السلام عليكم
اخواتي بنات الامارات وبنات حواء الحلوات
انا يا بنات عندي فكرة مشروع بس للاسف ما عارفة كيف ابدأ
والا شو الاشياء اللي بحتاجها علشان المشروع
المشروع عباره عن محل لتعهد حفلات الاعراس
ونظرا لاني احب التصميم وعندي هواية تنسيق الهدايا والزهور
ودائما احب اطلع على الجديد في افكار الحفلات
بس يا اخواتي بغيت اعرف كيف اسوي دراسة جدوى
وما هي الاشياء اللي بحتاجها ووين احصلها في الامارات
بلييييز بنات ساعدوني .....لاني ابغي اسوي مشروعي اللي كنت دايما احلم فيه
ونبدا خطوة من الالف ميل.........
وربي يوفق الجميع
افااااااااااا يا بنات
وينكم محتاجه آرائكن
بلييييييييييز اعطوني رايكم
الله يوفقج فكره حلوه

بس ليش ماتبدئين من البيت وبعدين سويلج محل

لانه عشان سبحان الله التجاره وايد فيها مجازفات عشان ماتخسرين من البيت

وحاولي تسوين تصاميم خفيفه

يعني تصاميم الهدايا او توزيعات عشان تشهرين نفسج والخطوه الثانيه سوي شي أكبر
مشكوره اختي
alhosany

وفعلا التجاره مجازفه
بس الواحد يتوكل على رب العالمين
بس انا ناويه افتح محل يكون اختصاصه تجهيز القاعه او خيمة العرس
من تنسيق الكوشه لتزيين الطاولات والكراسي وتجهيز باقات الورد الى التصوير
بس المشكله انا ما ادري اذا هالشي بيمشي والا لا .....
لاني ناويه اسوي شي سبيشل وباسعار منافسه باذن الله
انا بانتظار باقي الأراء يله يابنات ابا حد يحمسني ويعطيني رايه العملي بالموضوع
بيييييييييييييليز بنات همتكم لاني فعلا الموضوع ماخذ كل تفكيري ومحتاره شو اسوي
الفكرة روعه + شوية دعايات = بيمشي الشغل عال العال ان شاءالله ..
ودام عندج موهبه وخلفيه عن احلى واحدث شي .. ترا هذا اهم شي انج تبدين بشغل انتي تحبينه وتحسين ممكن تبدعين فيه ..

بس اذا انتي متخوفه من المشروع اذا بيمشي ولا لا .. تقدرين بالاول تسوين استبيان وتشوفين اراء الناس وهالشي وايد بفيدج حتى من ناحيه دراسه المشروع ..

للاسف ماعندي خلفيه بالنسبه حق هالموضوع .. بس اذا تبين مساعدة بالاستبيان اذا حابه تسويين او من ناحيه الدراسه .. ممكن اساعدج فيهم


الساعة الآن 09:09 .