مشكوره حبيبتي عطور وبخور على النصيحه والله يكتبها بميزان حسناتك
الله يوفقك ياجواهر ويرزقك
04-11-1427 هـ, 09:11 مساءً
 
[size="4"][b]جزاكم الله خير خواتي

وكل الموضوع ان الرزق على الله

سواء علمتج او ما علمتج .. بس بعد تبقى بعض الشغلات الصغيرة جدا اسرار للمهنه ..

وكل اللي شكروني ما يحتاج الشكر .. تستاهلون كل خير .. انتو

ورد عليج اختي جواهر ..
[color="black"][color="Red"]عطور وبخور.... جزاك الله خير راح أن شاء الله أستفيد من تجربتك

ان شالله تستفيدين من تجربتي وهذا الشي هو الهدف من ورا كتابتي الموضوع ..
ماقلتي لنا عن أسعار الجمارك من بين الدول والمدن غاليه وكيف أسعارها
الجمارك بين دول الخليج مافيه جمارك اذا كانت الطلبية صغيرة .. ما ياخذون منك جمارك ..
الا اذا زادعن 300 قطعة او شي كذا مو متذكرة .. يعني يبين الكمية للتجارة ..

وطريقة الدفع للتجارعن طريق البنك
طريقة الدفع ..
اذا كنتي تاجرة .. وتبين تبيعين غرض .. ترسل لك الزبونة على حسابك بالبنك او بحوالة شخصية
شالفرق بينهم ؟؟

انا اقول لك بالسعودية ماعندكم شركات صرافة كثير عددها محدود ..
انا اللي اعرفه في صرافة العمودي بجدة .. احول لهم عليها .. اسهل وياخذون رسوم قليلة ..
واذا بيحولون لي بنات جدة بس اقول لهم يحولون لي منه ..
بس باقي المناطق على الحساب بالبنك وهذي الطريقة ماحبها
لان البنك من عندكم ياخذ عمولة وفرق العملة الطيبات ما يحسبونه لان عملة قطر والامارات اكثر ..
وبعد لما توصل بالبنك بحسابي ياخذون مني عمولة ..يعني تروح من فايدتي 100 ريال احيانا ..

فافكر افتح لي حساب بالراجحي يكون التحويل داخلي وماتروح علي المبالغ هذي كل مرة 100 ..
وفيه وحدة ذكرت تجربتها ..
قالت طلبت شي من بنت بالامارات قيمته 85 .. فراحت البنك وارسلت 115 .. عشان الرسوم وكذا ..
توقعو كم وصلها ؟؟؟؟؟؟؟؟؟؟؟؟؟؟

وصلها 5 ريال خمسة ريال بسسسسسسسس
فاسلم طريقة ..
هي الوسترن يونيون اذا ماكان عندكم صرافة .. بس غالية وايد
يعني على كل 100 ياخذو 10 ريال الالف ياخذو عليه 100 .. بس بنفس اللحظة تستلم .. المبلغ
بس لازم الاسم اللي بتحولين عليه يكون بالضبط نفس الهوية او الجواز بالانجليزي
ولا زم .. ترسلين رقم الحوالة الطويل المكون من 10 او 14 رقم للبنت اللي ارسلتي لها الحوالة .. عشان يسلمونها الحوالة ..

والتسليم للزباين>> لأن تجارتي راح تعتمد على النت
انا بعد تجارتي تعتمد على النت ...
فالتسليم بيكون داخل دولتكم بشركات الشحن مثل زاجل وفيدكس وغيرهم او الايليت والامبوست والارامكس بالامارات ..

ويكون بعضها عندهم نظام الدفع عند التسليم ..
اما الخارجي بيكون استلمتي قيمة البضاعة المطلوبة منك وترسلين للبنت بنفس اليوم اللي تستلمين
عشان البنت تكون خايفة لا يكون نصبت علي .. ولا يكون تتاخر انا ابغي الشغلة للمناسبة او للعيد
فتحترمين الزبونة وترسلين لها باسرع وقت ..

نجي للبريد ..

انا اشحن للبنات و احب يشحنون لي بالبريد الممتاز دايما .. اغلى من البريد العادي .. بس ..
اضمن من ناحيتين .. يوصل الطرد في ظرف يومين انا اشحن للبنات الاحد الصبح يوصلهم الثلاثا .. او بالكثير الاربعا ..

وثاني شي كل ماتاخر الطر د ممكن يرفعونه وينقلوونه من مكان لمكان يتكسر اللي فيه ..
فاسرع تضمنين نقله اقل .. وعرضته للكسر اقل ..

وفيه ميزة انه ما يحتاج يكون عندك صندوق بريد ..
اهم شي اسم المستلم ورقم التلفوووون اهم شي .. واحتفظي برقم الطرو د .. بملف عندك .. تحسبا لاي ظرف .. ممكن يضيع او تنكر البنت انك ارسلتي لها شي ..

يفضل في بداية تجارتج .. مع ان فيها مجازفة .. انك ترسلين البضاعة ولما تستلم البنت ..
ترسل لك الفلوس عشان تكسبين ثقتها .. وثاني شي بتكتب تجربتها عنك .. ويزيد الطلب عندك ..
بناء على تجارب الاخوات ..اللي استلمو منك ..

بس بعد انا كنت ادرس زبونتي واكلمها اكثر من مرة استفسر عن اللي تبيه ويبين من كلامها انها بنت حلال والانصابة .. وفيه ناس ما تستحي .. من تدري ان الدفع بعد الاستلام ..
تطلب وتطلب وتطلب .. هذي تخوووووف .. تبي تحصل على اكبر قدر منك ..

هذي طنشيها او اعتذري منها بدبلوماسية ..

سعر الشحن .. بالبريد الممتاز تقريبا .. من خبرتي . .
من الامارات لدول الخليج ..

اول كيلو ب40 درهم ..واي كيلو اضافي ب20 درهم ..

من السعودية لدول الخليج ..
اول كيلو 70 ريال .. واي كيلو اضافي .. ب20 درهم ..

واي شي ثاني انا بالخدمة ..
05-11-1427 هـ, 12:15 صباحاً
 
يعطيك العافيه اختي عطور وبخور على النصيحه...
06-11-1427 هـ, 12:40 صباحاً
 
مشكووووووووره والله يعطيك العافيه ويوفقك بتجارتك >>>>آآآآميـــــــــــــــــــــن

بصراحه نبهتيني لأمور ماكانت على بالي


اقتباس مشاركة  (عطور وبخور)


واي شي ثاني انا بالخدمة ..

مانستغني عن خدماتك والله يكثر من أمثالك
06-11-1427 هـ, 12:48 صباحاً
 
مركز ابو هيل في دبي
06-11-1427 هـ, 12:55 مساءً
 


الساعة الآن 08:13 .