نفاسي .. والخياطة

الله يعينج الغالية
أنا حامل ويكرية بعدني ما أعرف شي

البنفسج
الله يارب يرزقك طفل .. وتتنفسين .. بسسسسس عند أمك << جتها عقده

الحمدلله على سلامتك .. والله يهون علي ولادتي يارب وباقي البنات .......

بالنسبه للخيوط تراها تطيح بدون ماتحسين فيها لانها مصنوعه من بلاستك وتذوب او يمتصها الجسم ويتخييل لك انها ماطاحت حتى مع اللمس ....... لاني مره وانا والد بحدى عيالي صار لي مثلك ولمن رحت للدكتوره وكشفت قالت لي مثل ماقالت لك ........

وبالنسبه للحكه ..يبي لك مرهم مضاد حيوي تحطين عليه ... فيه مرهم زين بس ما اعرف اسمه لكن يسمونه مرهم ابو اسد وهو مضاد حيوي .... زين للجراحات ووحده بوحده اشتريه وحطيه على الجرح ... وان شاء الله مالك الا العافيه ......

وما الومك الولاده بدون وجود احد يقوم فيك مصيبه بس شنسوي ... انا الحين حامل وماعندي احد خواتي بعاد عني ... وامي متوفيه ... الله يعين

ادعيلي بالولاده السهله والخلقه التامه تكفين

السلام
انا مابعد جربت الولاده لكن اللي اعرفه ان الوحده منا تشرب حلبه بالحليب والقهوه والاكل كله لمدة عشر ايام عشان الرحم ينظف مع غسول المره.وبعدها تترك الحلبه وتبدأ بالمردود اللي هو عباره عن اللهوم او اي مسحوق يشد الجسم على حسب المتوفر عندكم.واما بالنسبه للحكه والشد اللي تحسين فيها على ماعتقد انه شئ طبيعي لانه يدل ان الخياطه اوكيه وبادية تشد المنطقه صح.(سمعت كثير يشكون منها)) لكن طبيعي جدا.ولازم ماتجلسين وحدك كثير لازم لازم يجي عندك احد لو الشغالة لان النافس تحس بوحده بعد الولاده.والله يوفقك

الملحة ..
الخيوط موجوده .. ألمسها والله .. لكن ماتعور الحمدالله
والمرهم أبو أسد استخدمته أول اسبوع .. وفعلا تماااام .. لأن الخيوط في البداية كانت متنفخة وتعور حيل .. وكلها كم يوم والحمدالله هدأت ..

يارب يهون عليك .. ويسهل ولادتك .. ويرزقك الطفل الصحيح المعافى خلقا وخلقا
ويارب نفاسك يكون مريح وناجح حتى لو لوحدك