السلام عليكم ... مثل ماهو مبين من العنوان ... بفتح صالون يديد وابي مساعدتكم بالأفكار ...
بحكيلكم كل شي بالتفصيل ... عاد اتحملوني

أول شي الحمدلله افتكيت من إيجار المحل لأني خذته من أبوي ربي يخليه ويطول بعمره ... واخوي وخالي قاعدين يساعدوني بس قالولي شاوري البنات في المنتدى لأنهم أدرى بشغلات الحريم والتسويق وبالذات باللي يخص الصالونات ويمكن في منهم اللي عندها صالون ...

أول شي اقترحه أخوي ويابلي مصمم فلبيني تحفه اهو الديكور ... أغلب اذا مب كل الصالونات اللي عندنا ديكوراتها مو شي أو مستواها عادي ... قالولي حتى لو صالونج صغير اهتمي بديكوره لأنه المظهر الخارجي وايد يجذب ... خلصنا من الديكور واللي عنده اضافات لايبخل عليه ..

ثاني شي تجهيز الصالون من كل شي انا بصراحه مادري كم يكلف بس اخوي قالي بيتكفل فيها بس بعد مابي أخسره وايد ... لقيت شركه قالولي بنعطيج كتالوجات وقارنيها بشركه ثانيه معروفه اللي هي شركة نزيه ... اذا عيبتج الأسعار خذي يعني يقولون نحن واثقين أنه أسعارنا أقل ... بس واحد عندي بالدوام قالي ليش تخسرين عمرج عند هالشركات ... نصحني أروح سوق التنين ( الصيني ) قالي روحي لمحلات تجهيز الصالونات وهم بييبولج كل شي بسعر أقل بوايد من سعر هالشركات... بس انا خايفه انه جودتهم تكون أقل هو قالي نفس الشي وهم اللي هم الشركات يعني اييبون من الصين وايد ... مادري انتوا شتقولون ؟؟؟

وبعدين شو الأشياء اللي بحتاجها للصالون لأنه يمكن أطلب من شركه واييبولي اشياء ماراح أحتاجها ... شو الأغراض اللي بحتاجها كل شي كل شي ياليت تساعدوني ... ويكون لكم شاكره

الحين يينا لنقطه مهمه ... الاعلان والتسويق ... ولا مره شفت صالون فتح عندنا وسوا اعلان حتى أحيانا تفاجأ بوجود صالونات ماكنت أدري عنها .. انا قلت أبدا التسويق قبل لا افتح الصالون عشان اخاف اذا فتحته ومحد درا عنه ايييني احباط لأنه محد بيدخله الا بالصدفه ... قلت أطبع إعلان وأوزعه مع الجرايد ... واسوي كروت دعوه للافتتاح وأوزعها واسوي عروض في يوم الافتتاح وممكن أخليها اسبوع يعني اسوي كذا شغله ب100 أو اللي يسوي شغله ايي معاها شي مجاني ... ويوم الافتتاح اسوي بارتي صغيرون ... واتم أجدد وانوع بهالعروض عشان الحريم يستانسن ... وبعد أسوي خدمة الشغل في البيت يعني اللي ماتحب اتي الصالون ممكن تحجز والعامله تروح لها البيت ... والا شرايكم واذا عندك أفكار أفيدوني ...

شو بعد قلت بما أنه المحل بيكون مبدئيا صغير ( لأنني ناويه آخذ محل ثاني يمه بس لين مايطلع المؤجر منه واضمه للصالون ) المهم قلت بييب عاملتين بس ماعرف شو جنسياتهم انتوا بشو تنصحوني ... وكيف أعرف أنه هذول يعرفن للشغل لأنني بصراحه أبي بنات يعرفن يشتغلن عدل يعني أهم شي عندي واللي بهتم فيه نوعية الشغل في المحل عشان يكون ثقه عند الناس مب اي شي الكل يطلع يذم ... قولولي شو الجنسيات وشو ممكن يسون ... بالنسبه للحنا انا أعرف أحني وبتعاقد مع بنات اين عندي الصلون اذا حد حاجز حق حنا ايحنن والأجر بيكون بالنسبه ... وبعد بالنسبه للمكياج انا الحمدلله يقولون شاطره في المكياج وان شاء الله ناويه أصقل موهبتي ( حلوه هالجمله مادري من وين طلعت ههه) ... بس انا قلت عشان الصالون يكون معروف وثقه بعد بتعاقد مع وحده معروفه تمكيج عندي بالحجز طبعا ونفس الشي الأجر بالنسبه ... هالشي ليش عشان نحن ماعندنا حد يمكيج عدل ودوم نضطر نروح دبي عشان المكياج والناس يخافون يسوون عند وحده مايعرفونها عاد انا قلت اذا دروا انه وحده معروفه تمكيج بهالصالون اكيد بيحجزن لأنه أقرب لهم ... يعني الحنا والمكياج موضوعه سهل بالنسبه للي بيشتغلن بس الأشياء الثانيه من الباديكير لين التسريحات والقص بشو تنصحوني واذا كلامي فيه غلط نبهوني ...

طبعا ان شاء الله اذا اتوسعت بالصالون عندي أفكار ثانيه بفصح عنها لاحقا >> عجيبه في الكلام آنا هههه ... بس ادعولي اني اتوفق في هالشغله ,,,

الحين شي ثاني بالنسبه لاسم الصالون شو رايكم أحطله اسم أجنبي والا خليجي ... انا قلت الأجنبي أرقى ويجذب الفئة البرستيج ( الخقاقه وسوري ما اقصد حد بس اشوف بنت خالي تتخبل على اي صالون اسمه أجنبي والا تشتغل فيه روسيه مادري ليش هههههه ) شرايكم يا بنات ؟؟؟

ادري طولت عليكم وايد وحد منكم بيمل بس مالي غيركم >> تكسر الخاطر

في انتظاركم والله يجزيها كل خير اللي ترد عليه لو بكلمه
27-10-1427 هـ, 12:21 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالتوفيق ان شاء الله
27-10-1427 هـ, 02:44 صباحاً
 
مشاء الله هذا اول شي
السلام عليكم ورحمة الله وبركاته
بصراحة اسلووووووووبك حلوة مرررررررة وانا انبسطة منه يعني ضحكتيني
وبعدين ياعزيزتي انت اسم على مسمى الوزيرة كلامك منطقي كل الي قلته مطلوب لنجاح المشروع
بنسبة للقص والتنظيف انصحك بالجنسية الاندنوسية او الفلبنية
مع تمنياتي لك بالتوفيق والنجاح
27-10-1427 هـ, 03:50 صباحاً
 
معليش
انا آســـــــــــــــــــــــــــــــــــــفة
بس ماهو مني من اسلوووووبك الي يجنن يااااااااا قلب طفلة
ووووزيرة لها الف تحية واحترام
27-10-1427 هـ, 03:56 صباحاً
 
اقتباس مشاركة  (وزيره)
بالتوفيق ان شاء الله

للجميع حبيبتي
27-10-1427 هـ, 04:05 صباحاً
 


الساعة الآن 07:32 .