السلام عليكم و رحمةالله و بركاته


حبيباتي


اولا انا ما اشتغل يعني ما عندي اي مصدر دخل غير مصروفي اليومي

و انا جمعت من مصروفي 300 درهم
( لا تقولون لي مندوبه )

و بصراحه حابه استثمرهم في اي شي بس مضمون و يرد عليه بأرباح

++++ و لو كان في تعامل ويا اي احد++++

رجاءاً بنات بلادي فقط ( لاني ما أثق في اي احد غير )

بنات بلادي -------> يعني اماراتيه

لاني تعاملت ويا وايد ناس من جنسيات ثانيه(((( الله يستر عليهم ))))

غشوني والله اني تعبت واااااايد

و في الاخير شردوا عني





و ودي بعد أشتغل عن طريق النت

انزييييين & بتقولون شو الخبرات اللي عندج &

اولا: انا احب اتعامل ويا بنات بلادي فقط (ما أثق في اي احد غيرهن )

ثانيا: انا اقدر اصمم ازياء ( يعني ارسل التصميم لاي وحده) و تدفع لي المبلغ عن طريق الحواله

ثالثا: اقدر اسوي رسومات لقصص الأطفال ( و اطرشهم عن طريق النت ) و تحولون لي المبلغ المتفق عن طريق الحواله

رابعا: اقدر أساعد اي تاجره في تسويق منتجاتها على النت*يعني احطهم في عدة منتديات * و اتابعهم كل يوم ( بشرط ما تكون الضاعه معروضه من قبل) +اللي تبغي تعر ف كيف تراسلني عالخاص


خامساً: اقدر اجمع صور من جميع المواقع و اقسم الملفات مثلا مجلد ( الصور المتحركة ) مجلد ( صورالطبيعة) مجلد (صور طعام و شراب) مجلد ( بنات الأنمي)................. ................الخ و اطرشها ( خاصه حق البنات اللي يشتغولن في برامج التصميم و البور بوينت للشروح)

سادساً : انا انتظركم و حاطه الأمل في الله ثم فيكم

+ و خبرونياهم شي انه كيف اقدر استثمر 300 درهم في شي مفيد ++


فديتكم ردوا عليه و عطوني كل افكاركم + او حتى اقدر اعطيهم اي وحده (اماراتيه من الامارات )(امينه ) تشغلي اياهم
و تاخذ فايدتها و تعطيني فايدتي


انتظركم






السلام عليكم ورحمة الله وبركاته

هلا ومرحبا حبوبة

فديتج من فترة أسبوع تقريبا

الأخت uae-moon 44 نزلت موضوع

أنها حابة تتوسع في تجارتها

وفي نفس الوقت حابة تفيد الخوات

وأنه الربح بيكون أسبوعي

مقابل كل 500 درهم .. يطلع لج في الأسبوع 100 درهم

ولو تحبين تستلمين راس المال والربح عقب أسبوع .. عادي تسلمج المبلغ

ولو تحبينها اتتم تشتغل لج فيهن .. بعد هي ما تمانع

بصراحة؟؟ أنا شاركت الأسبوع اللي طاف بمبلغ 6000 درهم وياها

والبارحة يزاها الله كل خير .. ردت علي برسالة أنه المبلغ صار 7200 درهم

أنا أساسا قلت لها مابا المبلغ ولا الأرباح إلا عقب شهرين تقريبا

فهي رجعت واستثمرت راس المال + الربح في هالأسبوع الثاني


انتي حالياً عندج 300 درهم

لو تزيدين المبلغ 200 درهم .. بترومين تشاركين وياها الأسبوع الياي إن شاء الله

على العموم .. انتي راسليها .. وفالج طيب




حبيبتي يعني هل هذا الشي مضمون ؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ ؟


و بعدين ممكن تحطي لي رابط الموضوع باسرع وقت


و مشكوره وايد



و انا انتظر افكاركم بعد




انتظركم
هلا الغالية مشكورة رومانوف اختي انا مواطنة وبنات بلادي مشاركات وياية وانا اتاجر اذا حبيتي اشغلج الفلوس اقدر اطلعلج لكل 300 درهم تقريبا 70 درهم فايدة اذا حابة تشاركينويانا انا اتعامل ويا البضايع وابيع لج نسبة ولي نسبة وحياج الله
حبيباتي وفقكم الله حبيت بس ادعيلكم بالتوفيق وحبيبتي شفافة الشوق الكل أخوان في الله ولافرق بين عربي ولاعجمي الا بالتقوي والعمل الصالح تحري الذين يخافون الله واستخيري قبل ان تبداي بالامر والله ولي التوفيق وعلي فكرة انا مش من الامارات بس حبيت ابارك لك انو وجدتي احد يساعدك لانك سعيتي واجتهدتي والباقي خليه علي ربك


الساعة الآن 09:04 .