مساكم الله بالخير
وقبل كل شي اعذروني على انقطاعي المفاجئ والطويل وعن جد والله للمنتدى شوق كبير بقلبي
واتمنى الكل يكون بخير وبعافيه والاهم اني يوم بديت افكر بمشروعي وبأخذ راي احد مافكرت الى بحبايب قلبي لان بلاقي الصدق والعون منهم


مشروعي صالون في بيتي مع التعاون مع مصممين ازياء اكون انا لهم موزعه من مختلف مناطق المملكه وبنفس الوقت كوافيره خبيرة تجميل لها خبره كبيره وواسعه في هالمجال
استشارتي هل تتوقعون ان راح ينجح مشروعي وانتم وش تفضلون تروحون بيت وحده والى تفضلون صالون على الشارع يكون واضح ومعروف ؟؟

والاهم هل تتوقعون اقدر اطلع تصريح بهالعمل الي عندها اي خلفيه تدلني عليه والى تعرف وحده فاتحه صالون ببيتها بعد ترسلي عنوانها عشان اروح لها واخذ من خبراتها ؟



ارجوكم لا تتاخرون بالردود على والمجال مفتوح لسيدات الاعمال الي تحب تعاوني بالمشروع.
تحياتي للجميع
11-10-1427 هـ, 11:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعلى فكره المشروع في شرق الرياض .
12-10-1427 هـ, 12:00 صباحاً
 
إن شاء الله الخوات يفيدونج لأني بصراحة ما أعرف بهالسوالف
12-10-1427 هـ, 12:05 صباحاً
 
ممكن في البدايه تكون الفكره حلوه لكن مهما كان الموضوع حساس بيتك يعتبر شي خصوصي وماهو حلو كل من هب ودب يخش بيتك لان الناس انوع واعوذ بالله موكلهم امينين
بعدين اكيد عشان تكسبين احترام الي الزبونات يكون لك خصوصية يعني ماهي حلوة تشوف بيتك وتعرفين بيت وزج هذا اذا ماكنت عينه زايغه وعيال و..............
هذا غير العماله لو تتعدو لك وحده منهم تقدر تاخذ من خصوصياتك وغير كذا تفقدين احترامك عندهم ووقت خصوصيتك لأن الوحدة اكيد تبي تنعزل بنفسها وتشتاق لجو العمل هذا غير اسرارك الي الكل بيتكلم فيها

انا افضل اذا كان تبين تفتحين مشغل تفتحينه ويكون لاصق بالبيت بس مايكون خاش فيه يعني الباب يكون ماهو متصل ببابب بيتكم ويكون بعيد ويكون واضح والي يشوفك يقول مستاجرة وغير كذا لا تخلين احد يدخل في بيتك او تعطينه مجال مهما كان انه يعطي نفسه الحق ويجيك اويضايقك خارج اوقات الدوام
هذا الي اذكره واكمل بعدين
12-10-1427 هـ, 12:19 صباحاً
 
الكوافيرة ام عبد الله تستقبل الناس في بيتها وما شاء الله عليها شغلها روعة وغير كذا تستقبل الناس في مشغل متفقة هي معاه والناس تجيها ما شاء الله وعلى فكرة هي سعودية
12-10-1427 هـ, 03:17 صباحاً
 


الساعة الآن 01:09 .