ورده الحزينه

المساله مو مافي وظايف .. احنا مو معترف بتخصصنا في الديوان


يعني هناك فرق


لو معترفين فيني ومافي وظايف بسكت وبقول رزق لكن التهميش واخراج مخرجات تعليمية مالها مكان للعمل .. هذا الظلم والقهر

وخصوصا لمن ياكدون لك ان هناك مستقبل زاهر ينتظرك ... وانتي بسن ووقت كنتي تجهلين فيه وشو معنى ديوان ومسمى وظيفي وتهميش لمخرجات تعليمية

ويوم تستوعبين الحقيقه تلقين العمر فات ولا في مين يدري عنك ولا احد يبي يسمع صوتك ..

عشان كذا نبي نتحرك ونحرك موضوعنا لعل يعاد النظر فيه .. ان مو عشاننا عشان الخريجات الجدد


الله يسهل امرنا ويرزقنا الحلال الطيب
27-10-1427 هـ, 10:35 مساءً
 
أخواتي الكريماااات ..

تعالوا نفكر تفكير آخر ... لأن التفكير الأول مانفع ولا جاب لنا وظايف ولا فلوووس

طيب ...

تخيلي أختي أنك تعمقت في فهم ودراسة تخصصك هذا ... وبدأت تدرسين ولو على حسابك في هالتخصص ... وأنتم تعرفون أننااا الآن في وقت التخصص .. وإلا الكلام العام ماينفع

وبعد هذا بدأتوا تضعون دورات لتعليم الناس إدارة المنزل أو......

والله أتوقع بينفتح لكم أبواب رزق أزين من التشكي وتضييع الوقت والعمر في لاشئ ...

أختي وردة الحزينة ... مع إني ما أحب هذه الأسماء

أختي ورده ...

الآن الناس بدأوااا يبحثون عن الشخص الأمين على طعامهم ... وهاهي القنوات تستضيف كثيرررررررر منهم من أجل أن يعطوااا الناس التعامل الصحيح مع الأكل والشرب والعادات الصحيحة والعلاج و................ وأظن أن أنسب إنسااان لمثل هذه الأمووور هو أنت ...
أرجوك أعيدي - فقط -التفكير .... وفقك الله
27-10-1427 هـ, 11:44 مساءً
 


... سماوي ...

حسيت وانا اقرا كلامك بروح معنوية عاليه .. وبهدوء ومستقبل زاهر ..

وعجبني ردك المليئ بالامل والحياه ... لكن الواقع كان اقوى من ان استمتع بكلامك واتجاوب معه .


فانا تخرجت من قسم لايعترف به وليس هو في اهتمام ديوان الخدمه .. زعلت وحاولت وبعدين قلت لازم اعيد ترتيب اوراقي واعلم نفسي بنفسي واوصل للي ابيه ..


اخذت دبلوم حاسب الي .. لعل اجد وظيفه لكن كانت الافضليه للقبول للمحسوبيه رغم وجود شاغر .. قلت مو مشكله خلني ادرس دراسات عليا واكمل دراسه .. ودخلت دبلوم عالي على حسابي الخاص وبتاكيد من جامعة الملك عبدالعزيز بانه سنكمل رسالة الماجستير واللي هي تفصلنا عن الحصول على الشهاده مجانا .. قلنا لو بفلوس مو مشكل

خلصنا الدبلوم العالي وتبرأت الجامعه مننا .. ولا اعترف الديوان بدبلومنا .. وطار علينا الماجستير ولا في جامعه معترف فيه عن بعد عشان نكمل دراستنا خصوصا ان السفر لوضعي شخصيا صعب .

هذا كله مو ظلم وقهر ... يوم اقدم جامعه بالمملكه .. تتعامل مع طالبتها بهذي الطريقه ويكون هدفها الكسب المادي وبس .. ولا في اعتبار للخريجات


طيب اذا سكت انا .. واللي مثل حالتي .. والكثير غيرنا ... وش اللي بيصير ..؟؟..

بتسير الجامعه على نفس النظام ولربما كان هناك ظلم اكبر .. عشان كذا لابد من المواجهه الهادفه


ولو قريت بردي السابق .. ان نتيجة هالموضوع مو لي شخصيا ولا للخريجات القديمات امثالي .. لكن لدفعات الجديده لهذا القسم ولكل قسم يتم تهميشه وظلمه او يكون الهدف منه الكسب المادي



... اتمنى ان تكون اطالتي وضحت المقصود من ورا موضوعي ...


28-10-1427 هـ, 08:11 صباحاً
 
اخوي سماوي كلامك صحيح ميه بالميه انا فعلا طورت نفسي واعمل الان اخصائيه تغذيه بمركز مشهور بالرياض ولكن المنافس لنا اجنبيي والراتب مايكفي عيش وعدم الاستقرار الوظيفي بالقطاع الخاص يخلي الواحد يمل ويطفش
28-10-1427 هـ, 02:10 مساءً
 
ورده حزينه تبي وظفيه وآمان وظيفي ..

وانا ابي العدل وعدم الجور على تخصصات كانت الجامعه تجذب الطالبات لها وبالاخير ..ما اعترفت بوجودها ...
29-10-1427 هـ, 04:44 مساءً
 


الساعة الآن 09:57 .