السلام عليكم عزيزاتي،
الشركةاللي أشتغل معاها على النت عارضة وظيفة جديدة بس لسة ما بدأت توظف ناس عاوزين الأول يعملوا دراسة للسوق عشان تحديد الراتب المناسب لأنها شركة أجنبية و معلوماتهم عن المنطقة العربية محدودة أولا نبدأ بالبلاد المطلوبة من الشرق الأوسط.
1- البحرين
2- الأردن
3- الكويت
4- لبنان
5- قطر
6- السعودية
7- الإمارات
8- اليمن
و يشترط أن يكون المتقدم مقيم في هذه البلاد حاليا و ليس أن يكون مواطناً أو حاصل على الجنسية.

ثانيا: طبيعة الوظيفة:
اختبار إمكانية عمل بعض المواقع و البرامج في بلد الإقامة " يعني مثلا موقع بيظهر بياناته بحروف غريبة أو يكون محجوب" يعني المطلوب هنا انك تعطي فكرة لصاحب الخدمة الأجنبي عن إمكانية الاستفادة من خدماته و تقييم مزودي خدمة الانترنت في البلد. و تقديم تقرير مبسط. طبعا الانجليزية أساسي

ثالثا: الشروط المطلوب توافرها:
1- شهادة في الحاسب الآلي " بدءا من الدبلومات"
2- توفر النت و مش مشترط انه يكون اتصال سريع بس يفضل.
3- توفر تلفزيون! سواء شغال بإريال عادي أو دش لالتقاط المحطات المحلية أساسا.
4- يفضل أن يكون لدى المتقدم خلفية عن تكنولوجيا الهواتف الجوالة.
المطلوب منكم مبدأيا إطلاعي على الراتب اللي شايفينه مناسب لوظيفة زي دي بالساعة (بالدولار) حتى نجمع بيانات كافية للبدء بتحديد الراتب و عدد الساعات المطلوبة و ما إلى ذلك.
نص الإعلان مرفق طبعا خانة الراتب فاضية علشان السبب اللي ذكرته و ان شاء الله اللي حتشارك معايا في الاستفتاء ده يكون ليها في الوظيفة نصيب.
ملحوظة: ليس هناك أي وعود بقبول المشاركين حتى لا يتقال عن الشركة نصابة لمجرد ان المتقدمة لم تقبل أو حدوث تغييرات في المشروع بسبب تغير الظروف لأي سبب. الشركة عالمية مقرها بأيرلندا و لها 25 فرع بمختلف أنحاء العالمhttp://www.lionbridge.com/lionbridge و أنا أشتغل معاهم من شهر مارس و راتبي بيوصلني بانتظام. كمان للي يسألوا اشمعنى الدول العربية فالوظيفة مطلوبة في دول أخرى أجنبية بس أنا هنا ذكرت العربية فقط لأن المنتدى عربي.

عيوني انا اردنيه مقيمه في السعوديه ما ينفع؟
إلا ينفع السعودية من ضمن البلاد المطلوبة، زي ما قلت المعتبر بلد الإقامة و ليس بلد الجنسية لو انتي مقيمة حاليا بأي بلد من البلاد المذكورة أعلاه مهما كانت الجنسية ينفع ان شاء الله.
الله يوفقك يارب ويفسح لك في قبرك
بارك الله فيكي و جزاكي الخير على الدعوة الجميلة.


الساعة الآن 11:33 .