زوجك غلط على أهلك وأخوانك - كيف تتصرفين ؟؟؟

والله يا حبيبتي انا بقول انها تبقى في بيتها لانه يمكن حكاها وهو معصب والرجال لما يعصب بيحكي كتير اشياء ..
لكن اذا تمادى عندها لازم توقفه عند حده ...

ولله حبيبتي اذا كان معصب ما عليك من الكلام الي يقوله واجلسي في بيتك اما اذا تطور الموضوع ذيك الساعه روحي لبيت اهلك

سعودية كول
فراشة هادئة

أحترم أرائكم ومشكورين على المشاركة

هذه مشكله صديقتي الله يعينها

ما يرضى يعطيها مصروف لها ولعيالها الأثنين كل شهر
بس يدفع أجار البيت وهي تشتري أغراض الجمعية كل شهر وتصرف على نفسها وملابس عيالها
بس ياكل ويشرب واللي ذابحها إنه مخصص مصروف لأهله وشرطه إذا تبي منه مصروف تترك شغلها وتبيع سيارتها ويعطيه اللي يقدر عليه (20-30د.ك) لها ولعيالها تخيلوا بهذا الزمن شنو يكفي هذا المبلغ

طبعاً صار لهم على هذه المشكلة 9 سنوات زواج وكل مرة يصلحون بينهم الأهل عشان العيال ويقولون يمكن مع الزمن يتغير ؟؟؟

لكن إلى متى وليش متزوج إذا ما يبي يصرف على عياله ، عمره ما دخل عليها بهدية أو ملابس حتى لأولاده ماعدا العيدين يعطيها مبلغ (50-80 دينار كويتي ) لها وعيالها وكيفها تشتري اللي تشتريه تدبر نفسها بهالمبلغ
أهله مرتاحين وهي شقيانه ويقولون لها عادي كل زوجة تساعد زوجها
اللي ذابحها
إنه ما يعترف إنها شايلة نفسها 9 سنوات وهو ياخذ ابسط حقوقها حق أهله وراحتهم ودايم يقول إنها ما سوت له شي بحياته وطول عمرها مقصرة معاه ؟؟

الحين محتارة يأ إما إنها ترضى بهذا الوضع إنها تصرف من جيبها وتساعده غصب عنها أو الطلاق ؟؟
مو الزوجة لها حق بمصروفها حتى لو راتبها آلاف الدنانير وإلا غلط ؟؟؟
إشرايكم ؟؟؟

شوفي حبيبتي اذا تبين الحق هي راتبها حقها كااااااااااااااامل وماله حق يطلب منها أي فلس وفوقها يصرف على بيته ويعطي مرته مصروف بعد حتى لو كانت تشتغل!!!

والله ماخلى الرجال هالأيام يتساهلون الا احنا الحريم ,...أول ما يقصر عن البيت نسد احنا العجز لييييين يشل يده بالكامل!!!

أنا رايي اذا هو مقتدر تاخذ لها إجازة بدون راتب أو تقوله انها سوت جمعيه وبتاخذ 80% من الراتب عشان تشتريلها أرض والا بيت وخله لا يذوق شي بالبيت وتتحمل 4 5 شهور ذيك الساعه بيتلحلح وبيصرف شوي..

بس اذا بتسوي هالطريقه لازم تحط في بالها انه بيعاند ويمكن يحط راسه براسها ولا يصرف بس صدقيني اذا كان نفسها طويل لا تصرف شي حتى الأكل تروح بيت أهلها والا أهله عشان يتفشل أنه ما يصرف فلوس الايدام!!!

وعياله خل يشتغلون عليه بالطلبات والا على جدتهم من أبوهم!!

بس لا تسويها تحدي والله أنا ماراح أصرف مشكلتك!!

لا تقوله انها مزنووووووووقه حيل واذا تبيني أهد شغلي ما عندي مانع بس سدد السلفيات اللي متدينتها...

وأمورها الماليه تفتحلها حساب سري ما يدري عنه والبريد على بيت أهلها..


بس تتحمل شوي لين يتعدل الحال ويصرف على بيته

وتتحمل عشان عيالها لأن الطلاق مب حل!!!

والله ييسر لها يارب لا تنسى الدعاء وقيام الليل وجعل ربي ييسر لها أمرها يارب

حبيبتي بنت الدوحة

قالت له إذا تترك شغلها يسد أقساط سيارتها ويصرف عليها ، ما رضى طبعاً وكل همه أهله
وهي مو هاينة عليها العشرة وكل مرة تتنازل عشان تمشي سفينة الحياه فيهم عشان عيون العيال بس كل هذا مو جاي بعينه
وللأسف راتبه ضعيف وايد وما راح يقدر يصرف على البيت والعيال وسيارة بعد ، لا ينتحر
وطبعا مصروف أهله ما ينزل منه فلس إذا عنده ظروف هذا الشهر ، مفروض عليه يدفع مصروف أهله كامل ويتصرف هو بما بقي له من الراتب ويعيش على قده وزوجته تسد الباقي وأهله مرتاحين

شنو هذا ظلم ،
وأهلها يحملونها مسئولية وضعها لأنها كل مرة ترضى وتتنازل عن مصروفها الشهري وترجع له عشان العيال صار 9 سنين على هذا الوضع

والدها رافض الإنفصال وخواتها يقول لها ما يستاهل تضيعين سنين عمرك مع واحد مو حاط لك إعتبار
وهي محتارة عشان العيال ودها بالإنفصال لأن عيشتها معاه بالأسم بس مو حاط لها إعتبار بالمرة تحس نفسها بدون كرامة وما تقدر تعيش في بيت أهلها لأن ماراح تتحمل المصاريف وتعودت على بيتها ومكانها وحريتها غير توصيل المدارس ومصاريف المدرس لأنها خاصة مش حكومية ورسومها غالية نوعا ما

ما العمل ؟؟؟؟؟؟؟؟؟؟؟؟؟؟
أرجوكم ساعدوها