Analysis Services
ياس البدور هلا فيج اختي بغيت اعرف الساعه كم تخلصون من الدوام ...؟ اذا كان وايد طويل ما اعتقد اني اشتغل عندهم لاني عندي صغاريه وفي شهر 2 بولد ان شاء الله ..

made of glass هلا فيج اختي وصدقج والله دام الريل موافق اشعلينا من الناس .. بس ان شاء الله الدوام ما يكون طويل وايد تخيلوا من سبع سنوات وانا ادور وظيفه ومب لاقيه والله اني مليت وطفرت ..
08-10-1427 هـ, 09:46 مساءً
 
اختي انا عندي الحل اللي بيرضيج وبيريحج ...

ماعليج إلا بصــلاة الاستخاره .... وصدقيني اذا ربج راد بتتوفقين ، واذا لا .. قدر الله وماشاء فعل .. اتوكلي على الله ..وماعليج من حد .. اهم شي رضا الرب ،،، و رضا الناس غايه لاتدرك ...
08-10-1427 هـ, 10:13 مساءً
 
اهم شي تكونين مقتنعه بالشغل .. وواثقه من عمرج باي مكان يحطونج تشتغلين فيه ..

وعن الناس .. ترا بتتكلم اليوم وبتسكت باجر .. واللي يمشي ورا كلام الناس يضيع .. اصلا فيه مجتمعات البنت سوت شي او لا ما يخلونها بحالها ..

المهم ماعليج من حد اذا تبين الشغله .. بس مادري عن حكم الشغل في فنادق..!!
تأكدي قبل احسن ..

والله يوفقج يارب
08-10-1427 هـ, 10:33 مساءً
 
انا مع made of glass وما خاب من استخار .... و انا بقول لج شي تسوييينه عن خبرة ودراسة....

هاتي ورقة وقلم واكتبي عدة اشيا....
1) كيف تتخيلين نفسج كموظفة أو شو هي الوظيفة اللي تتمنينها؟
2) شو هي الأشيا اللي تبين تحققينها في مكان الوظيفة؟
3) شو ممكن تقدمين للمكان اللي بتشتغلين فييه؟ وشو هم بيقدمولج من خبرة وامتيازات؟
4) كم طول الفترة اللي بتقدرين اتمين فيها في الوظيفة اذا كان نوع الشغل روتيني بحت؟
5) فكري في قيمج وأخلاقياتج .. بتقدرين توافقين بينها وبين قيم وأخلاقيات المكان؟
6)اسئلي عن بيئة العمل.. "بما ان نحن نتكلم عن فندق اسئلي عن شرعية العمل في هذا المكان"
7) مستعدة تتنازلين عن بعض قيمج لقبول الوظيفة؟
* فكري في اسإلة من هذا النوع واساليهم عن فندقهم وقوانينهم وطبيعة شغلهم.. حاولي تجمعين أكثر كم من المعلومات عن المكان وين ما كان مب شرط الفندق وفي الأخير قارني بين المعلومات اللي حصلتيها والنقاط او الشروط ونقدر نقول القوانين اللي انتي حاطتنها لنفسج وبتعرفين الجواب اذا المكان يناسب والا لا...

وعن كلام الناس طول ما انج تشتغلين في الحلال لا يهمونج واخرتها بيسكتون يوم ما بيحصلون عليج الغلط..... اسمحيلي على الإطالة بس بغيت افيدج بأكبر كم من المعلومات...


بالتوفييييق
08-10-1427 هـ, 11:09 مساءً
 
تسلمون خواتي على ردودكم الطيبه وان شاء الله انا بشوف بيئة الشغل كيف ومتى يخلص وان شاء الله بصلي الاستخاره وبقرر ..

شكرااااااااااا لكم ...
09-10-1427 هـ, 02:36 مساءً
 


الساعة الآن 04:50 .