Analysis Services
أه حطيتي ايدك عالجرح انا من اول دفعه تخرج وحياتك انواع التنطيط من وظيفه لوظيفه بس انا ماجلست بس عالشهاده دخلت دورات تدعمني لما اقدم طلب وظيفه بس للأسف بالبيت لين الحين والله يعين انشاء الله ويرزقك ولايحرمنا
24-10-1427 هـ, 10:00 مساءً
 
الله المستعان ...

طلعنا كلنا بالهوا سوا .. انا لي 7 سنوات من تخرجت وللحين بدون وظيفه حكوميه ولا خاصه .. اخذت دورات حاسب ودبلوم عالي ادارة تعليميه واللي طلع هو كمان ماهو من ضمن قائمة المعترف فيهم
... لكن مو هذا اللي يهمني


اللي قاهرني ان مافي اعتراف بتخصصنا في ديوان الخدمة المدنية ولا لنا مسمى وظيفي ابدا
ورغم كل المحاولات اللي عملتها للوصول لوزير الخدمه المدنيه ..لكن للاسف ماقدرت اوصل له

الحين اللي رفع ضغطي انه تعينوا بنتين تخصص اسكان العام الماضي في التدريس وشفت اساميهم في الجريده بصدفه وانا اعمل بحث عن قسم اسكان وادارة ؟؟

وهذا ينفي الكلام اللي اكدوه لي بانه لايوجد مسمى وظيفي لاسكان وادارة منزل وانه قسم غير تربوي

هل البنتين يملكون واسطه خلتهم ينفذون من مقص الرقيب ويدخلون مسيرات وظيفيه بدون مسأله ولا ايش الموضوع

ودي ارفع الموضوع لصحافه ومنها لحقوق الانسان .. اكدوا لنا في الجامعه اننا مؤهلات تربوين لتدريس وفرشوا لنا الطريق ورود ويوم درسنا ودراسة مدتها خمس سنوات .. نطلع بدون اعتراف وبدون امل

والله اني لارحت الديوان اقدم وتسال عن التخصص من اقول اسكان وادارة منزل تقول لا مافي وظايف لكم والمدارس الخاصه تكرر عليك السؤال كم مره عشان تستوعب اسم التخصص واخرتها تقولك لا مو مطلوب وهي تلف ظهرها

معقول خمس سنوات دراسه وعمر تروح هباء

بنات نبي نتكاتف ونرفع موضوع لجهات المختصه بس ابي اكبر عدد من البنات

بليز خلنا يد واحده ونحرك موضوعنا ونطلعه لراي العام ولو وصلت لحقوق الانسان ماعندنا مانع

انتظر تفاعل اكثر وعدد اكبر
26-10-1427 هـ, 09:04 صباحاً
 
..
27-10-1427 هـ, 06:06 صباحاً
 
الللللللللللللللللللله المستعان جت عليكم ترفعون قضيه مهو كل التخصصات مالها وظايف

طال عمرهم مالنا مكان عندهم

انا اول وحده برفع قضيه انا تخصصي تغذيه وعلوم اطعمه من كليه الاقتصاد مالت عليهم وعلى كلياتهم وتدريسهم
27-10-1427 هـ, 10:33 صباحاً
 
الله المستعان انتظر تفاعل اكثر وعدد اكبر
27-10-1427 هـ, 08:42 مساءً
 


الساعة الآن 09:16 .