواجهم على اهلهم وامهاتهم اللحين مثل ماقلتي كل وحده تاخذ لها رجال تشتريه لها ولاهلها تنسيه امه وطوايفه زين يمر كل فترة يقول لامه السلام عليكم !!! كله قاعدين عن اهلها وطلعاتهم وجياتهم عند اهلها واهله طززززززززززز فيهم ربو وتعبو وبالاخير ؟؟؟؟؟؟؟؟؟؟؟

الله يسامحه بس

غرشوب رعبوب • 17 سنة

هيفاء نجد

صح كلامك يعني الله اعلم فيها بس تستغربين بالفعل من ردت فعله العنيفه يعني تقولين لو مب سامع شي وشايل في خاطره مارد بهالقسوه وبالعنف !! صح والا لا ؟؟؟ الله يسامحه هو واياها هي اللحين فرحانه وهو فرحان غافلين عن دموع امه يوم يرد بهالرد بس مايدرون ان الدنيا دواره اصلا امي قالت لي بنفس الوقت يا بنتي خليه هذا خلاص ماسحه تفكيره ولا تعاتبينه اللي يبغي يزورك حياه الله واللي مايبغي الله يحفظه