Analysis Services
السلام عليكم ورحمة الله
خواتي اخباركم ان شاء الله تكونوا بخير
الايام هذي حاطة في بالي افتح مشغل بس مشكلتي ما عندي خبرة كثير بس احب اتعلم
ولقيت مشغل للتقبيل بعاملاته وباجهزته وصاحبته شكرت فيه كثير
بس هي للدواعي السفر عارضاه للتقبيل
ما ادري ايش راي الخبيرات في هالموضوع وبايش تنصحوني
افيدوني الله يحفظكم باسرع وقت ممكن في خلال هاليومي لانها منتظرة ردي
يعطيكم العافية
09-10-1427 هـ, 07:07 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي شوفي من باب النصيحة ,, حطي في بالك اكثر من شغله اولا :

1.المكاااااااااااااااااان (( يعني موقع المشغل ))

2. الدعاية والعروووووض في المبوبة والوسيلة والاوراق اللى تتوزع والبروشرات وكروت الخصم ,,,,,,,,,,,,,,,, الخ

3. العمالة تأكدي منهم من شغلهم ,,

4. الاجااااااااااااار ,, كم بتأجرين المكان

5.كم سعر المشغل وهل يستاهل سعره ولاحظي ان مهما كان كامل اكيد بتضيفين لمساتك عليه ولو انها قليله بس بتكلفك ,,

6. المنااافسين ,,

فكري في النقاط الستة بتمعن وبعدها استخيري اكثر من مرررررة وخبريني وش بيصير معاااااااااااك

والله يوفقك ويرزقك من اوسع ابواااااااااابه يارب واذا فيه خير لك الله يكتبه لك يارب واذا فيه شر لك او خسارة الله يصرفه عنك ,,

واذا شريته واحتجتي للمزيد ,, لاتترددين في الاستشارة وطلب المساعده
09-10-1427 هـ, 11:56 مساءً
 
مشكورة حبيبتي على اهتمامك للموضوع وردك
اكيد باعمل بنصيحتك وادرس الموضوع من كل النواحي وان شاء الله اتوفق وتتوفقين في حياتك
من زمان والله بافكر في الموضوع بس خايفة
ودعواتك عزيزتي
10-10-1427 هـ, 03:58 صباحاً
 
ســــــــــلام
أنا ماازيد على كلام الاخت الله يعطيها العافية بس ياليت تسألين من برى عن صمعة وشغل المشغل
مع تمنياتي لك بالتوفيق
ودمتي ســـــــــــــااالمة
10-10-1427 هـ, 04:16 صباحاً
 
انا توني شاريه مشغل لتقبيل واوصيكي بمايلي
اولاً تعرفين سبب التقبيل
ثانيا توفرين العماله على طول لاني انا شريته وما معه غير خياطه وكان على وجه العيد وطبعا مالقيت غي واحده فقط والباقي مو فاضي كل الكوافيرات اشتغلوا واصبحت في مأزق ((اكيد بتقولين ليش ماتجيبي على كفالتك اقولك انا جديده على الاشياء هذي فليش اجيب على كفالتي وانا ماادري عن المشغل يكسب او لا اذا توفقتي فيه وصار لك زباين هاتي على كفالتك عدد كافي
ثالثا اختاري العماله الماهره لان على شانهن راح يجيك الزباين
رابعا الخياطه لازم تكون فن انا شريت المشغل علشان الخياطه لان لها 15سنه في المشغل ولها زباين وشغلها لايعلى عليه
خامسا النظافه والديكورات حتى لو كانت ناعمه وبسيطه والاخلاق الطيبه وحسن التصرف والمعامله الحسنه
سادسا الدعايه عن طريق توزيع البروشرات والتخفيضات وهدايا رمزيه لزبائن
واولاً واخراً الدعوه بالتوفيق من الله عز وجل واخلاص النيه وعدم تقديم اي خدمه مخالفه للشرع من نمص وخدمات يكون بها تكشف وانت عارفه القصد ليكون الكسب حلال
10-10-1427 هـ, 04:30 صباحاً
 


الساعة الآن 12:11 .