جنين الابيه
التقويم الشفاف موجود عند المانع بالخبر


ام لموره الاموره
أنت صار لخدودك مثلي .... بس متأمله تروح الخطوط بعد مافك التقويم
شكرا لصاحبة الموضوع


انا حطيت تقويم تقريبا من سنتين والحين خلاص يمكن شهر واشيله

كانت مشكلتي ان اسناني العلوية شوي بارزه والي تحت متداخلين على بعض

طبعا النتيجة الحين مختلفة تمام الحمدالله الاسنان رجعت على ورا والي تحت صارت كلها صف واحد الحمدالله

واهو قبل خلعلي 4 اسنان وانا اسنان العقل لسا ما طلعتلي
وحتى قالي لو طلعت في شوي مجال تطلع من غير ماتخرب عليك التقويم

وقالي ان رح يحط الفيكس ريتينر وهذا السلك الي يحطه في الاسنان من وراء وقالي انه افضل شي اخليه اقل شي 5 سنوات وذكرته وحده من الاخوات هنا كيف ما تحسين فيه ابد واهو في الست الاسنان الامامية بس مو كل الاسنان (في الاسنان الي تحت) اما الي فوق فا رح يحط السلك المتحرك او الريتينر العادي اسمه ....

واهم شي لازم بعد التقويم الداومين على السلك المتحرك لان كل العلاج فيه لو تركتيه ممكن ترجع اسنانك تتفرق او تتقدم شوي لان طبيعة الاسنان لو في فراغات او في سن عقل يطلع رح يحرك الاسنان
وتقريبا التكلفه كلها 8000 وشوي
والتقويم الشفاف في المانع
بال13000

واتمنى لكل وحده منكم اسنان حلوه وابتسامه احلى
up
صج صج صج كنت محتاجة لمثل هلموضوع
حبايبي بنات الكويت تكفون أبي رقم العيادة اللي مسوين عندها واكيد اللي بالاقساط
وابي أسأل انا اسناني فيهم بروز بسيط حييل حييل حييل لدرجة انه البعض لما اوريهم أسناني واقصلهم قصة كرهي لاسناني يقولي حرام موبارزين لاتسوين بس مادري معقديني اسناني واحس تسكيرة حلجي مو حلوة
والشغلة الثانية والأهم واللي فعلا واضحة اهي انه اسناني شوي متزاحمين من جدام تقريبا نفس الصورة



بس اسناني الي تحت مافيهم شي الحمدلله

انا عاد شقلت . قلت بما انه البروز مو واضح حيل خلني أركب بورسلان يعني الاسنان الامامية من الناب لي الناب الستة اللي فوق ألبسهم بورسلان بلا تعب التقويم بلا أذيته هذا خصوصا بعد ماشفت بنات رجعت اسنانهم بعد سنوات من خلع التقويم هذا غير اني بعد كبيرة عمري 27 يعني اتوقع التقويم بياخذ وقت زيادة يمكن ؟
ونسيت أقول قبل 5 سنين رحت لعيادة خاصة وقالي انصحج ماتسوين بورسلان لانه مافي نفس الاسنان الطبيعية وعطاني محاضرة عن الاسنان الطبيعية وانها ماتتعوض بلا بلا بلا .
وقالي ركبي تقويم وحالتج سهلة ويبيلها سنة بس طبعا اهو مو متخصص في التقويم اهو كان يركب أسنان بورسلان لاختي وانا استغليتها فرصة ورحت معاها وسالته وليما الحين ماعرضت نفسي على اختصاصي تقويم . الحين محتارة ولو تبون الصج انا كلش كلش ماودي بالتقويم ولا اقدر اتحمله سنة او سنتين ودي بالبورسلان زيارتين اربع أو بالكثير عشر وارتاح للأبد شرايكم ؟؟ نصحوني

وبعد أبي أحسن عيادة شرايكم في مركز أبها ؟ و دنتل كير ؟ ناطرة ردكم لاتبطون علي
فووووووووووووق وينكم بنات


الساعة الآن 11:18 .