الي موظفة او غنية تدخل بشرط تكون زوجة؟

لاتخافين يالغلا ماراح يعرس عليك علشان حفنة المال
الرجل الحقيقي هو من يكف يده عن مال زوجتة ويعف نفسة
ويكرمها
ويكرم زوجتة ويصرف عليها حتى لو هي اعطتة رجولتة تمنعة من
الاخذ

حسب شخصية الرجال
عن عدة تجارب شخصيه

اختي الحياة الزوجية تعاون يعني مو كل كلمة والثانية فلوسي وفلوسك
وبعدين الزوج اللي من اصل طيب مستحيل يرفع ايده عن مصاريف زوجته
والزوجة الموظفه موكل شوي بتطلب من زوجها فلوس يعني احيانا بتدبر عمره من فلوسه من غير ما تقوله
خاصة في الاشياء اللي ما يقتنعون فيها الرجال ويحسونها خرابيط

تدرين التجارب تختلف يعني من قصة وحالة إلى أخرى
المهم حتى وانتي تشتغلين لازم تحسسين الزوج بحاجتك له
مره يدفع مره تاخذين فلوس من محفظته قدامه وبالمقابل تشاركين
معاه في مصروفات البيت واذا لا سمح الله عندكم دين لازم تتفقوا كيفية التسديد عنه
بالنسبة لي اهم شعار في راتبي لا قرض من البنك ولا شراء اي شي بالاقساط يعني الاقساط وتسديدها
من حسابه وانا مش مشكلة جمعية او مصاريف من وقت لاخر
بالنهاية هذه كلها تصاريف في الحياة وكلاً يختار الي يناسبة وساعات نتظطر نغير وهذا هو الحال

ياحبيبتي يختلف من رجل ورجل اخر
طبعاً مب كل الرجال نفس الشئ ولا حتى كل النساء نفس الشئ

في من الرجال إلي حريمهم يشتغلون لكن اهمه إلي يدفعون كل مصاريف البيت ومصاريف الاطفال ومصاريف زوجته ويعطيها مصروفها الخاص بالرغم من إنها تشتغل
وفي من الرجال إلي إذا حريمهم يشتغلون يشيلوون يدهم من مصرف الزوجه يعني يصرفون على البيت وعلى الاطفال بسسسسس ما يصرفون على الزوجه لانها خلاص تشتغل وشايله نفسها
وفي من الرجال إلي إذا حريمهم يشتغلون يشرطون عليهم إنهم يدفعون النص بالنص من مصرف البيت والاطفال وكل شي

وانه عندي الرجال مثل ورقه يانصيب يا تصيبن او تخيبين بالاختيار :D