مساء الخير

اخواتي و عزيزاتي عندنا مشكله ارجو انكم تساعدونا في حلها

صديقتي عندها مشغل خياطه نسائيه و صالون بنفس الوقت

و توها فاتحه المشغل و مكلفها بحدود 250 الف من ديكورات لخامات للعماله

العاملات اللي جايبتهم كانت مشترطه انهم عندهم خبره .. و بالفعل

كانو متفقين على الرواتب .. الحين مر على المشغل سته شهور

الحمد لله صار له سمعه حلوه و في رمضان كان عليه اقبال جداً حلو

رغم انه مر بفترة ركود فضيعه ..

العاملات اللي عندها عربيات للصالون .. و فلبينيات للخياطه ..

طول الوقت يشتكون ان الرواتب قليله رغم ان الرواتب على 2000

في النهايه ثنتين قررو انهم يسافرون ..

صديقتي ما تبي تفقدهم

ولا تقدر تزيدهم

فكرة انها تخلي الدخل بينهم بالنسبه

ما تدري هل هذا الشي يضرها و لا بصالحها

ما عندها خبره بطريقة ادارة رواتب المشاغل كيف ؟

وش الصح وش الغلط ؟؟

هي خايفه انها تفقد باقي العاملات

في الوقت اللي بدأت تجني ثمار تعبها ..

.. ..

كلنا متعاطفين معها بس حتى حنا مابيدنا حيله

..

وحده اقترحت عليها انها تقولهم على مبلغ مصاريف المشغل شهرياً

اللي هي : 15 الف ( ايجار + رواتب + كهرباء .... الخ )

و تشترط عليهم في حالة دخلو هذا المبلغ , الفائض بينهم بالنسبه ياخذون منه

30 % او 35 % او 50 %

علماً ان اللي اقترحت عليها هذا الاقتراح ما عندها اي خبره و لكن مجرد

اجتهاد شخصي ..

هل هذه الطريقه ناجحه ؟؟؟

ام مضره بصاحبة المشغل ..؟؟

..

المشاغل كيف طريقتهم مع العاملات ..؟؟؟

..

وعدت صديقتي ان انشر مشكلتها بالنت .. عل و عسى تلقى حل ..

و المفاجأه اللي وعدتكم بها هو دعائنا لكل وحده ترد بحل او اقتراح تفرج به كربة

و ضيق صديقتي ..

آسفه على الاطاله .. لكن الامل بالله ثم بكم ..
اختي خذي مني نصيحه
اي عامله تبدا شغلها بالتهديد هذي مالازم تستمر نهائيا
اقصد بكلامي
العاملتين مااتفقوا انهم يسافرون بوقت واحد الا بقصد الضغط على صاحبة المشغل
وهي خطه ذكيه وخبيثه بنفس الوقت
طبعا هم عارفين نقطة ضعف صاحبة المشغل بانها ماتبي تفقدهم
صدقيني لو انها اشرطت عليهم من البدايه وقالت لهم ...انا هذا المبلغ الي بدفعه اذا تبون كانا بها ماتبون اجيب بدل الوحده الف
لو انها عاملتهم بهالاسلوب كان ماتجرؤا يطلبون الزياده او يهددونها بالسفر
وصدقيني 2000 زياده ونص ونادرا مانلقى رواتب بهالمبلغ
احنا عندنا اكبر مشغل ومعروف بسمعته العاملات فيه ماياخذون غير1500 وراضييين وحامدين ربهم
ومسالت انها تعطيهم بالنسبه هذي بداية الغلط والخساره بالنسبه لها
وبداية الفوز بالنسبه للعاملتين
انا انصحها نصيحه لله ولا ابي غيرها
انها تبدا معاهم ومع الكل بشكل صارم
يعني تقولهم الي مايبي هالمبلغ مع الف سلامه
وخليها تدعي ربها ان يسخر لها العاملات الماهرات والي يخافون الله ويرضون بالقليل
وترى لاتستهين بالدعاء لانه بوابة النجاح
وصدقيني ياكثر الكوافيرات الماهرات والي يبون احد يقدر مهارتهم الخارقه
تقدر تدور كوافيرات عن طريق النت او عن طريق الوسيط وتشترط الراتب والاحتراف بالعمل
وان شالله اذا سوت الي قلته
راح تلقى الي تبيه ويمكن افضل
وكلامي عن تجربة اشخاص اعرفهم ماهو من نسج الخيال
وبالتوفيق
السلام عليكم

اختي ياليتك عطيتهم الجد من البداااية واتفقت على الراتب ,,,

ومادامهم تفلسفووو فخليها تخاف منهم ,,

اما تقول لهم :
1 . اوكي مع السلامة بس انتو اللى بتدفعووون التذاكر والفيز بتكون خرووووج نهاااائي علشان يخافون واذا رااحوو ماتكون خسرت الكثير ,,
وتحطين اعلان في المبوبة او الوسيلة عن طلب كوافيرة شاملة ,, منها تكون ارتاحت من التقديم والمصاريييف ومنها وفرت وقت ,,,*^على الاقل لمدة سنة او 6 شهووور على ماتوقف على رجولها^*,,,

2. تنزل من راتبهم يعني تخليه مثلا 1500 وتعطيهم على كل زبونة نسبة 10 او 15 % علشان يكسبون زباين اكثر ,,,

وراتبهم اكثر من ممتاز خليهم يحمدووون ربهم اكبر المشاغل ماتعطي الا 1800 وال1500

والله يوفقها خليها تكثر من الاستغفار وتستخيييير رب العالمين ,,,
اقتباس مشاركة  (om_bassam)
السلام عليكم

اختي ياليتك عطيتهم الجد من البداااية واتفقت على الراتب ,,,

ومادامهم تفلسفووو فخليها تخاف منهم ,,

اما تقول لهم :
1 . اوكي مع السلامة بس انتو اللى بتدفعووون التذاكر والفيز بتكون خرووووج نهاااائي علشان يخافون واذا رااحوو ماتكون خسرت الكثير ,,
وتحطين اعلان في المبوبة او الوسيلة عن طلب كوافيرة شاملة ,, منها تكون ارتاحت من التقديم والمصاريييف ومنها وفرت وقت ,,,*^على الاقل لمدة سنة او 6 شهووور على ماتوقف على رجولها^*,,,

2. تنزل من راتبهم يعني تخليه مثلا 1500 وتعطيهم على كل زبونة نسبة 10 او 15 % علشان يكسبون زباين اكثر ,,,

وراتبهم اكثر من ممتاز خليهم يحمدووون ربهم اكبر المشاغل ماتعطي الا 1800 وال1500

والله يوفقها خليها تكثر من الاستغفار وتستخيييير رب العالمين ,,,

فاهمة صح....!! انا معاها!!!
انا مع الاخوات
و2000ريال كثير عليهم


الحق يابومتعب حذفوا صورتك يقولون مخالف


[/u] [/color][/size]


الساعة الآن 03:56 .