موفقه اختي الكريمة
أنا آسفة يابنات تراني ما دخلت على النت إلا اليوم وعلى العموم البنات اللي أرسلوا لي المعلومات رايحة أرسلهم الكاتالوج الإلكتروني الأول خلال الأسبوع الجاي وبعض التعليمات

بالنسبة لبنات الرياض رايحة أرسلهم الكاتالوج والتعليمات وموعد الإجتماع الأول للتعارف ومناقشة طريقة العمل
أما بالنسبة للبنات خارج الرياض رايحين نتقابل على الماسنجر واللي تحب من بنات الرياض إننا نتقابل على الماسنجر كلنا مو مشكلة المهم نحقق الهدف إللي إجتمعنا على شانه ونقول للأجانب

SAUDI GIRLES ARE COMMING


بنات السعودية قادمات
بنات في وحده سألتني أسئلة ذكية وأنا جاوبت عليها ياليت تتطلعون عليها قبل ما نبدا

الأسئلة كانت

اختي انا قريت موضوعك عن فرصة العمر وعندي كذا استفسار
انتي تقولين يوميتك 150 ريال على اي اساس راح تكون يوميتي كذا
يعني هل انا اساعدك بعرض المنتجات على الناس
وانتي راح تعطيني يوميه ولا بالشهر
وهل انا اكون مشتركه بنفس الشركه ولا راح اكون تحت عضويتك
واذا انا بغيت اشتري من الشركه راح اشتري كزبونه ولا كعضوه[/quote]

ردي على الأسئلة
حبيبتي بالتسويق مافيه شي يقول إنك رايحة تعرضين المنتجات وتأخذين على عرضك يومية أو فلوس أنا قصدي باليومية إنك تحسبين لو كل يوم جنيتي بتعبك وبمجهودك 150 ريال رايحة تلاقين نفسك حصلتي على 4500ريال بالشهر
بالنسبة لسؤالك إنك تكونين مشتركة ولا لا أقولك إنه بما إني ماضميتك لمجوعتي بعضوية لأنك ما دفعتي الرسوم فأنا رايحة أعطيكي نص نسبتي يعني خلينا نحسبها سوا على كل 1000 ريال كطلبية مكسبي فيها رايح يكون 300 ريال أنا قسمت الـ300 بيني وبينيك يعني عطيتك نص نسبتي وقلت لك جربي حظك وأربحي بدون ماتدفعين أي رسوم وتمشين على تعليماتي وإذا واجهتك مشكلة ترجعين لي إللين توصلين لنهاية الشهر تشوفين أرباحك هل تسوى إنك تدخلين مجال التسويق ولا فعلاً إنتي ماتحبين تسوقين ماهي من ميولك فنكون إثنينا كسبانين إنتي كسبتي مهنة حلوة وأنا كسبت عضوة نشيطة وش رايك مو هذا العدل

نجي لآخر سؤال وهو لمن تشترين مني رايحة تشتري كنص عضوة اللين تشتركين في الشركة فتصيرين عضوة كاملة

ها وش رايك فكري وإذا قررتي تنظمين لي إرسلي لي معلوماتك

وإذا قررتي ماتنظمين إنتي براحتك وأشكرك على أسئلتك الذكية

على فكرة أنا كنت أدرس التسويق فعارفة كل شي عنه وأي إستفسار أنا حاظر
مع اني احس ان سالفة الكاتلوج ماتمشي .. يعني الوحده تبغى البضاعه تكون قدامها عشان تشتري على طول ..موتستنى الطلبيه لين توصل ويمكن تهون واقعدبها انا .......... بس ان شاءالله بمساعدك وارشاداتك يمكن اقدر امشي فيهالمجال وبالتوفيق للجميع
مع اني احس ان سالفة الكاتلوج ماتمشي .. يعني الوحده تبغى البضاعه تكون قدامها عشان تشتري على طول ..موتستنى الطلبيه لين توصل ويمكن تهون واقعدبها انا .......... بس ان شاءالله بمساعدك وارشاداتك يمكن اقدر امشي فيهالمجال وبالتوفيق للجميع


الساعة الآن 06:01 .