اهلين
اخباركم
حبيت اكتب الموضوع هذا عشان نفيد بعض بالاكلات اللي نعطيها لعيالنا
كل وحده ياليت تقول عمر بنتها او ولدها وتعلمنا وش تعطيها من الاكلات ووشي الاكلات اللي تحس انها تفيد وتمتن
ووشي الاكلات اللي مايحبها طفلها
عموما ببدا بنفسي


عمر بنتي سنه وشهرين تقريبا

عدد الرضعات : اعطيها باليوم 3 رضعات تقريبا
استخدم حليب نيدو بالعسل
مااحاول اكقر عدد الرضعات عشان يكون لها شهيه بالاكل

اذا قامت الصباح افطرها
احيانا اعطيها زبادي
او توست بجبن صب عليه شاهي<<<على حسب المزاج احيانا ماتبيه
واحيانا بيض مسلوق
والظهر اعطيها رضعه



واذا جاء وقت الغداء اغديها
احيانا شوربه كويكر
او شوربه جريش
او رز مو شوربه
او جريش
او سليق
او شوربه مع مكرونه مع شوي رز اخلطهم مع بعض


واذا جاء العصر اعطيها عصير او رضعه


واذا جاء العشاء اعشيها اي نوع من نفس الاصناف حقت الغداء اللي ذكرتها فوق


وقبل وقت النوم اعطيها رضعه وفي الليل اذا نامت مااعطيها رضعه ابد الى لين تقوم من بكره
اذا صحت من النوم وبكت تبي رضعه اعطيها رضعه فيها مويه وبس مااعطيها حليب


بالنسبه للاشياء اللي اشتريها لها من السوبر ماركت
اشتري لها دانينوا بالفراوله زي الزبادي بس صغير
امس انا في السوبر ماركت شفت حليب بالفراوله من نادك شريته لها بس لسى ماجربته افكر اعطيه اياها في العصر بس عساها تتقبله لان مزاجها صعب مو اي شي تحبه

السيريلاك ماتفكر تذوقه ماتحبه ماادري ليش
المهلبيه كانت تحبها بس مدري وش جاها ماعاد تحب تاكلها
وكريم الكراميل نفس الشي ماتحبه
بسكوت الاطفال الخاص اللي مع الشاي او الحليب ماتحبه<<<مغلبتني مو كل شي يعجبها

تموووووووووووووت بالبفك عرفتوه هذا البطاطس اللي اسمه فش فاش او بفك بس انا مااحب اخليها تاكله احسه مضر مره

ماتحب الشوكولاته
احيانا تحب الموز واحيانا لا <<<مزاجها يجيب الهم
تحب عصير البرتقال



وهذا اللي جاء ببالي
يالله عاد دوركم علمونا وش نظم عيالكم مثل مافصلت لكم
وياليت تعلموني الاشياء اللي تمتن وتقوي مو شرط تكون دبه بس ابيها قويه

بنتي عمرها سنه و 14 يوم
احاول كثر ما اقدر إني ما اكثر الحليب عندها وخاصه بالليل
اعطيها بس رضعه وحده وساعات ما اعطيها الحمد الله


والاكلات إلي اعطيها

الفطور :

افوح لها كوسه وبطاطس واهرسها لها واعطيها إياه
او
جزر وكوسه ونفس الطريقة
او
بيض


الغذاء :

اهرس لها بطاطس ورز ودجاج او لحم وكوسه واهرسه لها واعطيها
او افوح لها خضره بس واعطيها


العشه

اهرس لها خضره مع إي نوع من البروتينات



وبين الوجبات اعطيها فواكه
اعطيها قطعه تفاح او جزر واعطيها بإيدها واخليها تتعلم تاكل بنفسها بس طبعاً انه جالسه معاها علشان ما تغص فيه
او اعطيها دانينو إلي مثل الزبادي
و اعطيها كل يوم وجبه من السيريلاك على الساعه 3 العصر يعني بين وجبه الغذاء و وجبه العشاء
انا بنتي عمرها سنه ونص
تجيها حالات ترفض الاكل ..حسب المزاج يعني المزاج حاله مشتركة بين الاطفال
بس انا حبيت اقولك اشياء ان شاء الله تفيدك
1- مثل ماقالت درة عوديها تاكل بنفسها مثل انك تعطيها شي بيدها او اجيب لها صحون ملونه واقطع اللقمة واغرسها بالشوكة(شوكة اطفال) واناولها لها بتتشجع تاكل

2- حلو لو تشرب بالكوب بنفسها ابو مزاز عشان ما تتوسخ ملابسها لو كان كوب عادي

3-حاولي انها تاكل من اكلكم اليومي عشان تتعود الطعم لانه بعد السنه مافيه ضرر من اي اكل حتى الاكلات مثل البيض

4- عوديها تمضغ!! لانه فيه اطفال يتعودوا على البلع زي الاكل المهروس ولا عاد يعرفوا المضغ حتى لو كبروا!!!
مرحبا

انا بنتي عمرها تقريبا سنه وخمس شهور
وعادي اكلها من اكلنا وهي عمرها 9 شهور

يعني الصباح
ساندويش جبنه كاسات او كيري او مثلثات
كورن فيلكس
او اي نوع من انواعه
احيانا بيض بس مو كل مره تتقبله

الغدا
من الغدا اللي احنا ناكله
يعني مكرونه بالباشميل
رز وملوخيه او اي نوع من انواع المرق
شوربه
فطاير سبانخ او جبنه

العصر
اما موز
او اللبن الزبادي اللي بالفواكه
جلي او كاسترد او مهلبيه
العشاء
تحب الاندومي احيانا اعمله لها
واحيانا اعمل لها ساندويش
مع حليب الصافي
لاني فطمتها من الرضاعه


سلاااااااااااااام
بنتي عمرها سنه و3 شهور
اذا صحت عطيتها حليبها ((ماتروق الين تشربه هههههه))
وبعدين بعدها بشوي
اعطيها يا كورن فلكس
او بيض (مسلوق او مقلي عادي او توست مغمس ببيض- او بيض بطماطم وخضار)
او ساندوتش جبن وسلطة فواكه
او اذا صحينا كلنا سوى تفطر معانا
ومع اي وجبه من هذول زبادي فواكه ...كل يوم نكهه تحبه مره

والغداء
تاكل معنا (رز-خضار-مكرونه-سلطات-شوربات----الخ)
واحيانا ازيد لها شي يناسبها اذا صار الاكل دسم بزياده ولا فاست فود مافيه فايده

والعشا
تاكل معانا بعد
ولا اسويلها اكله خفيفه
او عصير فواكه طازج ثقيل

وبين الوجبات اذا صار ما ناكل الا وجبتين في اليوم
اعطيها مووز -كيك خفيف او
اعطيها بسكوت خاص للاطفال
زي هذا (تعرفونه كلكم)

او

او


وماشاءالله عليها بنتي اخاف عليها احيانا
شهيتها مفتوحه هههههه
ما اعطيها شي وترفضه ((اللهم لك الحمدل والشكر صحتها زينه))

اللهم اني احمد واشكرك -- اللهم احفظ لي بنتي واحفظ لك ام عيالها --
آآآآآآآآآآآآآآآآآآآآآآمين


الساعة الآن 11:56 .