خبيرات سوق الملابس بالرياض يتفضلن ...........ضروري

اقول إذا تبين ملابس للبيت بجايم وحركات مالك إلا الهرم وخلي عنك الرياض مول وغيره تراهم نصابين
وحده تحلفلي بالله انها شايفه فستان بناتي في الهرم بـ 40 ريال .. وبعدها بفتره شافته هو نفسه بالرياض مول بـ 140ريال شفتو كيف يحتالون علينا لا وقالت للبايع انها شايفته ب40 في مكان ثاني
قال لها وين بالهرم ؟؟؟؟؟؟؟؟؟؟ يعني ان بضاعت الرم وبضاعتهم نفس المصدر

مشكوره اختي الورده وياجعل ايامك مورده على طول
انا كنت اروح للهرم بس اجيب للبزران بجايم بس ما اتذكر اني شريت لي منه غير الروب للحمام
ويمن كم قطعة قميص كانت حلوه وناعمه بس من زمان
بس الرياض انا تعجبني التنانير والبلايز فيه روعه شريت تنورتين من ثلاث سنين كانها جديده
خامتها مره طيبه .غسل ولبس وموديلها ناعم .
وفيها محل اسمه فور يو تو.رررروعه ملابسه حق بجايم شريت من عندهم بس اسعارهم شوي
وكانت خامتهم مره زينه.تصدقين توني تذكرته شكلي بروح له.
بس وين باقي البنيات انتظرهم.

اذا تبغين لبس شتوي للبيت من بجايم وقمصان ما لك الا الهرم شي حلو ورخيص
اول كنت ماخذه عنه فكره انه للي على قد حالهم ,,,,,,,,,,,,,
رحت له الخميس الي فات عندهم اشياء روعه اخذت لعيالي ترنقات وبجايم حتى بدل الطلعه للصغار لقيت عندهم ورخيييييييييصه ,,,,,,,,,,,,,,, لاقينا هالاسواق يلعبون علينا البجايم ما يبيعونها باقل من سبعين وفي الهرم تلقين نفس الخامه ب29
اخذت لي بجايم للبيت بس الصراحه لبس للطلعه ما دورت عندهم ما ادري اذا فيه شي حلو والا لا

ايوالله الهرم
والسدحان حق الملابس :)

يعطيك العافيه ياسادنة القمر .واذ جتني فرصه بحاول اروح.
والف شكر يااختصار الطفوله.بس حبيت اسئل من منكم قد راحت لمبارك .اللي قبالة مستشفي المواساه
مدري اشوف اعلانه في المجد وكثير امر من عنده بس لسى ما جربتهم مدري خامتهم زينه.
الله يعطيها العافيه اللي تقولي اذا زين ولا لا.