أختي زينب نعم هي الجبنه البيضاء العاديه ياللي بتعمليها بالبيت بس قبل التمليح و بتبشريها و بتفركي معها شوية قشطه و أول ما تطلعيها من الفرن كوني غاليه ماء في طنجرة غميقة و حطي السدر عليه لمدة 5 دقائق و هيك بتسير طرية و ممتازة و إذا بتحبي حطي شوية جبنه حلوم معها بس بعد ما تنقعيها ) إذا إنت في أوتاوا أنا بحكيلك من وين تجيبي الحلوم) أو شوية موزاريلا و صحة و هنا إن شاء الله .
بعدين نسيت أحكيلك إنو الكنافة بتعتمد كمان على نوع السمنه ياللي بتستخدميه أحسن نوع كريسكو .و إذا بدك الطريقة ياللي أنا بعملها و بتعجب الكل إحكيلي و أنا حاضرة و تكرم عيونك .
اهلا lolita2
ولا يهمك انت تؤمري جبنة بيضاء رائعة وسريعة (دعاية ) أنا حاضرة .

اختي وحيدة في الغربة كل وصفات الكنافة ما بلاقيها مثل الجاهزة ما بعرف ليش الجاهزة لما
تقطعي منها الجبنة مثل المطاط .شفت جبنة البيتزا كيف بتسيح هي تقريبا مثلها لكن
اجمد قليلا .خلص هلا بنتظر طريقتك وان شاء الله اعملها على طول لاني مجهزة
كل شيء ,بارك الله فيك .

سابقـــــا :islamya

اإذا بتحبي تعمليها ناعمه :
بتجيبي الشعريه الخاصه بالكنافه و بتحطيها بالخلاط حتى تنعم
بعدين بتجيبي سمنه كريسكو أو الغزال و بتسيحيها و بتحطي معها صبغة لون برتقالي شويه مش كتير لإنها بتصبغ منيح و بتحطي الصينيه على النار مش في الفرن و بعدين بتحطي عليها الشعيريه و بتسيري تفركي فيها بالسمنه حتى تتحمص و تشرب كل السمنه و بعدين بتفرديها منيحو بتساوي سطحها و بعدين بتجيبي الجبنهالمبروشه الحلوة و بتفركيه بشوية قشطه يعني قدر ملعقتين و بتحطي شويه فانيلا و بترشي الجبنه فوق الشعيريه و بتساوي سطحها و بتدخليا الفرن لحد ما تسيح الجبنه و بعدين بتطلعيها من الفرن و بتقلبيها على سدر التقديم و بعدين نتكوني غاليه مي في طنجره و بتخليها على النار و بتحطي فوقها سدر التقديم و بتخليها لمدة 4-5 دقائق وبتلفي السدر فوق الماء كل شوي و بتصبي القطر و الفستق الحلبى و الصنوبر و بتقطعيها و بتقدميها فورا و 100 صحة و هنا
, و إذا بدك إياها خشنه لا تفرمي الشعيريه كتير بس تكسير و الباقي نفس الخطوات و إذا عندك أي سؤال خبيرني و هي عم بستناك على الخط و خبيريني شو بيسير معك و إذا بتعجبك إحكيلي و إن شاء الله إنها بتزبط معك لأأني أنا مجربتها أكتر من مره و صحتيين
أه نسيت و إذا بتحبي أخلطي مع الجبنه البيضاء شويه جبنة حلوم مبروشه و منقوعه بالمي حتى تخرج الملوحة منها و ممكن تحطي موزاريلا تبعة البيتزا بس الحلوم أطيب بكتير
و صحتين


الساعة الآن 09:08 .