السلام عليكم ورحمة الله وبركاته...

بنات عندي مقابلة شخصية في البنك البريطاني... والله يتمم لي على خير

مين عندها خلفية ايش ممكن يسألوني في المقابلة؟؟؟؟

واللي وسوت انترفيو معاهم او اي بنك تقولي ايش سألوها... تكفوووووووون يابنات لأن مخفي مقفلللللللللللللل ونسيت كل هالسوالف يعني لوجاني ابسط سؤال بنلخم واتنح لذا لازم استعد من قبل...

والله يوفقكم جميعاً ويرزقك كل وحده منكم بالوظيفة اللي تتمنى

بليز لاتتأخرون علي مقابلتي بكرة او بعده بيحددون لي اليوم
هل قصدج HSBC BANK ؟؟؟؟؟؟؟؟

لاني من فترة سويت معاهم مقابلة و امتحان بعد و نجحت و وقعت عقد العمل و لكن 4 ايام قبل التحاقي بعمل وجدت وظيفة احسن

على العموم اذا نظام عندكم نفس نظامنا في امارات بخبرج المراحل:

اول شيء تصلوا في لمقابلة الشخصية و اسئلتهم عامة عسب يبون يختبرون اللغة مثلاً يسالونج اتكلمي عن نفسج و مراحل تعليمج و شو فكرتج عن البنوك و اذا كنتي تشتغلين قبل طبيعة عملج و ليش تبين تتركين الوظيفة

و اهم شيء تتكلمين باتقان و صوت واضح و حتى لو كنتي مرتبكة لا تبينين

عقب بشهر تصلوا و قالولي امتحان

و كان جداً صعب الرياضيات تقريباً 25 سؤال في عشر دقايق و انجليزي و ذكاء بعد نفس الشيء سؤال و اربعة اجوبة تختارين و كامبيوتر يتسكر عليج في 10 دقايق بالضبط و اذا ودرتي سؤال و سويتي انتر ما في مجال لتراجع

و بعده بكم يوم تصلوا لي و قالولي مبروك نجحتي روحي سوي مقابلة في مقر عملج الرئيسي مع مسئولج المباشر سويت مقابلة و كلمني عن طبيعة عملي و نفس الوقت كان يسألني اسئلة عسب يشوف اللغة

عقب وقعت العقد معاهم على اساس عندي مهلة لمدة شهر لين ما ادوام و خبرتج في البداية سالفتي
شوفي هذا الرابط ان شاء الله يساعدك بالتوفيق
http://forum.hawaaworld.com/showthread.php?t=524305
على حسب ..
اذا كنتي بتتوظفين في البنك .. او في شركة تبع البنك
غالباً في الشركات اللي تعمل لحساب البنك هذي يكونون في قسم الفيزا والقروض ويكونون مندوبين إما تسويق مباشر او تسويق هاتفي .
بس اذا على البنك نفسه وتوقعين عقد مع البريطاني نفسه فأكيد بيتعبونك بالاسئله واهم شي اللغه الانجليزية
لونا: ياقلبي الله يعطيك العافية ويرزقك من وين مارحتي والله يكتب الي فيه الخير

Memee_2004 : مشكوووووووووووورة انقذتيني بالرابط الله يجزاك كل خير

ياسمين: شكرا لك...


ومازلت انتظر المزيدددددددددددددد يلا بنات مابقالي وقتتتتتتتتتت
أكثر شي يهمني أسئلة المقابلة الشخصية سواء عربي او انجلش


الساعة الآن 03:04 .